A Zakari 4

Vẽnegr a nu soaba: Fɩtl doagendg ne oliiv tɩɩse

1Malɛɛk ning sẽn dag n gomd-a ne maamã lebg n wa neka maam wa b sẽn nekd ned a gõeemẽ. 2Yẽnda soka maam yaa: «Fo nee bõe?» La mam leokame: «Mam nee fɩtl doagendg sẽn yaa sãnem gilli, n tar tʋk sẽn be a yĩngrã, la fɩtl-dãmb a yopoe n dog a zugu, la fɩtl fãa tara yõgneg zĩis a yopoe sẽn be a zugẽ wã. 3#Vẽn 11.4Oliiv tɩɩs a yiib n yas n yeg-a, a yembr bee tʋkã rɩtgo, t'a yembrã be a goabga. 4Mam leb n soka malɛɛk ning sẽn dag n gomd-a ne maamã yaa: «M soaala, bõn-kãensã rat n yeelame tɩ bõe?» 5La malɛɛkã leoka maam yaa: «Fo ka mi bõn-kãensã sẽn dat n yeel tɩ bũmb ning sɩda?» Dẽ, mam leokame: «Ayo, m soaala!» 6Dẽ, malɛɛkã yeela maam yaa:

«Ad Sẽn-Ka-Saab koɛɛg a Zorobabɛll yĩnga:

‹Ka ne gãndaalem,

leb n ka ne pãng me ye.

Yaa ne mam sɩɩgã.

Yaa maam a Sẽn-Ka-Saab sẽn yaa

Saasẽ-Pãng-Soabã n yeele.»

7Tãn-kãsenga, fo yaa ãnda a Zorobabɛll taoore?

B na n sarma foom.

A Zorobabɛll na n yãka mam doogã

pãng kugr beenẽ,

la nebã na n kilsame n yeel tɩ ‹pẽgre,

bɩ a paam pẽgre!›

8Sẽn-Ka-Saab goma ne maam n yeel yaa:

9‹Yaa a Zorobabɛll nus n yẽbg ro-kãngã,

la yaa yẽnda nusã n na n me-a n baase,

dẽ, yãmb na n bãngame tɩ yaa

Sẽn-Ka-Saab sẽn yaa Saasẽ-Pãng-Soabã

n tʋm maam yãmb nengẽ.›

10 # Ɛsd 5.2 # Vẽn 5.6 Woto wã, ãnda la sẽn paoog tʋʋmdã

sẽn sɩng bilfã?

B sã n wa yãnd namdã sẽn be a Zorobabɛll nugẽ wã,

b na n kɩdmame.

Fɩtl-dãmb a yopoe wã mamsda Sẽn-Ka-Saab ninã sẽn get dũniyã gill fãa wã.» 11#Vẽn 11.4Dẽ, mam soka malɛɛkã yaa: «Oliiv tɩɩs a yiibã sẽn yas fɩtl doagendgã rɩtg ne a goabgã mamsda bõe?» 12Mam leb n sok-a-la naoor a yiibẽ soab yaa: «Oliiv tɩɩs wil a yiibã sẽn be sãnem soay a yiibã sãnem-koom sẽn tũud n yitẽ wã sɛɛgã mamsda bõe?» 13Malɛɛkã leoka maam yaa: «Fo ka mi bãmb sẽn mamsd bũmb ning sɩda?» La mam yeelame: «Ayo, m soaala!» 14Dẽ, a yeela maam yaa: «Bãmb yaa neb a yiib nins b sẽn pʋdg ka-paalgã b zutã, bãmb yasa dũni gill soaalã taoore.»

Currently Selected:

A Zakari 4: MPBU

Highlight

Copy