A Nahum 2
2
1 #
Eza 52.7
Zʋʋda nebã, koe-toagsd n be tãmsã zut n watẽ.
Yẽnda wata ne koe-noogo, la laafɩ koɛɛga!
Dẽ yĩngã, bɩ y maan y tigã,
la y pids y pʋlendã!
Bala, sãamdã ka na n leb n pɩʋʋg yãmb sʋk ye.
Yẽnda pãngã sɛɛ zãnga.
2Niniiv rãmba, tãb-biis n wat n na n zab ne yãmba,
Bɩ y gũ y tẽngã lalse,
la y gũ y soayã!
Sẽbg-y y sɛɛga,
la y paam daood n yɩ gãndaado.
3Bala, Sẽn-Ka-Saab lebsda a Zakoob yagensã b waoogrã,
la b lebsd Israyɛll a ziirã.
Bala, fãadbã rag n fãa bãmba,
n sãam bãmb wa b sẽn kao wila.
B reega Niniiv tẽngã n yãmbe
4Tãb-biisã gãnd yaa miidu,
Gãndaadã yera fu-miidu.
B saar-dãmbã b sẽn segl zabrã yĩngã pãrda wa bugum,
tɩ b kãnã zẽgsdẽ.
5Saar-dãmbã zoeta soayã zut ne tʋʋlem,
n pɩʋʋmd zĩisã fãa wa bug-vɩlense,
la b zoeta ne tʋʋlem wa sa-yãgbo
6Niniiv rĩmã tigsda a tãb-bi-gãndaadã,
la b kẽndame n lagsdẽ.
Zab-zabdbã zoet n wata tẽngã lalg sẽnẽ,
la b soonda lalgã poore.
7Tẽngã rignoy nins sẽn tees kʋɩlsã sẽnẽ wã pagsame,
la na-yirã neb pɛleng yɩkame tɩ b rigda.
8B rɩka wẽn-poakã naandã#2.8 Naandã: Ebre buudã goam pʋgẽ, b ka wilg a sẽn yaa a soab vẽeneg ye. La d tagsdame tɩ yaa bõn-naandga. n looge,
t'a tʋmtʋmd-pogsã wũusd wa manwala,
n pĩisd b yãado.
9Niniiv tẽngã lebga wa ko-baoor
sẽn wurg t'a koomã raagdẽ,
B boonda tãb-biisã sẽn zoetã n yetẽ:
«Yals-y-yã! Yals-y-yã!»
La bãmb ned ba a yembr ka wẽnemded a poorẽ ye.
10B rag n yetame:
«Zɛ-y wanzuri wã! Zɛ-y sãnemã!»
Tẽngã laogã ka tar tɛk ye.
Laog buud toor-toor sẽn tar yõod bee be.
11Zɛɛbo! Wãabo! Sãoongo!
Nebã fãa raood sɛɛme,
tɩ b rũmã pãbd taaba.
Bãmb digda ne rabeem,
tɩ b nensã bondge.
Niniiv tẽngã lebga wa gɩgemd pãng sẽn sɛ
12Gɩgma wã gãag zĩig bee yɛ?
Gɩgem-poalã sẽn dag n paamd b rɩɩb ziig ningã bee yɛ?
Gɩgem-daoogã ne gɩgem-yãangã sã n da yi n bas gɩgem-bi wã,
ned ka be n na n saag n sɩɩs-b ye.
13Gɩgem-daoogã rag n yit n yõgd n gʋsdame,
n wat n kõt gɩgem-yãangã ne gɩgem-bi wã,
gɩgemdã gãag zĩig pida ne rũms a sẽn yõg nemdo.
14Saasẽ-Pãng-Soabã yetame:
«Niniiv tẽnga, mam na n zaba ne foom!
Mam na n ninga fo saar-dãmbã bugum,
la fo kom-bɩɩsã sẽn yaa wa gɩgem-poalã na n paa tãp pʋgẽ.
Fo kõn leb n tõog n fã dũniyã nebã paoong yɛs ye.
La b kõn leb n wʋm fo koe-toagsdbã rãamd ye.»
Currently Selected:
A Nahum 2: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
