A Zonaase 3
3
A Zonaas moona koɛɛgã Niniiv tẽngã
1Sẽn-Ka-Saab leb n goma ne a Zonaas naoor a yiibẽ soab n yeel-a yaa: 2«Yik n kẽng Niniiv sẽn yaa tẽn-kãsengã pʋgẽ, n tɩ togs koɛɛg ning mam sẽn togs foomã.» 3Dẽ, a Zonaas yikame n kẽng Niniiv wa Sẽn-Ka-Saab sẽn yeel yẽnda wã. Niniiv tẽngã rag n yaa tẽn-kãseng Wẽnnaam nifẽ. La a yalmã ra tata rasem a tãab kẽnde.
4 #
Mat 12.41, Luk 11.32 La a Zonaas sɩngame n kẽn daar a yembr Niniiv tẽngã pʋga. La a ra moondame n yetẽ yaa: «Ade, keta rasem pis-naas bala, tɩ Sẽn-Ka-Saab sãam Niniiv tẽngã.» 5Dẽ, Niniiv tẽngã neb tẽe Wẽnnaam. La bãmb mooname n yeel nebã fãa tɩ b loe noore. La sẽn sɩng ne kãsma, n tɩ tãag yao-zʋʋga, nebã fãa yeelga sũ-sãang fut n zĩnd tompeglmẽ. 6La Niniiv naabã sẽn wʋm kibarã, a yika a naamã geer zug n yeeg a naamã kobre, la a yeelg sũ-sãang fuug n zĩnd tompeglmẽ.
7Dẽ poore, Niniiv naabã kɩtame tɩ b moon Niniiv tẽngã pʋg n yeel yaa: «Rĩmã ne a kug-zĩidbã wilgdame tɩ ninsaalbã ra rɩ rɩɩbo, la bɩ rũmsã fãa, sã n yaa rũm-bɛd wall rũm-bãoonego, ra wãb yamdo, la b ra yũ koom me ye. 8La bɩ ninsaalbã ne rũmsã fãa yeelg sũ-sãang futu, tɩ ned kam fãa kelem n bool Wẽnnaam ne a sũur fãa, la a wẽnemd n bas a manesem-wẽngã, ne a tʋʋm-wẽnsã a sẽn da maandã! 9Bala, ãndã n mi Wẽnnaam sã n ka na n sik b sũuri, tɩ d paam n põse?» 10Wẽnnaam yãnda Niniiv nebã yel-manesmã, n mik tɩ b rag n basda b tʋʋm-beedã. Dẽ, Wẽnnaam teka yam ne sɩbgr ning bãmb sẽn dag n dat n sɩbg Niniiv nebã, la b basame n ka sɩbg-b ye.
Currently Selected:
A Zonaase 3: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
