Sɩngre 5
5
A Ãdem yagense
1 #
Sɩng 1.27-28
Ad sebr ning sẽn wilgd a Ãdem yagensã. Daar ning Wẽnnaam sẽn naan ninsaalbã, bãmb naan-b lame n wẽneg b menga. 2#Mat 19.4, Mark 10.6Wẽnnaam naana bãmba, raoa la paga. Wẽnnaam ninga bãmb bark n pʋd b yʋʋr tɩ ninsaala, b sẽn naan bãmbã wakate. 3A Ãdem sẽn wa n tar yʋʋm koabg la pis-tã, a roga bi-ribl n wẽneg a menga, wa yẽnda yalẽ wã sẽn yaa to-to wã, la a pʋda a yʋʋr t'a Sɛte. 4A Ãdem vɩɩmd n kaoosa yʋʋm kobs-nii a Sɛt rogmã zugẽ. La a roga kom-dibli la kom-pugli. 5A Ãdem vɩɩmã tɛk fãa yɩɩ yʋʋm kobs-wɛ la pis-tã, la a kiime.
6A Sɛt sẽn wa n tar yʋʋm koabg la a nu, a roga a Enoose. 7A Enoos rogmã zugẽ, a Sɛt vɩɩmd n kaoosa yʋʋm kobs-nii la a yopoe, la a roga kom-dibli la kom-pugli. 8A Sɛt vɩɩmã zãng yɩɩ yʋʋm kobs-wɛ la piig la a yiibu, la a kiime. 9A Enoos sẽn wa n tar yʋʋm pis-wɛ, a roga a Kenan. 10A Kenan rogmã zugẽ, a Enoos vɩɩmda yʋʋm kobs-nii la piig la a nu, la a roga kom-dibli la kom-pugli. 11A Enoos vɩɩmã zãng yɩɩ yʋʋm kobs-wɛ la a nu, la a kiime. 12A Kenan sẽn wa n tar yʋʋm pis-yopoe, a roga a Mahalalɛlle. 13A Mahalaleyɛll rogmã zugẽ, a Kenan vɩɩmda yʋʋm kobs-nii la pis-naase, la a roga kom-dibli la kom-pugli. 14A Kenan vɩɩmã zãng yɩɩ yʋʋm kobs-wɛ la piiga, la a kiime. 15A Mahalaleyɛll sẽn wa n tar yʋʋm pis-yoob la a nu, a roga a Yerɛɛde. 16A Yerɛɛd rogmã zugẽ, a Mahalaleyɛll vɩɩmda yʋʋm kobs-nii la pis-tã, la a roga kom-dibli la kom-pugli. 17Mahalaleyɛll vɩɩmã zãng yɩɩ yʋʋm kobs-nii la pis-wɛ la a nu, la a kiime. 18A Yerɛɛd sẽn wa n tar yʋʋm koabg la pis-yoob la a yiibu, a roga a Enoke. 19A Enok rogmã zugẽ, a Yerɛɛd vɩɩmda yʋʋm kobs-nii, la a roga kom-dibli la kom-pugli. 20A Yerɛɛd vɩɩmã zãng yɩɩ yʋʋm kobs-wɛ la pis-yoob la a yiibu, la a kiime. 21A Enok sẽn wa n tar yʋʋm pis-yoob la a nu, a roga a Matusela. 22A Matusela rogmã zugẽ, a Enok tũu Wẽnnaam yʋʋm kobs-tã, la a roga kom-dibli la kom-pugli. 23A Enok vɩɩmã zãng yɩɩ yʋʋm kobs-tã la pis-yoob la a nu. 24#Ebr 11.5, Zʋʋ 1.14A Enok tũu Wẽnnaam, la a wa n ka beẽ ye. Bala, Wẽnnaam zẽk-a lame n looge. 25A Matusela sẽn wa n tar yʋʋm koabg la pis-nii la a yopoe, a roga a Lemeke. 26A Lemek rogmã zugẽ, a Matusela vɩɩmda yʋʋm kobs-yopoe la pis-nii la a yiibu, la a roga kom-dibli la kom-pugli. 27A Matusela vɩɩmã zãng yɩɩ yʋʋm kobs-wɛ la pis-yoob la a wɛ, la a kiime.
28A Lemek sẽn wa n tar yʋʋm koabg la pis-nii la a yiibu, a roga bi-ribla. 29A Lemek pʋda a biigã yʋʋr t'a Nowe, n yeele: «Bi-kãngã na n yɩɩ belsg tõnd yĩnga, d tʋʋm-toodã yĩnga. Yaa tʋʋm nins tõnd sẽn tʋmd tẽn-gãong ning Sẽn-Ka-Saab sẽn kãab wẽngã zugã.» 30A Nowe rogmã zugẽ, a Lemek vɩɩmda yʋʋm kobs-nu la pis-wɛ la a nu, la a roga kom-dibli la kom-pugli. 31A Lemek vɩɩmã zãng yɩɩ yʋʋm kobs-yopoe la pis-yopoe la a yopoe, la a kiime. 32A Nowe sẽn wa n tar yʋʋm kobs-nu, a roga a Sɛm, a Kam ne a Zafɛte.
Currently Selected:
Sɩngre 5: MPBU
Highlight
Share
Copy
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.