Sɩngre 17

A Abram yʋʋrã lebga a Abrahaam

1A Abram sẽn wa n tar yʋʋm pis-wɛ la a wɛ, Sẽn-Ka-Saab puka b meng ne yẽnda, n yeel-a yaa: «Mam yaa Wẽnnaam Sẽn-Tõe-Fãa! Bɩ f tũ maam ne burkĩndi. 2Mam na n maana m kaoolã ne foom, la mam na n kɩtame tɩ f yagensã fɩɩg n hal wʋsgo.» 3La a Abram lʋɩɩme n fõgen a neng tẽnga. La Wẽnnaam yeela yẽnda yaa: 4«Sã n yaa ne maam, ad kaool ning sẽn na n zĩnd foom ne maam sʋkã! Fo na n lebga buud wʋsg ba. 5#Rom 4.17B ka na n leb n bool foom t'a Abram ye. B na n boola foom t'a Abrahaam. Bala, mam kɩtame tɩ fo lebg buud wʋsg ba. 6Mam na n kɩtame tɩ fo rog hal wʋsgo, la m na n kɩtame tɩ buud wʋsg yi fo pʋgẽ. La rĩm-dãmb na n yii fo pʋgẽ. 7#Luk 1.55Mam na n vigla m kaoolã ne foom, la ne fo yagensã sẽn na n wa pʋgl foom n wa wã, zamaan woo zamaane. Na n yɩɩ kaool sẽn paad wakat sẽn kõn sa. Woto yaa sẽn wilgd tɩ mam na n yɩɩ foom ne f yagensã sẽn na n wa fo loogr zugẽ wã Wẽnnaam. 8#Tʋʋm 7.5Mam na n kõo foom ne f yagensã sẽn na n pʋgl foom f loogr zugẽ wã Kana soolmã. Yaa soolem ning fo sẽn yaa sãan a pʋgẽ wã, la mam na n kõ-f tɩ f soog wakat sẽn kõn sɛ yĩnga, la mam na n kell n yɩɩ bãmb Wẽnnaam.» 9La Wẽnnaam yeela a Abrahaam yaa: «Sã n yaa ne foom, kell n tall mam kaoolã, la bɩ foom ne f yagensã sẽn na n pʋgl foom n wa wã sak kaool ninga mam sẽn viglã, zamaan woo zamaane. 10#Tʋʋm 7.8, Rom 4.11Ad yãmb sẽn na n sak kaool ning mam sẽn vigindã to-to. Yaa kaool mam sẽn ning yãmb ne y yagensã ne maam sʋkã: Bi-ribl fãa sẽn be yãmb sʋkã tog n kẽe bãongo. 11Bãongã kẽesg na n yɩɩ kaoolã bãnde, maam ne yãmb sʋka. 12Zamaan woo zamaan fãa, yãmb bi-ribl sã n wa tar rasem a nii, bɩ y kẽes-a bãongo. La a tog n yɩɩ woto me ne kom-dibli nins fãa sẽn dog fo zakã pʋgã, la ne yembs nins fo sẽn da ne ligd tɩ b yaa sãamb n ka yãmb buudã nebã. 13Neb nins fãa sẽn be fo zakã pʋgã, la ne yembs nins fãa fo sẽn da ne ligdã tog n kẽe bãongo. Dẽ, mam kaoolã bãnd na n bee yãmb yĩngã zugu. La a na n yɩɩ kaool sẽn paad wakat sẽn kõn sa. 14La ned ninga fãa sẽn ka kẽ-a bãongo, b na n yiisa a soabã a buudã sʋka, yẽnda sẽn ka sak mam kaoolã yĩnga.»

A Abrahaam yagense

15Wẽnnaam leb n yeela a Abrahaam yaa: «Ade, fo pag a Sarayi yʋʋr ka na n leb n yɩ a Sarayi#17.15 Sarayi: Yʋʋr ning b sẽn boond tɩ Sarayi wã võor dat n yeelame tɩ «na-bi-poaka.» yɛs ye. Yẽnda yʋʋr na n lebga a Saara.#17.15 Saara: Yʋʋr ning b sẽn boond tɩ Saara wã võor dat n yeelame tɩ «buud wʋsg yaaba.» 16Mam na n ninga a Saara barka, n kɩt t'a rog fo bi-ribla. Mam na n ning-a-la bark n kɩt tɩ buud wʋsg yi yẽnda pʋgẽ. Rĩm-dãmb ne buud wʋsg na n yii yẽnda pʋgẽ.» 17La a Abrahaam yĩgimdame, n fõgen a neng tẽng n la, bala, yẽnda rag n tagsda a sũurẽ n yetẽ: «Rẽ yĩnga, mam sẽn yaa nin-kẽem sẽn tar yʋʋm koabgã, tõe n leb n doge, bɩ a Saara sẽn tar yʋʋm pis-wɛ wã, n tõe leb n dog biiga?» 18A Abrahaam yeela Wẽnnaam yaa: «M sẽn kot yaa t'a Ismayɛll we n vɩɩmd yãmb taoore!» 19La Wẽnnaam yeela a Abrahaam yaa: «Ka na n yɩ woto ye! Yaa fo pag a Saara n na n dog bi-ribl n kõ-fo, tɩ f pʋd a yʋʋr t'a Izake, sẽn dat n togs t'a ‹laado›, la mam na n vigla m kaoolã ne yẽnda, la yaa wakat sẽn kõn sa yĩnga. La yaa yẽnda ne a yagensã yĩnga. 20La sẽn paas me, mam wʋma fo sẽn kos bũmb ning a Ismayɛll wɛɛngẽ wã. Mam na n ning-a-la barka, n kɩt t'a rog kamba, n fɩɩg n yɩ wʋsgo. Nanams piig la a yiib n na n yi yẽnda pʋgẽ, la mam na n kɩtame t'a Ismayɛll yɩ bu-kãseng ba. 21La sẽn kẽed ne mam kaoolã wɛɛngẽ, yaa ne a Izak sẽn yaa bi-ribl ning fo pag a Saara sẽn na n dog vẽer woto wẽndã la m na n vigl-a.»

22Wẽnnaam sẽn gom woto ne a Abrahaam n sɛ, bãmb basa a Abrahaam n looge. 23Dẽ poore, a Abrahaam peega a biig a Ismayɛlle, ne yem-daad nins sẽn dog yẽnda zakẽ wã, ne yem-daad nins yẽnda sẽn da ne ligdã, sẽn dat n yeel tɩ raop nins fãa sẽn be yẽnda zakã pʋgẽ wã. La a Abrahaam kẽesa bãmb bãong badaare, wa Wẽnnaam sẽn yeel yẽnda wã. 24A Abrahaam sẽn wa n na n kẽ bãongã, rẽ t'a tara yʋʋm pis-wɛ la a wɛ. 25A Abrahaam biig a Ismayɛll kẽe bãongã wakat-kãnga, la rẽ t'a Ismayɛll tara yʋʋm piig la a tãabo. 26Yaa badaar la a Abrahaam ne a bi-ribl a Ismayɛll kẽ bãongo. 27Baa ne yembs nins sẽn dog a Abrahaam zakẽ wã, ne yẽnda sẽn da yembs nins ne ligd sãambã nengẽ wã fãa naaga yẽnda n kẽ bãongo.

Currently Selected:

Sɩngre 17: MPBU

Highlight

Copy