Sɩngre 10

A Nowe kambã yagense

1A Nowe kom-dibli wã, a Sɛm ne a Kam la a Zafɛt yagens la woto. Sa-kẽengã loogr zugẽ, bãmb doga kom-dibli. 2A Zafɛt kom-dibli wã yaa: A Gomeere, a Magooge, a Madayi, a Yavan, a Tuballe, a Mesɛke, ne a Tɩɩrase. 3A Gomeer kom-dibli yaa: A Askenaaze, a Rifate, ne a Togarma. 4A Yavan kom-dibli yaa: A Eliiza, a Tarsɩɩse, a Kitim, ne a Dodanim. 5Yaa bãmb yagensã n sãeeg n be tẽms nins sẽn koom sẽn gũbgã, n lebg soolem-dãmb n tar b tẽmse, soolem fãa ne a goamã, la a roto. 6A Kam kom-dibli yaa: A Kuusi, ne a Mitsrayim, ne a Put la a Kana. 7A Kuus kom-dibli yaa a Seba, a Havɩla, a Sabta, a Rama, ne a Sabteka. A Rama kamb yaa a Seba, ne a Dedan. 8A Kuus me n dog a Nimroode. Yaa a Nimrood n yɩ pipi gãndaoog dũniyã zugu. 9Yẽnda rag n yaa tãoos gãndaoog sẽn tar pãng Zu-soabã taoore. Yaa woto n kɩt tɩ b mi n yetẽ tɩ: «Gãndaoog wa tãoos a Nimrood sẽn yɩ pãng soab Zu-soabã taoorã.» 10Yẽnda reng n yɩɩ naab Babɛlle, Erɛke, Akaade, ne Kalne sẽn be Sineyaar soolmẽ wã. 11A Nimrood yii beenẽ n kẽng Asʋʋre, n tɩ tilg Niniiv tẽngã, ne Rehobot tẽngã, ne Kala tẽngã, 12ne Rezɛn tẽngã sẽn yaa tẽn-kãseng n be Niniiv ne Kala sʋka. 13A Mitsrayim yagens la Luud buudã, ne Anam buudã, ne Lehaab la Naftuwa buudã, 14ne Patroos la Kaslu buudã, yaa bãmb sʋk la Filistẽ-dãmbã ne Kaftoor-dãmbã yi yã.

15A Kana roga a bi-kãseng a Sɩdõ, ne a Ɛte. 16A Kana yagens yaa Zebuus-rãmbã ne Amoor-dãmbã, ne Girgaaz-rãmbã, 17ne Hevi-rãmbã, la ne Harki-rãmbã ne Sĩn nebã, 18la ne Arvaad-rãmbã, ne Semaar nebã, la Hamat-rãmbã. Rẽ zugẽ, Kana buudã neb yaool n sãeegame. 19Kana buudã neb soolem tɛk sɩngda ne Sɩdõ n dabd Geraar n tall n tɩ tãag Gaaza, n leb n yi Sodom sẽnẽ, n dabd Gomoor ne Adma la Seboyim, n tall n tɩ tãag Lesa. 20Woto yaa a Kam yagense, wa sẽn zems b rotã ne b buudã goamã sẽn yaa to-to, b tẽmsã ne b soolma pʋse.

21A Zafɛt kẽem a Sɛm me paama kom-dibli. Yaa a Sɛm n yaa a Hebɛɛr buudã yaaba. 22A Sɛm kom-dibli wã la woto: Yaa a Elam, a Asʋʋre, a Arpaksaade, a Luudi ne a Aram. 23A Aram kamb la woto: a Utsi, a Ulli, a Getɛɛr ne a Maase. 24A Arpaksaad n dog a Sela, t'a Sela rog a Hebɛɛre. 25A Hebɛɛr doga kom-dibli a yiibu. A pipi biigã yʋʋr la a Pelɛɛge, bala, yẽnda wakatẽ wã tɩ b rag n pʋɩɩ tẽngã, la a yao wã yʋʋr boondame t'a Yoktan. 26A Yoktan doga a Almodaad ne a Selɛf la a Hatsarmavɛt ne a Yera, 27la a Hadoram ne a Uzall la a Dikla, 28la a Oball ne a Abimayɛll la a Seba, 29ne a Ofɩɩre, la a Havɩla ne a Yobaabe. Nin-bãmbã fãa yaa a Yoktan kamba. 30Bãmb tilga b zagsã Mesa sẽn be sẽn dabd Sefaar tẽngã, n tall n tãag tãms nins sẽn be yaang sẽnẽ wã. 31Bãmb yaa a Sɛm yagense, wa sẽn zems b buudu, la goam buudu, la b tẽms ne b soolem.

32A Nowe kom-dibli wã yagens la woto, wa sẽn zems b roto, la b soolem. Yaa sẽn sɩng ne bãmba, la buud toor-toorã sãeeg n pid dũniyã sa-kẽengã loogr zugẽ.

Currently Selected:

Sɩngre 10: MPBU

Highlight

Copy