MI CILIMA 40
40
1Lan den pendi Ejipiti bado naacenba niba lie den tudi opo. Laa naacenba siiga nni yendo den tugi yaaba n den tendi o bado o bonñokaala kuli yaa yuli, o yua mo den tugi yaaba n den die o bado bonjekaala kuli yaa yuli. 2*Falono pali den beni bi naacenliediba yeni po, 3ke o ban luoni ba li kpaadidieli nni bi tandanba yudaano diegu nni ban den luoni Josefi naankani yeni. 4Li kpaadidieli yudaano den taa ba ki piani Josefi ke wane n yaa guu ba. Bi den lo lankani ki tieni yogunuba.
Josefi bundi kpaada lie dangidi
5Ñayengu bi naacenliediba den dangi ti dangidi. Yua kuli dangidi den pia lan bundi yaala. 6Ku tiŋaagu Josefi n den cua bikani o den sua ke bi nunmu biidi. 7O den buali Falono naacenba yaaba n den lo leni o o canbaa diegu nni ki yedi ba: «Be teni ke yi nunmu biidi dinla?» 8Bi den goa ki yedi o: «Ti dangi ti dangidi ki naa pia yua baa bundi tipo ti dangidi n bua ki yedi yaala.» Josefi den goa ki yedi ba: «U Tienu kaa bani bonla kuli n bua ki yedi yaala? Togidi nni mani yi dangidi.»
9O bado naacemo yua n den tugi yaaba n den tendi o bado bonñokaala kuli yaa yuli den togidi o wan den dangi yaa dangidi ki yedi: «N dangidi nni n den laa duven yaa tibu. 10Laa tibu den pia beni taa, a muada n den cili, bu puuma den fibidi ki loni li bonluonkaala ke li beni. 11Falono den kubi wan ñu leni yaa tiagu o nuu nni. N den taa li bonluonkaala ki nugi ki ñani li ñima ki kuodi ma Falono n den kubi yaa tadiñokaaga o nuu nni yeni.» 12Josefi den yedi o: «Ti dangidi yeni bundima n ne: i bentaadi yeni tie dana taa yo. 13Ne leni dana taa bi baa ñani a nekanba ŋan guani badidiegu a tuonli nni ki go yaa tendi o bado o bonñokaala nani ŋan den kpa tiendi maama yeni. 14A yaa ñani ki ban ti ye u manu nni, ŋan da sundi npo, U Tienu leni a, ŋan ban maadi n maama Falono kani min baa ki ña yaa diegu n tie ne niinni. 15Kelima bi suni nne Ebilu yaaba diema nni, baa nekanba moko mii bi liba kuli ka ke bi luoni nni.»
16Yua tugi yaaba n die o bado bonjekaala kuli yuli n den sua ke o lielo dangidi bundima den mani, omo den yedi Josefi: «N moko yaa dangidi nni n den tugi baabuodi taa ke dupen bonpieno kpie lienni. 17Yaa baabuogu n den kpedi ki cie tikuli yaa niinni den pia Falono bonjekaala buoli kuli, i nuani den kpendi ki di min tugi yaala yeni.» 18Josefi den goa yedi o: «A dangidi bundima nne: ti baabuodi yeni tie dana taa yo. 19Ne leni dana taa Falono baa ñani a nekanba ki ban soadi ŋa ku daagu po i nuani baa cua ki je a gbanandi.» 20Li dataali, yaa daali n tie Falono maadaali tiadima badu, o den tieni u badu o naacenba kuli po. Laa daali, 21o den teni ke bi ñani yua n tugi yaaba n tendi o o bonñokaala kuli yaa yuli leni yua n tugi yaaba n die o bonjekaala kuli yaa yuli li kpaadidieli nni. O den teni ke yua n tugi yaaba n tendi o o bonñokaala kuli yaa yuli goa ki cili o tuonli, ki mubini o o tadiñokaaga. 22Ama o den teni ke bi soadi yua n tugi yaaba n die o bonjekaala kuli yaa yuli yeni nani Josefi n bundi bi dangidi maama yeni. 23Yua n tugi yaaba n tendi o bado o bonñokaala kuli yaa yuli yeni den sundi Josefi po. O den sundi opo cain.
Falono dangi ti dangidi
Currently Selected:
MI CILIMA 40: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
