MI CILIMA 20
20
1Abalahama den fii lankani ki kua ganu po yaa diema nni. O den kali Kadesa leni Sula yaa siiga ki go kali Gelada waamu. 2Abalahama den yedi ke o pua Sala tie o waalo. Gelada yaa bado Abimeleka den teni ke bi taa opo Sala.#Cil 12.13; 26.7 3Lanwani U Tienu den doagidi Abimeleka kani ti dangidi nni ku ñiagu ki yedi o: «Diidi a baa kpe kelima ŋan den taa yaa pua yeni yaa po, kelima o pia o ja.»
4Abimeleka daa den kua o pua kani o den goa ki yedi: «N Diedo naani a baa teni ke yaa nibuolu n tiegi n bodi bi? 5Naani Abalahama wani oba kaa yedi nni ke o tie o waalo? O moko den yedi ke o tie o kpelo yo. N den tieni likuli leni li papienli leni yaa nii n ki pia tagiliba kuli.»
6U Tienu den yedi o o dangidi nni: «N bani ke a tieni likuli leni li papienli lan teni ke n den yie apo ke ŋan da tieni npo ti *tuonbiadi. Li tie lani yaa po ke mii den tuo ke a sii o. 7Moala ŋan guani o ja yeni o pua, kelima o tie sawalipualo o baa jaandi apo lan tie ŋan yaa ye. Ama a yaa guani o, ŋan bandi ke a baa kpe, fini leni yaaba n tie a yaa niba kuli.»
8Abimeleka den fii ku tiŋaapanpangu ki yini o naacenba kuli ki waani ba laa bonla kuli ke ti jawaanciandi den cuo laa niba kuli. 9Abimeleka go den yini Abalahama ki yedi o: «A tieni tipo be n yeni? N den bii ŋa be ke a teni ke laa tuonbiaciandi cua mini leni n diema kuli po? A den tieni npo yaala ke laa pundi ke o nilo n tieni.» 10Abimeleka den yedi Abalahama: «Be n den ye a yama nni ke a tieni laa bonbuolu?»
11Abalahama den goa ki yedi o: «N den yedi n pali nni ke mi naa diema naa jie U Tienu baa waamu ke bi baa kpa nni kelima n pua po. 12Ama li go tie i moamoani ke o tie n waalo, n baa yaa bisalo. Li tie ke tii taa naa yo, lan teni ke o den tua n pua. 13U Tienu n den teni ke n goadi ki foagidi leni n baadiegu yaa yogunu n den yedi Sala: ‹Diidi wan baa tieni npo yaa *ŋanbili tin baa gedi yaa kaani kuli nni. N den mia wan yedi ke n tie o kpelo yo.› »
14Abimeleka den taa i pe leni i ne ki go taa a jatuada leni a potuada ki puni likuli Abalahama ki guani o o pua Sala. 15Abimeleka den yedi: «Diidi n diema ye a nintuali ŋan ban kali ŋan bua naani kuli.»
16O go den yedi Sala: «Diidi n puni a kpelo kujapiena tudili. Lani n baa tua yaa maalima n doagidi a kpiiba kuli nintuali ke ŋaa pia tagiliba laa bonla yaa niinni.»
17Abalahama den mia U Tienu ke U Tienu den paagi Abimeleka leni o pua leni o potuada kuli ke bi den fidi ki punbi ki mali. 18Kelima Li Miali Diedo den teni ke Abimeleka diegu nni puoba kuli den tua ŋoalimu kelima Abalahama pua Sala yaa po.
Isaaka madi
Currently Selected:
MI CILIMA 20: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
