MI CILIMA 10
10
1Diidi bine n tie Nowe yaa bijaba Sema, Kama leni Jafeta yaa puoliŋuani. Ki tabolinkaaga n den pendi bi den mali a bila.
2Jafeta yaa bijaba n tie bine: Gomela, Magogi, Madayi, Yafana, Tubala, Meseki, Tilasa. 3Gomela mo yaa bijaba n den tie bine: Asikenasa, Lifata, Togalima. 4Yafana mo yaa bijaba n den tie bine: Elisa, Talisisi, Kitima leni Lodanima. 5Bani n den tie yaaba n den pugini ki gbieni i nibuoli yaa kpendega kuli nani bi tinmu n tie maama. Tinga kuli leni ki mabuolu nani bi gaani leni bi mabuoli n den tie maama.
6Kama mo yaa bijaba n den tie bine: Kusa, Mitisilayima, Puti leni Kanana. 7Kusa mo yaa bijaba n den tie bine: Seba, Hafila, Sabita, Laema, Sabiteka. Laema mo yaa bijaba n den tie bine: Seba, Dedana. 8Kusa go den mali Nimiloda. Wani n tie yua n den cili ki pia u paaciamu ki tinga nni. 9O den tie tuadimoano Li Miali Diedo nintuali hali ke bi den tua: «Tuadimoano U Tienu nintuali nani Nimiloda yeni.» 10O den cili ki diedi Babela leni Eleki leni Akada leni Kaline, yaa dogi n ye Sineala yaa diema nni. 11Asula den ñani laa diema nni. O den maa yaa dogi n yi Ninife leni Lehoboti leni Kala leni Lesena, 12yu n ye Ninife leni Kala yaa siiga ki tie u dociamu.
13Mitisilayima mo den mali Ludima yaaba leni Anamima yaaba leni Lehabima yaaba, leni Nafituyima yaaba leni Patilusima yaaba. 14Leni Kasiluhima yaaba, Filisiti yaaba n den ñani yaaba yaa kani, leni Kafitolima yaaba.
15Kanana mo den mali o bijakpelo Sidoni leni Heta, 16leni Jebusa yaaba leni Amola yaaba leni Giligasa yaaba leni 17Hefa yaaba leni Alika yaaba 18leni Sini yaaba leni Alifada yaaba leni Tisemali yaaba leni Hamati yaaba. Lan pendi Kanana yaa buolu den yadi ki paadi. 19Kanana yaaba yaa diema yaa tinbianu den cili Sidoni, Gelada kalu po ki yaa caa hali Gasa ki go ban taa Tiseboyima, *Gomola, ki pundi Lesa yaa kunu. 20Bani kuli tie Kama yaa bijaba nani bi gaani leni bi maama leni bi dogi leni bi buoli n tie maama.
21Jafeta yaa waalo Sema mo den mali o bijaba ki tua Hebeli yaa bila kuli yaa baa. 22Sema mo yaa bijaba den tie bine: Elami leni Asula leni Alipakisadi leni Luda leni Alama. 23Alama mo yaa bijaba den tie Utisi, Hula, Getela leni Masa. 24Alipakisadi mo yaa bijua den tie Sela, Sela den mali Hebeli. 25Hebeli mo den mali jaba lie. Yendo den yi Pelega kelima li den tie o yaa yogunu ke bi den boagidi ki tinga. Pelega waalo den yi Yokitana. 26Yokitana den mali Alimodadi leni Selefa leni Hatisalimafeti leni Yela, 27Hadolami leni Usali leni Dikila, 28Obali, Abimayeli, Saba, Ofili, Hafila, Yobabi. 29Bani kuli den tie Yokitana yaa bijaba. 30Bi diema den ye hali Mesa dogu ki teli Sefala ki pundi puoli po yaa juana. 31Bani kuli tie Sema yaa bijaba nani bi gaani leni bi maama leni bi dogi leni bi buoli n den tie maama.
32Nowe yaa bijaba yaa gaani den tie yeni nani bi nifiima leni bi nibuoli n tie maama. Hali ki tabolinkaaga n pendi, bani n tie yaaba n den yadi ki gbie li ŋandunli nni kuli.
Babela doanciangu yaagu n kpedi hali boncianla yaa maama
Currently Selected:
MI CILIMA 10: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
