Yele-za-pɛr-tib 5
5
A nɩbɛ na dɔw lɩɛrɩ taa a yée na tĩ a Adama zie ɛ́ tɩ tɔ a Nowe a
1A Adama bʋʋrɛ yée sɛbɛ n'ɩ à ŋà:
A ʋlɩ bibir a Naaŋmɩn na ír a nɩsaal a, ʋ maal'ʋ na ʋ ŋmɛ̃ taa nɩ ʋ. 2Ʋ ír bɛ na dɛb nɩ pɔw, ʋ maalɩ bɛ na ɛ́ por bɛ a yúor kɛ́ nɩsaal, a ʋlɩ bibir nɛ tɔr za ʋ na ír bɛ a.
3A Adama tɩ tɛr'ɩ yome lɩz'a ayʋɔb nɩ pie (130), ɛ́ dɔw bidɛb, ʋ ɩ a ʋl tɔr za. Ʋ tɩ por ʋ nɩ Sɛtɩ. 4A Adama na wa dɔw a Sɛtɩ baar'a, ʋ cãà na maalɩ yome kɔbr ani (800), dɔw bidɛbr nɩ pɔwyaar. 5A Adama yome za tɩ ɩ n túr vʋ̃ɔ kʋba dɔwlɩ yome lɩzɛr'ɩ pie (930), ʋʋ kpi.
6A Sɛtɩ tɩ tɛr'ɩ yome kʋba nɩ anũu (105), ɛ́ dɔw Enɔsɩ. 7A Sɛtɩ na wa dɔw a Enɔsɩ baar'a, ʋ cãà na maalɩ yome kɔbr ani dɔwlɩ yome ayopõi (807), dɔw bidɛbr nɩ pɔwyaar. 8A Sɛtɩ yome za tɩ ɩ n túr vʋ̃ɔ kʋba dɔwlɩ yome pie nɩ ayi (912), ʋʋ kpi.
9A Enɔsɩ tɩ tɛr'ɩ yome lɩz'a anaar'ɩ pie, ɛ́ dɔw Kenaan. 10A Enɔsɩ na wa dɔw a Kenaan baar'a, ʋ cãà na maalɩ yome kɔbr ani dɔwlɩ yome pie nɩ anũu (815), dɔw bidɛbr nɩ pɔwyaar. 11A Enɔsɩ yome za tɩ ɩ n túr vʋ̃ɔ kʋba dɔwlɩ yome anũu (905), ʋʋ kpi.
12A Kenaan tɩ tɛr'ɩ yome lɩz'a ata nɩ pie, ɛ́ dɔw Mahalalɛl. 13A Kenaan na wa dɔw a Mahalalɛl baar'a, ʋ cãà na maalɩ yome kɔbr ani dɔwlɩ yome lɩz'a ayi (840), dɔw bidɛbr nɩ pɔwyaar. 14A Kenaan yome za tɩ ɩ n túr vʋ̃ɔ kʋba dɔwlɩ yome pie (910), ʋʋ kpi.
15A Mahalalɛl tɩ tɛr'ɩ yome 65, ɛ́ dɔw Yɛrɛdɩ. 16A Mahalalɛl na wa dɔw a Yɛrɛdɩ baar'a, ʋ cãà na maalɩ yome kɔbr ani dɔwlɩ yome lɩzɛr'ɩ pie (830), dɔw bidɛbr nɩ pɔwyaar. 17A Mahalalɛl yome za tɩ ɩ n túr vʋ̃ɔ kʋba ŋmãa anũu (895), ʋʋ kpi.
18A Yɛrɛdɩ tɩ tɛr'ɩ yome lɩz'a ani nɩ ayi (162), ɛ́ dɔw Enɔkɩ. 19A Yɛrɛdɩ na wa dɔw a Enɔkɩ baar'a, ʋ cãà na maalɩ yome kɔbr ani (800), dɔw bidɛbr nɩ pɔwyaar. 20A Yɛrɛdɩ yome za tɩ ɩ n túr vʋ̃ɔ kʋba dɔwlɩ yome lɩz'a ata nɩ ayi (962), ʋʋ kpi.
21A Enɔkɩ tɩ tɛr'ɩ yome 65, ɛ́ dɔw Matuzalɛm. 22A Enɔkɩ na wa dɔw a Matuzalɛm baar'a, ʋ maal'ɩ a Naaŋmɩn pʋ-tɩɛrʋ yome kɔbr ata (300), dɔw bidɛbr nɩ pɔwyaar. 23A Enɔkɩ yome za tɩ ɩ n kɔbr ata dɔwlɩ yome lɩz'a ata nɩ anũu (365). 24Ʋ tɩ maal'ɩ a Naaŋmɩn pʋ-tɩɛrʋ, al pùorí ʋ bɔr, bʋ̃ʋ n'ʋ vɛ̃, a Naaŋmɩn tɩ ír ʋ na cen nɩ a ʋ zie.
25A Matuzalɛm tɩ tɛr'ɩ yome kɔbr ayi vʋ̃ɔ lɩzɛr dɔwlɩ yome ayopõi (187), ɛ́ dɔw Lemɛkɩ. 26A Matuzalɛm na wa dɔw a Lemɛkɩ baar'a, ʋ cãà na maalɩ yome kɔbr ayopõi dɔwlɩ lɩz'a anaar nɩ ayi (782), dɔw bidɛbr nɩ pɔwyaar. 27A Matuzalɛm yome za tɩ ɩ n túr vʋ̃ɔ kʋba dɔwlɩ yome lɩz'a ata nɩ piwaɩ (969), ʋʋ kpi.
28A Lemɛkɩ tɩ tɛr'ɩ yome kɔbr ayi vʋ̃ɔ lɩzɛr dɔwlɩ yome ayi (182) ɛ́ dɔw bidɛb. 29Ʋ tɩ por'ɩ a yúor kɛ́ Nowe#5:29 Nowe: A Nowe yúor pɛr'ɩ “Naaŋmɩn n'ɩ a mɔwlɛ”.. Bʋ̃ʋ n'ʋ vɛ̃, ʋ tɩ yere na: «A sob ŋa n'ʋ na mɔwlɩ tɩ a tɩ tome pʋɔ, nɩ a bàlʋ a na fɛr kɛ́ tɩ nyɛrɛ a pʋɔ, a Sore na ŋmɛ ƴãw a tẽsɔw a zũú.» 30A Lemɛkɩ na wa dɔw a Nowe baar'a, ʋ cãà na maalɩ yome kɔbr ayʋɔb ŋmãa anũu (595), dɔw bidɛbr nɩ pɔwyaar. 31A Lemɛkɩ yome za tɩ ɩ n kɔbr ayopõi dɔwlɩ yome lɩz'a ata nɩ pie nɩ ayopõi (777), ʋʋ kpi.
32A Nowe tɩ tɛr'ɩ yome kɔbr anũu (500), a lɛn daar ʋ na dɔw Sɛ́m, Kam, nɩ Zafɛtɩ a.
Currently Selected:
Yele-za-pɛr-tib 5: DBDC
Highlight
Share
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.