Matayo 28
28
1Ili nkonu wa Sabato undesia na ngama ya nkonu wa Iṛuva ikakwimboo, Maria Magidalena kasha isengera mbanga ya Yesu andu emwi na Salome na Maria ulya ungi. 2Lia eni isanga likarerema nnu, fulya malaika wa Nndumi aoloka iṛuvewu kaserikya mbanga kashebiṛingita-wo iwe lia liirayee mwaango wa mbanga kalikaya. 3Na vvili wamwi wikee ikalakala sha kimuli na nseto wamwi wikee mwelwa fyu. 4Na varingi valya veekee iringa mbanga vakakyangika vakava sha vafu. 5Kake malaika ulya kaia vaka valya: Mutaeṛee! Niishi namanya mukee iṛuya Yesu ulya andekabyo nsalabeń. 6Akiifo ndi, anduka sha lia annumbua. Oṛeshoń mulle alya Nndumi eeaṛyoo! 7Na numa risheń mundeia vanalosho vamwi andu emwi na Petiro, sheeli anduka kwa vafu. Nae amwiryaa mbele kulya Galilaya. Mfo mundellolyaa. Nniń namuia. 8Vakasomuka mbangeń veerishaa na weṛei na ifura inini indeongoya vanalosho va Yesu mboni ii. 9Ili vakirekye shień kitaare vamfikia vanalosho, lia eni Yesu kakwania nawo kavavaanga: Yeyo kień! Vakanserikya vakabaana marende amwi vakawa na si mbele yamwi. 10Llyo Yesu avaia: Manya mutaeṛee! Endeń mundeia vamwanamae vakwa vaende Galilaya. Mfo vandeshilolyaa.
11Neeli varie shia veendaa, lia eni varingi valya kiindi vakafika kulya muṛiń vakaongoya vakohani vanini kya filya foose fatanika. 12Nawo vakakusandya andu emwi na vasuṛi. Vakalya kyama vakafinga vasikari valya fesa shiingi. 13Vakavaia: Numbueń sheeli wanalosho vamwi vandesha kio vakamwiva tirekye ruoń! 14Na kwakooya kirero ki kyaitiwa mmwitoṛo wa uruka, ise tireraa nae tiwinge na uṛango, kaaṛa ini mutaunganiswa. 15Nawo vakawaria fesa tilya vakatana sheeli vandefundwa. Na kirero ki kikarerwa kwa Vayuda na kumande nnu.
16Vanalosho valya ikumi na umwi vakaenda Galilaya vakafika uroń lua Yesu eewavavasyaa. 17Ili vandellolya vakawa na si mbele yamwi. Kake kiindi kyawo vakawarwa ni inunua. 18Yesu kavashea karera nawo. Kavaia: Niń nanniingwa finya yoose ya ishilia kulya iṛuvewu na kunu isangeń. 19Kyasia endeń mundeaṛua vandu va masanga woose, amu vave vanalosho vakwa mwivabatisaa vave va Iṛuva Nde na Mwana na Mumuyo Nsongori. 20Na ivalosha muvaloshe iwara filya foose nndemuvavasa. Nań nkaa andu emwi neeni mikonu yoose kumande isanga lisiaa.
Currently Selected:
Matayo 28: RWK72
Highlight
Share
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
