Lukasi 14

1Na yakwilaga aho wingilaga ha sabato kulya mu numba ya muhanya umo wa Vafarisayo, venavo vamwikomaja. 2Na lolaga, munhu alwalile safura wavagiho hambele nawe. 3Na Yesu witavukaga na wavawilaga vamanicha ngʼhama na Vafarisayo, uhaya, Guli mwiko 4kupizya ha sabato ninga ngʼo? Alisi avo vahulikaga. Na wamudimaga, wamupizaja na wamupaga luhusa. 5Na witavukaga na wavawilaga, Nani mugati ninwe ulu mpunda ninga ngʼombe yakwe yagwilaga mu 6lwinzi, akuleka kuyifumya itungo lili ha sabato? Na vavagi vakakovolile kumwitavuka ku genaya.

7Na wavawilaga avo vitanilwe hakulila, aho wavonaga 8kitisi valahaga masumbi ga kumbele, uvawila, Ulu ulitanwa na umo ku winga, uleke kwikala kumbele, 9kwigela ngʼo umo akukilile isima witanwa nawe, na mwenuyo wakwitanaga veve na uyo, aliza na alikuwila, Umwihege mwenuyu, na haho ukuvuka na nsoni kwikala hamhelo. 10Sumbwa ulu ulitanwa, uje ukikale hamhelo, kigele ulu wizaga mwenuyo wakwitanaga akuwile, Mwichane, uje kumbele. Haho ukupiwa isima hambele na vose valikala hakulila. 11Kwisi homwene aliwikulilizya mwenekili akudoheleziwa, na homwene aliwidohelezya mwenekili akukuliliziwa.

12Na wamuwilaga mwenuyo homwene wamwitanaga, Ulu ulivezya mayeye handiyu ninga hamhindi, haho uleke kuvitana vanwani vako, ninga ngʼo vaduguyo, ninga ngʼo va mugana gwako, ninga ngʼo vazenganwa vasavi, kwigela ngʼo venavo vakwitane na sisyo kukusyokelezya. 13Sumbwa ulu ulivezya mayeye, uvitane vapina, vihinile, valema, vahofu, na veve ukwelukilwa, 14kunguno vakavile na cha kukusyokezya veve, alisi ukusyokeziwa mu vuhembuke wa vagololoku.

15Alisi aho umo mugati na venavo vikalaga hakulila wayigagwa yeniyi, wamuwilaga, Welukilwa mwenuyu akulya chakulya mu vutemi wa Mulungu. 16Alisi uyu wamuwilaga, Munhu mbati wavezaja mayeye mahanya na wavitanaga vingi. 17Na wamutumizaja mukumba wakwe mwitungo lya mayeye kuvawila avo valalikilwe, 18Mwize, kwisi gose galiho tayari. Na vose vavukizaja na isala limo kwilombela venekili. Wa mbele wamuwilaga, Nene nagulaga mugunda na yandima kuja kukagwilolela, ndikulomba undole kitisi umo wilombelaga mwenekili. 19Na ungi wayombaga, Nene nagulaga ngʼombe ikumi na ndija kuzigema, ndikulomba undole kitisi umo wilombelaga mwenekili. 20Na ungi wayombaga, Nene natolaga mukima, na kunguno yeniyi nkakovolile kwiza. 21Na mukumba wasyokaga na wamupozezaja gukuye. Haho mwenekili numba wakilagwa na wamuwilaga mukumba wakwe, Ufume wangu ku barabara na nzila zya mukaya na ukavalete vapina, 22vihinile, vahofu, valema, vingile mwenumo. Na mukumba wayombaga, Guku, gakwilaga genaya walagilaga, na hakwikala hatali haliho. 23Na guku wamuwilaga mukumba, Ufume, uje ku nzila na ku malugutu na uvibembelezye kwingilamo, kigele numba yane yokale. 24Kwisi ndimuwila inwe, kuduhu umo wa venavo valalikilwe akugalavuzya mayeye gane.

25Alisi mbuto nhanya ya vanhu vayumbaga hamohene 26nawe, na uyu wikevelaga na wavawilaga, Ulu umo aliza kuwane na akavile kumugaya ise na nina na mukima na vana na vaduguye na valumbuye na myuye zyakwe zyene, akakovolile kuvi muhemba wane. 27Homwene akavile kusomba musigiti gwakwe na kundonda akakovolile kuvi muhemba wane. 28Kwisi nani mugati ninwe ulu alikova kuzenga chamba, kwikala ngʼo hambele kusolozya mupango kuvona, ulu ali na 29nsavo zya kukimalizya, kwigela ngʼo, ulu wamalaga kuzenga musingi na kuleka kukovola kukimalizya, venavo valilola vavukizye kumufusa na kuyomba, 30Munhu mwenuyu wavukizaja kuzenga na akakovolile kumalizya. 31Ninga mutemi ki homwene alija kulasana na mutemi ungi, kwikala ngʼo hambele na kwitozya, ulu alikovola na vanhu fihumbi ikumi kusanja na mwenuyu aliza na vanhu fihumbi makumi avili. 32Ulu ngʼo, haho alivatumizya vakombe, aho uyo atali kule, kulomba vikondele. 33Sisyo savasava kuduhu umo mugati ninwe homwene akagalekile gose ali nago, alikovola kuvi muhemba wane. 34Munyu guli musoga, alisi ulu munyu gwasukile, guvegeleziwe naki hangi? Gukavelile ngʼo ninga ku nsi ninga ku matembe, valigutaga hanze duhu. 35Homwene ali na matwi ga kwigwa, adegeleke!

Currently Selected:

Lukasi 14: Nym51

Highlight

Copy