MALAKI 1

1Ni irero lya Nndumi Iruva lyilesheya Malaki navie vana va Israeli indi,

Ikunda lya Nndumi kwa Israeli

2Mmbo shilemukunda yeni. Kyeendi yeni mukaamba, “A mmbo kulelukunda inda? A ndesa Esau nshi we nsongoru wa Yakobo?” Nndumi Iruva avesa Lyo shakunndya Yakobo. 3Lyo Esau shansua shanninga uruka uumu. Na ding'u yakwe shainingya mabarwe a kasa. 4Lla elyi Edomu aamba, “Mmbo lukevasirye-sirye, lyo nkuti luwuye lundetana lyingi kulya kukee kure urapu.” Nndumi Iruva muni matorito mmbo aamba indi, “Wo vatani-da, lyo yeny shisambwe,” Na vandu vashevavaanga, “Nnda wa uravi” ao “Vandu Nndumi Iruva ammbafumbya llung'anu.” 5Neeni mushelollya mwaambe, “Nndumi Iruva mmbwe aishiwa koose nshi Israeli-da-fo.”

Nndumi Iruva Asakira Vakohani

6Mwana mmbo eendya ndeye, na nndu nndundi kalla Nndumi Iruva wakwe. Kyasiany, kwakooya yeny shikee nde waany, wiindi lwakwa lwalla-kwi? Na kwakooya yeny shikee Nndumi Iruva waany wiindi lwakwa lukee kwi? Nndumi Iruva mmbo amuvesa yeni vakohani mwanshimina. Neeni mukaamba, “Mmbo lwakumina inda?” 7Mmbo mwavika firaso fitefusu yoo kitareny kyakwa kyeerasya, mukaamba, “A mmbo lwakutefusa inda?” Kimmba llya mwaamba, “Mesa ya Nndumi Iruva n'kindo kilatiri wiindi.” 8Neeni elyi moota kiraso kindo kifiiye miso, ao kindo kikee kitongororo ao kindo kilwee, mukaamba nkitiri mwaandu-fo, Kyasia, nkyeutya mangyi wafo, kulola, awaryaa dede? Ni Nndumi Iruva akuvesa. 9Ulaalu mmbo shamuvavasa, mutereve usari kwa Iruva, nalusarye, elyi muletana indo. A ndesa Iruva ashemwiirikyaa mulansaryo mbele? 10Kyevaa kyeeni umwi waany naraye myaango ya mmba ya Iruva naambo mulandeata muro wa ruu wekora firaso! “Nshitiri ifura neeni-fo,” Nndumi Iruva arera indo. Nta nshiwaryaa firaso fya maako any-fo. 11Mashika irina lyakwa mmbo lyikeyiindyo mmasanga moose nkonu piti. Na wo ando kukafumbirwa nrungo nsha na firaso fisennyi, nalyo irina lyakwa lyikavikwa yeele Mmasanga moose. Niindo Nndumi Iruva aamba. 12Lyo mmbo mwatefusa irina lyakwa mashika elyi mwaamba, “Mesa ya Nndumi Iruva nshi kindo-fo, na findo fyavayo ao nyama mfitiri nnduma-fo.” 13Na lyingyi mukaamba, kindo eki kyalwaarisa nnu! Mukamina, mukaveende na kindo kileuka mbusheny shikasha, na kitongororo, ao kindo kilwee. Mfyo firaso mweende. Nndumi Iruva kavesa, “Mmbo shiwaryaa findo fya ngata yeyo, yeny?” 14Nndu llembi nave n-denge, yeto kwakwe nndu Nndumi Iruva avika kyaasa nootye Iruva kiraso lyo koota kindo kikee kitongororo. Yeny mmbo shike Mangyi ya matorito. Na irina lyakwa mmbo lyeeresye ulaniny koose.

Currently Selected:

MALAKI 1: MAS2

Highlight

Copy