Zakaliya 3
3
Wulajilwe we kane: Mukohani Muwaha Yoshuwa
1Ale, mu wulajilwe wunji kanyhi, Muwaha Mulungu yakandajila Mukohani Muwaha Yoshuwa yali yemile ha mwande ya malayika wo Muwaha Mulungu. Baho behi na Yoshuwa, yakema Setani mono yali yewikanize ho wesumanize na Yoshuwa. 2Malayika wo Muwaha Mulungu yakamutya Setani. “Ale Muwaha Mulungu yakutacile 'gwe Setani! Muwaha Mulungu mono yayendile Yelusalemi, kokulipiciza. Hambi mwene Yoshuwa na yenha cizinga cono cawuswa mu moto.” 3Ale, Yoshuwa yali yemile baho ha mwande ya malayika yavwalile myenda yono yitipiye. 4Malayika yakawalonjela wetumami wakwe wa ku wulanga, wono wali wemile ha mwande yakwe yakawatya, “Mumuwopolaje munhu ayu myenda yiyo yono yitipiye, yono yavwalile.” Hanyuma yakamulonjela Yoshuwa yakamutya, “Ale, nakondya kukuwuziza wubi wako, nokupela ne myenda mipya yo wuvwale.”
5Yakawalajiliza wetumami wamuvwalize Yoshuwa ne mukumbo muswanu mu mutwe wakwe, nawo wakamuvwika. Hanyuma wakasola ne myenda mipya nayo wakamuvwaliza. Lulo malayika wo Muwaha Mulungu yali yemie baho yalanjiliye. 6Hanyuma malayika yakamulonjela Yoshuwa nha vyono 7Muwaha Mulungu we Mihanga yakutya, “Hono wuvumile no kwibata malajilizo gangu, no kwituma milimo yono nakupela witume, holeka kojendelela kuwa mulongola wa mu Nyumba yangu, hamonga ne mihali yayo. Nane nghwulika wulombe wako, nha vyono nghuwa kuwahuliciza i wamalayika wono wemile ha mwande yangu. 8Wuhulicize 'gwe Yoshuwa, agwe yo gwegwe mono weza wuli Mukohani Muwaha. Nanye nyo wakohani wayagwe, i watyatyi wakwe, muhulicize, anye yo nyenye mono muli citanjilo ce ziswanu zose zono cikuzilanjilila. Nomulajila calinze u mwitumami wangu, mono kacemwaga Inhambi! 9Nane nghuwika ha mwande ya Yoshuwa yibwe limonga, lyono lina wusu wuli mupunghati. Nokakata mandiko mucanyha yalyo, na mwi'zuwa limonga, nolowusiza lukulu u wubi wa mu yisi yiyi. 10Ne lizuwa lilyo kolo lyeza kuza, nyenye wose molowalalika wekalani wayenyu waze muhanje nawo mu nyemo yo mulamu no wutule, i hanhu hono howa hapilimwe ne mizabibu yenyu hamonga ne mikuyu.”
Currently Selected:
Zakaliya 3: LLKWW
Highlight
Share
Copy
Want to have your highlights saved across all your devices? Sign up or sign in
Cigogo Bible © Bible Society of Tanzania, 2002.
