Luka 2

1Neke lino pafigono fifyo u-Kesale Avugusutu neke alagilage ululagilidzo lwa kuta: vandi-kwage ilidugulu lyonda.

2Ukwandikwa ukulongodzi uku kwavonekye, pe a: dzagye u-Kilene mu-Silija.

3Neke baho vahelelage vonda mukwandikwa najula kwilavwa lyakwe najula kwilavwa lyakwe.

4Neke baho na ju Josefe ahumage mu-ńi mu-Galilaja mukâja mu-Nasa-lete neke ahelelage ku-ńi ku-Judaja kukâja ja Davidi, je vitigila Beteleheme ilitavwa, pakuva ali va muńumba ja Davidi pamutangilo gwanavo,

5ahelelaga mukwandi-kwa na ju Malija, umufwike vakwe, umwene ve afulwike. 1, 27.

6Neke lino avye adzifike neke kifikage ikigono ikya kumuholela umwâna.

7Neke baho amuholage umwâna umukwamidzi uva vuvele neke amunyengage nimyênda neke amulambalikage mwibani, lye dzidakulila isenga, pakuva pali pe ligulula, pagajile apakumuvika. Mat. 1, 25.

8Neke lino pali povali navakwamidzi mu-ńi jijo, vali mudâsi neke vagona-ga vidima indîmwa dzanavo.

9Neke umuńa-mwandza va mutwa image, pe vali, neke vavonage nindolo dza mutwa dzikuvamulika. Neke baho avene vo-gopage mbandu.

10Neke umuńa-mwandza neke alongage navo neke atigilage: mutane ukogopa, lolage ndivwene ndi-vańamulye ulukelo ulukomi ulwa kukela avanu vonda.

11Pakuva nalelo avaho-lelilwe umupoki veńo, Kilisiti umutwa, mukâja ja Davidi.

12Ikimańilo ikya kumu-mańila mudzivona ikyali vanyengile nimyênda kilambalye mwibani.

13Neke baho nakalingi amalugu aga kukyâńa ga-hange numuńa-mwandza, gakumulumba Nguluvi gi-tigila:

14amalumbo kwa Nguluvi kukyâńa, kwen’eńi lutengamaso, kuvanu gwelye. 19, 38; Ef. 2, 14. 17.

15Neke lino baho, avańa-mwandza vavye vinukye kukyâna, neke avadimi vilondzage vatigilage: sûko lino tuhelele ku-Beteleheme, tukalole ilidzwi, ilivonike, lye atulongye umutwa.

16Neke baho vagendanidzage pakuhelela neke vakavonage na ju Malija na ju Josefe na ki kyali kilambalye mwibani.

17Neke vavye vamuvwene, neke lino valipu-lisage ponda ilidzwi, lye vapulike pamwâna uju. v. 10-12.

18Neke lino vonda, avapulikaga, neke vadzumage amadzwi, ge vavavulaga avadimi.

19Kiba Malija agavikage amadzwi aga gonda, aga-hodzehedzaga munumbula jakwe. v. 51.

20Neke baho avadimi vapilukage neke vamulu-mbage Nguluvi vamuginyage pa dzonda, dze vapulike, neke vavone dzi-gendye baho, pe valongelilwe avene.

21Neke lino fivye fidzumbile ifigono fihanu na fidatu, pe kifikile ikigono kya kumusingila umwâna, neke baho atambulwage ilitavwa lya Jesu, lilyo lye alitambwe umuńa-mwandza, pe asina ingililwa na kwa ṅina. 1, 31. 59.

22Neke lino fivye fidzumbile ifigono fyanavo, fye vali vańa-lupumba, fifyo fye alagilidze Mose, neke baho vahelelage nave umwâna ku-Jelusaleme, mukumuhufya kwa Nguluvi.

23Ndevye lwandikwe ulwa mumilagililwe gya mutwa ulwitigila: tonda utwâna utugosi utwa vuvele kuvaṅinavo, twîmike kwa Nguluvi.

24Neke vahelelage nave mukusindika uvusembe, ndevye nalo kangi lolilwe mumilagililwe gya mutwa ulwitigila: nambi nde dzivedze ndzi va dzivili, nambi ngundya dzivili indzana.

25Neke lino ku-Jelusaleme kuko ali kwali umunu, je ali je Simejono ilitavwa. Neke umunu uju ali mugolofu, isugīlilaga kwa Nguluvi, adzindilaga uluhuvidzo lwa Nguluvi, lwe avahuvihidze avakina-Jisilahele. Neke na ju Mubepo umwîmike ali apakwe.

26Na ju Mubepo umwîmike amuvilye ṅani atigye: uveve usilakuvona ukufwa, ulatala umuvone je vitigila Kilisiti va mutwa.

27Neke je ahelelage mutembele, avye amulongye u-Mubepo umwîmike. Neke lino avavaha va Jesu, pe vikwingila nave umwâna, pe vatigye. tugendelage nave, lwe twa twigendela ulwa milagililwe,

28neke ha ju mwene amupagatage umwâna neke amulumbage Nguluvi atigilage:

29„Lino, ve mutemi ponda, nde muvanda vako-lino ndifwidzaga ve kuyalye, ndevye vwalongile,

30pakuva amîho gangu gayuvwene uvupoki vwako,

31vwe uvugelanidze, pe vilola avanu ifipelela fyonda.

32Lwe lumuli uluńa-luvilatulilo kuvadzila-Nguluvi. Lwe luginyo, lwe valavaginya avanu vako, avakina-Jisilahele.“

33Neke udadye nuṅina neke vadzumage hela amadzwi agalongwaga pamwâna uju.

34Neke baho Simejono neke alongage kwa Malija uṅina neke atigilage: lolage, uju avlkilwe ukuta je muńa-kuvagwisa avolofu muvakina-Jisilahele muno, kangi avolofu alavimya; alavedza kilóle, kye vikananila. Mat. 21, 42; 1. Kol. 1, 23.

35Pe galavilatukila baho namahodza ga volofu. Neke uveve, ve ṅina, gula-kupuluṅasa umugoha mumutima gwako.

36Ali pwali nu-Hana, umuvidzi umudala, umwalive va Panwele, uva pakipelela kya Asele. Ali mugogolo, agosipe. Umugosi, je amutolile pe mukipali, vagonanye imyâka mufúṅàti.

37Neke lino ali mufwi-le, muńa-myâka makyumi munana na gitaji (84) pakugona. Asahegaga mutembele, amulimilaga Nguluvi na mukuhwa kitalya na mukuńiiika na pakilo na pamûńi. 1. Tim. 5, 5.

38Neke nave imile baho pasala jijo neke amwidi-hidzage u-Simejono, pe alumbaga kwa Nguluvi, neke avalongelage idza mwânavonda, avahuvilaga uvupoki vwa Jelusaleme.

39Neke lino vavye vamalile dzonda, dze alagye umutwa mumilagililwe gyakwe, neke baho vahelelage kukâja janavo ku-Nasalete, mu-ńi ja mu-Galilaja.

40Neke lino umwene umwâna neke akulage neke akalagalilage muluhala lukasila, na lu lusungu lwa Nguluvi lwalungamye ukwakwe. v. 52; 1, 80.

41Neke avavaha va Jesu vahelelaga imyâka gyonda ku-Jelusaleme pakyâka kya pasa.

42Neke lino baho umwene, avye agonile imyâka mińikyumi na givili, neke kangi vinukilage kukyâka, ndevye vagitaga mbêpali.

43Neke lino fivye fimalike ifigono fya kyâka, avene pe vipilukila kukâja, neke baho umwene Jesu umwâna neke ikale mu mu-Jelusaleme. Neke avavaha vâkwe kitadzela.

44Neke avene vatigilaga ali navolofu, neke vagendage ilikasi lya kigono neke baho vasakulage na kulukolo na kuvajanavo.

45Neke baho vavonage vasimuvwene neke baho vagomokelage ku-Jelusaleme neke vamusakulage.

46Neke lino baho, vavye vasakwe ifigono fidatu, neke vakamuvonelage mutembele, ikalile navalulema, umwene pagati neke vavonage ipulihidza, kwe vilonga, nukuvavudza iku-vavudza ju mwene.

47Neke vonda avamu-pulikaga neke vadzumage ulwivonelo lwakwe na dze apilusaga.

48Neke lino avene, vavye vamuvwene, neke vakagahalage hela, neke uṅina atigilage: ugisilevo kye kiki, ve mwâna vangw’ ave? Lolage udado najune nde ńoko tukusakwe guvavile.

49Neke umwene neke atigilage: mukikusakula kiki? Musikaludzelye ukuta unene nde muńadza dâda? Joh. 2, 16.

50Neke avene ilidzwi, lye alongaga, neke liva-lemage pakulifika. v. 19.

51Neke baho figendasage navo ukupilukila mu-Nasalete. Neke umwene ilefyage kuvavaha vakwe. Neke umwene uṅina neke agavikage amadzwi gonda aga munumbula jakwe.

52Neke umwene Jesu akulage na lu luhala nuvugosi neke avedzage mwênde na kwa Nguluvi na kuvanu.

Currently Selected:

Luka 2: II

Highlight

Copy