Luka 13

1Neke baho vamugoto-lelage idza va mu-Galilaja, vala Pilata avatimbuliṅasihidze nidanda janavo namase, mbe, ge vitekelelaga.

2Neke baho Jesu api-lusage atigilage: uńeńe mwihambula ava mu-Galilaja vala vavalutye uvuhosi ava-Galilaja vajavo, pakuva vapumwike lulo? Joh. 9, 2.

3Neke unene ndikana nditigila: hamu, na juńeńe, ngana musipĕla, apo mulafwa ndesi mwivonda.

4Nambi avańikyumi na vali munana vala, ve gwavagwilye umunâla gwa mu-Siloha neke vafwidzage, uńeńe mwihambula, ve valutye inôngwa kuva-janavo vonda avivujila mu-Jelusaleme?

5Neke unene ndikana nditigila: hamu, na juńeńe, ngana musipĕla, apo mulafwa ndesi mwivonda.

6Neke baho avalongelage ikihwananidzo neke atigilage: umunu jumwi ali numudzombe gwakwe, gwe avyalile mumugunda gwakwe ugwa vutoṅoni. Neke baho adzage muku-sakula, nde guvelike, neke avonage gusina guveleka nambi kinu. Mat. 21, 19.

7Neke baho alongage kwa mulinda-mugunda gwa vutoṅoni neke atigilage: lolage lino, ndadzile imyâka gidatu mukusa-kula imeke neke sindiku-dzivona hamu. Lino ugu-dumulage ugutage, gwitanidza hela na pakivungu.

8Neke baho umwene apilusage atigilage: ve mutw’ave, ugulolelage tândi gu mwâka gugu gwene, ndigulimīlage tândi, ndigusopelelage nuluswâle. 2. Pet. 3, 9. 15.

9Ene vuli gulaveleka imeke. Neke ngana vwali uvone gusiveli ke, apo vwali udumulage.

10Neke lino avye ali mukuvulanidza muluholanilo lwanavo,

11neke baho avedzage mwali mumo umukiṅinavo, je gwamuhulye uvutamwa umubepo, gwamu-gondzamike imyâka mińikyumi na gili munana. Neke umwene adudzime nukududzama neke alemwage ukwigolosa nambi.

12Neke Jesu avye amuvwene neke baho amukemelage atigilage: ve mukiṅinavw’ave ndikwavwe uvugondzamike vwako uvu.

13Neke amuvikage namavoko. Neke agolokage na mulomo gula. Neke baho amulumbage Nguluvi. Mal. 7, 32.

14Neke umwene umundzagila va luholanilo neke adzinage, avye avwene u-Jesu inanya pańwabaha. Neke avalongelage avanu atigilage: ifigono fya malimo fili mutanda, apo pe mukadzilage mukuhoswa, pańwabaha apo mutane ukwadza.

15Neke umutwa apilusage atigilage: ńe vake-dus’ańe, uńeńe isenga jeńu nambi imbûnda musikudzavula mufikingi pańwabaha, musihelela nadzo mukuńwesa? 14, 5.

16Neke lino umwene umwalive va Abalahama uju, je afungilwe kwa Setano imyâka mińikyumi na gili munana, je mwitigila si va kwavula mumupingo, nde pavedzage pańwabaha? 19, 9.

17Neke lino baho, avye alongile ulu, neke baho avene dzivatovage isoni vonda hela, ve fyafipanwaga. Neke avanu avo vakelage amańa-ndolo gonda, ge avonesaga.

18-21: Mat 13, 31-33; Mal. 4, 30-32.

18Neke lino umwene atigilage: uvutwa vwa Nguluvi vuliṅine nikiki? Ndivumańagihidzage mukiki?

19Vuliṅine nakapeke ka lupala, ke inulaga umunu neke avyalage mumugunda gwakwe, neke baho kavye kamelile, neke ka-hambukage libiki ilikomi, neke na dzi ndege dza kukyâńa neke dzidzengage ifyaso mufipagwa fyakwe.

20Kangi neke atigilage: ndivuliṅanihidzage mukiki uvutwa vwa Nguluvi?

21Vuliṅine nuluhâfu, lwe inulaga umukiṅinavo neke atimbuliṅasage nuvutine uvwa patutangula tudatu, neke baho vwime nukuhāta vonda.

22Neke baho umwene ahumīṅasage mutukâja tonda na mungomi na mundebe, umwene pele avavulanidza, na ji ṅasi jakwe pele alungamye ku-Jelusaleme.

23Neke baho umunu jumwi amuvudzage atigilage: ongo, ve mutw’ave, vona vakefu avańa-kupo-kwa? Neke umwene amulongelage atigilage:

24mugimbage pakwingi-la pamulyango umufińe. Pakuva unene ndikuvalongela nditigila: volofu, avalasakula pakwingila, neke valalemwa. Mat. 7, 13. 14; Fil. 3, 12.

25Neke ngana lusiku umuńa-ńumba alava imile, alavedza abadidze kumulyangilo, pe mulava uńeńe mwikoṅona kulwidzi, pe mulava mwitigila: mutw’ave, ungatudindulila kumulyango, apo umwene alapilusa alatigila: sindivadzelye na kwe muhumile. Mat. 25, 11. 12.

26Mulakŏla pakuta: mańi tulilanye nave, tuńwelanye nave, na mumbandza vwatuvulanidzaga inôngwa!

27Apo umwene alatigila: ndikuvalongela juńe nditigila: sindivadzelye, kwe muhumile, muhegage apangu apa mwivonda, ńe valima-ulusigolwike. Mat. 7, 22. 23.

28-29: Mat. 8, 11. 12.

28Neke lino dzilavedza dze ngolo, lulavedza nulugeledzulo lwa mîno, pe mulava muvavwene ava-Abalahama na Jisikaka na Jakovo na vavidzi vonda vali muvutwa vwa Nguluvi, pe uńeńe mulava mutagilwe pivala.

29Valahuma nena na sika na vwêhe na mave-mba, avalikala mukulya ifilyo fya pavutwa vwa Nguluvi. 14, 15.

30Lolage povali na va kumbele, avalavedza ve valongodzi, povali nava-longwe, avalavedza ve va mumbele. Mat. 19, 30.

31Neke taho pasala jijo neke vamupavage vamwi ava-Fwalisaja neke vatigilage: ukimbilage, uhegage pano, lolage u-Helodo isakula ukukuvulaga uveve.

32Neke baho umwene atigilage: muhelelage mukalivūle ilikeve lilyo mukatigilage: itigila: ndilosa imidemono, ndimalilidza pakuhosa navatamwa ji neṅuli na kilavo, neke pavukye ve ndisindzile.

33Napo kangi na ji ne-ṅuli na ki kilavo na pavukye nde muńa-kugenda ndesi. Pakuva kuli mwîko avavidzi ukufwila kungi, mu mu-Jelusaleme mwe molili ilifwilo.

34-35: Mat. 23, 37-39.

34Ve Jelusalem’ave, ve Jelusalem’ave, je vwa vwivulaga navavidzi, je vwa vwikuvatakańula na maganga navatumilwe ukwako, ndandilye pi, lwe ngatigye ndivalundase avâna vako mufipiko, ndevye ja jilundasa inemba ifyâna fyajo, neke lino uńeńe mwikana!

35Lolage ińumba jeno mwilekelwa juńe kuko. Neke lino unene ndikuvavūla nditigila: unene musilambona nambi ukufika pa pakigono, kye mulatigila: mupogolwa, je ikwadzila mwitavwa lya mutwa.

Currently Selected:

Luka 13: II

Highlight

Copy