Luka 10
10
1-12: cf. Mat. 10, 7-16.
1Kumbele ku idzi neke umutwa avomolage avangi avańa-makyumi ga-li mufûṅàti na vavili. Neke navo avatumage vavilivavili, neke ve vene avalongodzage mufikâja fyonda na mufivujilo, fye akelye ukuhelela umwene. Mal. 6, 7.
2Neke avalongelage atigilage; ijene imbene ijo jitanile, neke lino avabeni vakefu. Apo lino muńilikage kwa muńa-mbene, avatumage avańa-kubena mumibene jakwe. Joh. 4, 36; Mat. 9, 37. 38.
3Lino muhelelage. Lolage ndikuvatuma ngita muli twânaṅolo, utudzi-timbuliṅana namakekeva.
4Mutane ukwibata na kabukuli ka mâli, mutane na kadŭlu ka fŭka, mufileke nifilatu, nukuhungila pikasi mutane ukumuhungila munu. 9, 3-5.
5Neke ińumba, je mudzikwingye, mukatalage lu lwa kutigila: ulutengamano luvedzage muńumba muno.
6Ngana mwali mumo umuńa-kutengamana, apo ulutengamaso lweńu lulikala apakwe. Ngana sipwali nambi jumwi, apo lulavapilukila juńe.
7Muńumba jijo mwe mukikale mumo, mukalye, mukańwe fyonda hela, fye vavasangye. Ndivwene je ilima amalimo, muńa-kuhombwa amahombo gakwe. Mutane ukuhumiṅasa muńumba dzonda kijagi.
8Neke namo na mukâja, je mwikwingila, ngana vavanukye, apo mulidzage hela fyonda, fye vavasangye.
9Mukavahōsage avatamwa, ve mukuvavona mumo neke muvavūlage ulwa kuta: uvutwa vwa Nguluvi vuhegēlye ukweńo.
10Neke ikâja, je mutigye mwingile, neke vatane ukuvanukilila, apo mukahumage, mukimage napamukūdzu, mukatigilage:
11na lu lufuna lwa kâja jeńo iji ulutumilye mundzajo, nalo tukuvapumunila. Neke lino lwe mulukagulage ulwa kuta: uvwene uvutwa vwa Nguluvi vukahegēlye.
12Neke lino unene ndikuvavula nditigila: pakigono kila nidza mu-Sedomo dzilavedza ndzebepe ku dza kâja jila.
13Iga, ve Kolasini, iga ve Betesajida, pakuva imitu imińangufu, igivonike umweńo muno, gyali givedze givonike evo na mu-Tili na mu-Sidono, apo ngali vapelile katali, apo ngali vafwete ifikutula, ngali vikalile na mukifu. Mat. 11, 21-23.
14Lino ulwene pakigono kila, pe dzilava dzihigwa, nidza mu-Tili nidza mu-Sidono dzilavedza ndzebepe kudzeńo.
15Najuve, ve Kapelenahumu, je vwinwiswe ukufika kukyâna, ulasolońe-dzwa ku kuvulungu.
16Je ikuvapulika uńeńe, ujo amulike unene, neke je ikuvabenapula uńeńe, ambenapwe june, neke lino je ikumbenapula unene, ujo amubenapwe, je anumile unene. Mat. 10, 40.
17Neke baho avańa-makyumi mufûṅàti na vavili (72) neke vakapilukage nulukelo neke vatigilage: ve mutw’ave, na va vademono vakalevye mwitavwa lyako ukwesu.
18Neke umwene atigilage: najune ndimuvwene u-Setano pakusangalamuka ngita lumuli lwa libalamusi. Joh. 12, 31; Luv. 12, 8. 9.
19Neke lolage ndivapelye uvutavulilwe uvwaku-livata pandzoka na pafimununi na pangufu dzonda idza mutavangu neke uńeńe kasilavalemadza kanu. Mal. 16, 18.
20Neke lino ulwene mutane ukudzikēla, dze muvwene imibepo gileva ukweńo, hamu, mudzikēlage, ngana muvwene amatavwa geńo gandikwe kukyâna. Fil. 4, 3; Luv. 3, 5.
21. 22: Mat. 11, 25-27.
21Pasala jijo neke u-Mubepo umwîmike neke amuhulilage ulwa kukēla mbandu u-Jesu neke baho atigilage: ndikukulumba, ve dâda, ve mutwa na kukyâna na pańi, pakuva udzivilatye idzi na kuvańa-luhala na kuvagavwa, neke lino kuvańa-lwâna uvavilatulye. Ena, ve dâda, idzi dze udzivwene uvunofu uveve mumîho gako.
22Unene udâda anavulye fyonda, neke pe hela umunu, je amudzelye umuswamuve, amudzelye ju dadye mwene; nudadye si pwali umunu, je amudzelye, amudzelye ju muswamuve mwene, akumudzela nuje atigye amu-vilatulile umuswamuve.
23Neke asedukilage kuvańigendwa vakwe, pe videvulye, neke atigilage: gali kitendileme amîho, agilola, dze mwilola uńeńe. Mat. 13, 16. 17.
24Pakuva unene ndikuvavula nditigila: navavidzi navatwa avolofu vatigye vadzivone, dze mwilola uńeńe, neke vasidzi-vwene, vatigye tupulikage, dze mwipulika uńeńe, neke vasidzipulike. 1. Pet. 1, 10.
25-28: cf. Mat. 22, 35-40; Mal. 12, 28-34.
25Neke lolage umuńa-milagililwe jumwi image neke amugemyage neke atigilage: ve mwiganidzi, unene ndilimage luki neke ndali ndihalage uvûmi vwa mbêpali? 18, 18-20.
26Neke umwene Jesu apilusage atigilage: mumilagililwe ndavuli, kyandikwe kiki? Pe vwilola pahâte, vwilola luki?
27Neke baho umwene apilusage atigilage: umwendage Nguluvi, umutwa vako, na ji numbula jako jonda na gu mutima gwako gonda na dzi ngufu dzako dzonda na lu lwitaṅanidzo lwako londa. Neke na ju mujago umwendage, ndevye vwijendile juve.
28Neke baho Jesu atigilage: ugolwise pakudzo-va; apo lino lwe ugendelage lulo, apo ulavuvona uvûmi. Mat. 19, 17.
29Neke umwene atigilage ndipugudze neke baho apiluhidzage kwa Jesu neke atigilage: ino umujangu je alikwi?
30Neke baho alwaṅage Jesu neke atigilage: ali pwali umunu jumwi, je ahumilaga ku-Jelusaleme neke alungamilage ku-Jeliko. Neke pikasi neke ataṅanikilage nimigonadâsi; neke gimuvuhage nimyênda gyakwe neke gimulimbulange neke gihelelage, gimulekage ali pîpi nukufwa.
31Neke baho umutekedzi jumwi neke asădukilage ilikasi lilyo. Neke avye amuvwene, neke baho adzumbanidzage ndesi.
32Neke na ju mu-Levi nave ndesi, avye afike baha kivungu kikyo, neke pe amuvwene, neke nave adzumbanidzage.
33Neke baho adzage umu-Samaliti, nave ali nilikasi ndesi, neke afikage baha kivungu kikyo. Neke baho umwene lumugwilage ulusungu mwileme, avye amuvwene.
34Neke baho ahegēlelage neke amuvopage ifivamba fyakwe, avye amubakile nimono nuvutoṅoni, neke amwinusage pambûnda jakwe neke akamu-vikage pańumba ja vadzumbikasi neke amuta-myage.
35Neke avye alamwike ulwa milavo, neke baho ahumyage ulupija luvili neke amupelage umuńa-ńumba ja vadzumbikasi neke atigilage: unamihi-dzage umunu uju, neke fyonda fye ulongeledza, ndiladza ndikuhombe junene, pe ndilava ndipilwike.
36Neke lino uveve kwa jula, je gamugwilye amagonadâsi, avanu avadatu vala vwitigila mujagwe alikwi?
37Neke umwene atigilage: ali mujagwe jujo, je lwamugwilye ulupyana. Neke lino Jesu atigilage: uhelelage neke najuve ugendelage lulo.
38Neke lino baho, vavye vigendasa nu-Jesu, neke baho umwene akafikage pakâja jimwi. Neke baho umukininavo jumwi, je ali je Malita ilitavwa lyakwe, neke amwanukililage muńumba jakwe. Joh. 11, 1; 12, 2. 3.
39Ali numunuṅuve, je vatigilaga je Malija ilitavwa lyakwe. Neke uju ikalage kumagulu ga mutwa neke apulihidzage, dze alongaga umwene.
40Neke umwene u-Malita itunidzage na kuno na kuno mukuvomba fyonda. Neke avye imile baho neke atigilage: ve mutw’ave, kusili mutima uveve ku lwe andekye umunuṅu-vangu june hela uvulimi-lavangi vonda? Ungamu-longela, tutanganile!
41Neke umwene umutwa neke apilusage atigilage: ve Malita, ve Malita, uveve vwikwiganya muno, vwikwifwahidza muno.
42Aka kuguluma kamwi swe. Ndivwene umwene Malija uju ahalile akajavo akanofu, akasili vusweketulo kwe jungi kwa mwene. Mat. 6, 33.
Currently Selected:
Luka 10: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
