Johana 9

1Neke lino avye idzumbanidza neke amuvonage umunu, je ali mubofu ukuhuma baha kuholwa.

2Neke baho vamuvudzage avańigendwa vakwe neke vatigilage: ve labi, je nani je ahŏkile inôngwa na uju navavaha vakwe, lwe aholilwe mubofu uli? Luk. 13, 2.

3Neke apilusage Jesu atigilage: vasangwe nambi uju nambi avavaha vakwe nda, ulu luvonike, ukuta mwe gasikukilage amalimo ga Nguluvi mwa uju. 11, 4.

4Unefwe lino twe vańa-kulima amalimo ga je anumile unene kyali mûńi; kiladza ikilo, apo ilemwa ukulima munu. 5, 17.

5Kyali ndili kwen’eńi kuno, ndili lumuli lwa ńi. 8, 12.

6Neke lino, avye alulongile ulu, neke baho afuńage pasi amati neke afuvage akadope namati, neke baho utudope tuto neke amyandikage kumîho ga mubofu. Mal. 8, 23.

7Neke baho amulongelage atigilage: uhelelage ukipuguhage pakisima Siloha (kwe kutigila „mutumwa“ pakuganula). Neke baho ahelelage neke akihogofye. Neke kangi adzage, ve ilola hela.

8Neke lino avene avajagwe, ve fyafudiṅine navamudzelye, pe ahuṅunyaga pamwandi, neke ve vatigilage; si je jula, je ikalaga mukuhuṅunya?

9Neke avangi vatigilage: je mwene, neke avangi vatigilage: nda, mulingo hela. Neke umwene atigilage: je nene swe.

10Neke vamuvudzage vatigilage: amîho gako gadindwike ndavuli?

11Neke umwene apilusage atigilage: umunu uju, je vitigila je Jesu, afuvile akadope neke abakage mumîho gangu neke atigilage: uhelelage ukihogofye kukisima Siloha. Neke lino ndivye ndihelye, pe ndīhogwifye, neke baho mbonage ndilola.

12Neke avene vatigilage: alikwi umwene? Neke umwene atigilage: mańi.

13Neke baho vamute-gulage kuva-Fwalisaja umunu, je abofwe amîho pamwandi,

14Apene pali pańwabaha, pene pe afuvaga Jesu akadope, pe amudindulaga amîho. 5, 9.

15Neke baho kangi na va va-Fwalisaja neke navo vamuvudzage neke vatigilage: gimile ndavuli pakudinduka amîho gako? Neke umwene avalongelage neke atigilage: amyandike utudope kumîho neke ndīhogofyage neke swe ndilola.

16Neke baho avangi ava-Fwalisaja neke vatigilage: umunu uju asihumile kwa Nguluvi nda, pakuva asigendela ulwa ńwabaha. Neke avangi vatigilage: aka avedzage muhosi umunu uju, aka ivonesaga ifilŏle nda ifi nde? Neke baho valekane mwe ndekano. v. 31. 33; 7, 43.

17Neke kangi vamuvudzage ju mubofu neke vatigilage: uveve lino, ve akudindwe amîho vuli, vwitigila kiki? Neke umwene atigilage: unene nditigila je muvidzi.

18Neke avene ava-Juda neke vatanage ukufuvwa ukuta abofwe amîho neke lino adindulilwe amîho. Vatalile ukuvakemela tândi avavaha va jujo, je abofwe amîho.

19Neke vavavudzage vavo neke vatigilage: uju je muswamuvińu, je mwitigila aholilwe mubofu ndesi? Ilola ndavuli kangi lino?

20Neke baho vapilusage avavaha vakwe neke vatigilage: ukudzela tuludzelye ukuta je muswa-muvisu, tudzelye nukuta aholilwe mubofu ndesi.

21Neke lino lwe ilola ulu, ulo tusiludzelye. Na je amudindwe amîho, nave unefwe tusimudzelye. Mungamuvudza ju mwene, mukomi na ju mwene, akwilongelaga ju mwene.

22Valongaga-vo avavaha vakwe, pakuva vogopaga kuva-Juda. Vavwene ava-Juda valongine ukuta je tuvwene vakumwidika ukuva mubakwa, ujo je tukumuhedza na kulukombeso. 7. 13; 12, 42.

23Kye valesile valongage na vavaha vakwe vatigilage: mukomi, mumuvudzage ju mwene.

24Neke baho vavwilage ukumukemela ulwa vuvili umunu, je ali mubofu neke vatigilage: vwadzage ugolohedzage mwa Nguluvi, unefwe tumudzelye ukuta umunu uju je muhosi.

25Neke umwene apilusage atigilage: mańi ngana muhosi; unene ndiku-ludzela lumwinga hela ukuta ndabofwe amîho, lino ndilola, lwe ndikwivona lulo swe.

26Neke avene vavwilage kangi neke vatigilage: agite ndavuli naveve? Akudindwe ndavuli amiho gako?

27Neke umwene apilusage atigilage: ndivalongye na pamutalo, uńeńe musipulike? mutigye mulupulikage lwa kiki kangi? Humbi najuńe mwisakula ukuta muvedzage muli vańigendwa vakwe?

28Neke avene vamuli-gage vatigilage: uli muńigendwa va jula juve, unefwe tuli váńigendwa va Mose.

29Je nefwe je tumudzelye ju Mose, je alonganaga nu-Nguluvi, neke ujo tusimudzelye na kwe ahumile.

30Neke umwene umunu jujo neke apilusage atigilage: kye kidzumo unene pa idzi, pakuva uńeńe musimudzelye na kwe ahumile, kuno andindwe namîho gangu.

31Neke unefwe tuludzelye ulwa kuta Nguluvi asikuvapulika avahosi, hamu, Nguluvi akumupulika hela umogopa-Nguluvi, na je ilima lwe akelye jujo.

32Ukuhumu pe jagavwaga ińi lusina lupulisa ponu ukuta pwali umunu, je akumudindula umunu amîho je aholilwe mubofu.

33Na ju mhnu uju, aka avedzage si muhuma-kwa-Nguluvi, apo ngali ilemwa pakuluvonesa ulu. v. 16.

34Neke avene vapilusage vatigilage: je uholilwe nuvuhosi vwi monda hela, je veve je utigye utwiganidzage inôngwa uveve? Neke baho vamuda-gilage kwivala. v. 2.

35Neke baho Jesu neke apulikage ukuta vamudagye kwivala, neke baho amutaṅanidzage neke atigilage: uveve ukumufuvwa umwâna va munu?

36Neke umwene atigilage: je alikwi, ve mutw’ave, ndimufuvwage.

37Neke umwene Jesu amulongelage neke atigilage: umuvwene, neke je mwilongana lino, je mwene jujo. 4, 26.

38Neke umwene atigilage: ndifuvwa, mutw’ave, neke baho agundamilage ku kwakwe.

39Neke baho Jesu atigilage: kwen’eńi kuno unene ndadzile mukuvakĕlela avanu, ukuta avasilola valolage, avilola vadzukage vabofu amîho. Mat. 13, 11-15.

40Neke dze vadzipulikage ava-Fwalisaja avangi, ve vali lumwi, neke vamuvudzage vatigilage: vona najufwe tubofwe amîho?

41Neke umwene Jesu atigilage: muka muvedzage muli vabofu. apo indzanangifu si ngali muli nadzo. Neke lino pakuva mwitigila: twilola, apo swe na dzi ndzanangifu dzeńo dzikwikala.

Currently Selected:

Johana 9: II

Highlight

Copy