Johana 4
4
1Neke umutwa avye avavwene ava-Fwalisaja ukuta vapulike ulwa kuta: Jesu amulutye na ju Johana pakusava avańigendwa na pakudzabika avanu, 3, 22. 26.
2(neke umwene Jesu asadzabikaga ju mwene nda, vadzabikaga avańi-gendwa vakwe;)
3neke baho ahegage mu-Judaja neke ahelelage mu-Galilaja.
4Neke umwene ilikasi lyakwe lyadumuliṅise mu-Samalija.
5Neke lino akafikage kukâja jimwi ija mu-Samalija, je vatigilaga Sikala, ijafudike kukańi, ke amupelye Jakovo umuswamuve Josefe.
6Neke lino pe kyali baho nikisima kya Jakovo. Neke lino Jesu avye afwahye ukugenda, neke baho akoṅomalage hela baha kisima baho; pali pasala ja mutanda.
7Neke baho umukiṅinavo jumwi uva mu-Samalija neke adzage mukunega ululenga. Neke baho Jesu alongage nave neke atigilage: umelage najune ndińwe.
8Avwene avańigendwa vakwe vahelye mukâja mukugula ifilyo.
9Neke baho umukiṅinavo umu-Samaliti atigilage: ve mu-Juda vwińilika ndavuli ululenga ulwa kuńwa kwa nde mukiṅinavo nde mu-Samaliti? (Pakuva ava-Juda vasigendanila nava-Samaliti.)
10Neke umwene Jesu apilusage atigilage: uka ulidzelage ilipwela lya Nguluvi, uka umukagulage na je ilonga ukwako lino, je itigila: ungamela ndińwe nani, apo ngali je veve je vwińilika ukwakwe, apo umwene akali akukupela ululenga ulwa pakilwita jujo. 7, 33. 39.
11Neke umukiṅinavo atigilage: ve mutw’ave, uveve usili nago umunedzi, kangi na li lińa-ndzavi lya lulenga litali, vwitola kwi lino ululenga ulwa pakilwita?
12Uveve ulutye na kwa dadisu u-Jakovo, je atupelye ilińa-ndzavi ili? Mańi na ju mwene ańwaga kīki na vâna vakwe navo vańwaga kīki, na dzi ndîmwa dzakwe dzańwelaga kīki.
13Neke baho apilusage Jesu atigilage: vonda, avińwa ululenga ulu, vikeluka kangi, 6, 58.
14neke je ińwa ululenga, lwe ndilamupela unene, ujo asilakeluka mbêpali, hamu, ululenga, lwe ndilamupela unene umunu, kiladzuka kisima kya lulenga na mu mwakwe, ulwidwivukila kuvûmi vwa mbêpali. 6, 27. 35.
15Neke baho umukińinavo atigilage: ungamela najune, ve mutw’ave, ululenga lulo, ukuta najune nditanage ukukeluka ponu, nditane nukwadza kuno mukunega ululenga.
16Neke umwene Jesu atigilage: uhelelage ukamukemelage umunu vako, vwadzage nave kuno.
17Neke umukińinavo apilusage atigilage: sindili nave umugosi nda. Neke Jesu atigilage: ugolwise, lwe utigye sindili nave umugosi nda;
18ndivwene avagosi vwali navo vahanu, na je uli nave, nave asili munu vako nda. Ulo ugolwise, ulongile ulwa koluli.
19Neke baho umukińinavo atigilage: ve mutw’ ave, ndikuvwene, uli muvidzi.
20Najufwe avadadisu valapangilaga pakidunda iki, neke lino uńeńe mwitigila: ikivungu kya kulapangilila kili mu-Jelusaleme.
21Neke baho Jesu amulongelage atigilage: ve mukiṅinavw’ave, upulikage ndikulongelage unene, kiladza ikigono, apo kwa dâda musilalapangila nambi na kukidunda iki, nambi ku-Jelusaleme.
22Neke uńeńe mwila-pangila, lwe musiludzelye, neke unefwe twila-pangila, lwe tuludzelye; pakuva uvupoki vwihuma kuva-Juda.
23Neke kiladza ikigono, napo kyadzile, apo vonda, avilapangila ulwa ndakyene, ngana vilapangila kwa dâda, valalapangilila mumubepo, valalapangila ulwandakyene. Ndivwene na ju dâda nave isakula avalivo pakulapangila ukwakwe.
24Neke umwene Nguluvi ali Mubepo neke vonda, avilapangila ukwakwe, pavagye valapangililage mumubepo, valapangilage idza ndakyene. 2. Kol. 3, 17.
25Neke umukiṅinavo neke atigilage: najune ndidzelye, ukuta aladza Mesija, je vitigila: Kilisiti. Neke ngana adzile jujo, apo umwene alatudalikila dzonda. 1, 41.
26Neke baho Jesu neke amulongelage atigilage: je nene, je ndilonga naveve. 9, 37.
27Neke baho vafikilage lulo navańigendwa vakwe, neke vadzumage, lwe fyalonganaga numukiṅinavo. Neke asadzovaga ukwakwe umunu, ukuta: lukali luki, mukilongana kiki numudala?
28Neke baho umukiṅinavo neke ajilekage baho indzilo jakwe neke ahelelage kukâja. Neke akavalongelage avanu neke atigilage:
29musule mukamulole umunu, je andongye dzonda, dze ndigendye, vona je Kilisiti umwene uju.
30Neke baho vahumage ikâja jonda neke vahelelage kwa mwene.
31Neke lino pambele pano neke avańigendwa vakwe neke vamudedevage Jesu neke vatigilage: ve mwiganidzi, ungalya ifilyo.
32Neke umwene apilusage atigilage: unene ndili nafyo ifilyo ifya kulya, fye musifidzelye uńeńe. v. 34.
33Neke avene avańigendwa vakwe neke vilondzage va vene neke vatigilage: ino vona kwadzile munu, je amupelye ifilyo fya kulya?
34Neke umwene Jesu avalongelage atigilage: unene fye filyo, ngana ndilima, lwe akelye, je anumile unene, ngana ndikugapulidza amalimo gakwe. 17, 4.
35Musikugilonga najuńe ukuta gisigye imyêdzi gitaji, apo ve jifikile imbene? Mulolage lino unene ndikuvalongela nditigila: mwinamulage amîho geńo, mulolage imigunda, kwe givalye, gifikye pamibenele. Mat. 9, 37; Luk. 10, 2.
36Umuńa-kubena idapa uluhombo, ilundasa ifilyo ifya kwingidza kuvûmi vwa mbêpali, ukuta na ju mumidzi na ju muńa-ku-bena vakēlanilage ulukēlo lumwinga.
37Ndivwene mwe mwene luvelye lwa ndakyene uludzovo, ulwitigila: j’imidza ejungi, j’ibena ejungi.
38Uńeńe ndivatumile mukubena, gye musalimile; ukulima uko valimile avangi, neke uńeńe mwingye hela mumalimo gago.
39Neke lino ava-Samaliti avańa-kâja jijo neke avolofu vamufuvwage, vamufuvililwage pa palidzwi ilya mukiṅinavo, lye atigye: andongye dzonda, dze ndigendye.
40Neke lino ava-Samaliti ava, vavye vafike kwa mwene, neke baho vamudedevage neke vatigilage: ungahwa apesu tândi. Neke baho umwene neke ahwedzage baho ifigono fivili.
41Neke baho vongeledzage avolofu, avafuvililwaga palidzwi lyakwe jujo,
42neke vamulongelage na ju mukiṅinavo neke vamutigilage: lino tusifu-vililwa lulo, lwe utulongye uveve, lino tupulike najufwe, tuluvwene ukuta je mupoki va ńi uju ndakyene.
43Neke lino avye ahwe ifigono fivili fifyo, neke ahegage kuko neke ahelelage mu-Galilaja. Mat. 4, 12.
44Ndivwene na ju mwene u-Jesu nave olike ulwa kuta: umuvidzi pehela umunu, je akumugi-nya umwanavo, mwe ākulye. Mat. 13, 57; Mal. 6, 4; Luk. 4, 24.
45Neke lino avye adzifike mu-Galilaja neke baho avamu-Galilaja vamwanukililage vunofu, pakuva vagivwene imitu, gye avonehidze mu-Jelusaleme pakyâka; vavwene navo vahelye kukyâka. 2, 23.
46Neke kangi avwilage ukuhelela mu-Kana mu-ńi ja mu-Galilaja, mwe ahambuhidze ululenga ludzukage vugimbi vwa vutoṅoni. Neke lino ali mwali mu-Kapelenahumu umwivaha, je ali numuswamuve umutamwa. 2, 1. 9.
47Neke avye apuíike ukuta u-Jesu ahumile ku-Judaja adzile kwene Galilaja kuno, neke baho ahelelage ukwakwe neke adedevage neke atigilage: ungasulunuka, ukańosehedze umuswamuvangu, ndivwene gusigye panaṅi ukudumuka.
48Neke umwene Jesu amulongelage atigilage: uńeńe ngana musilola nimitu nifilŏle, apo musifuvwa nda. 2, 18; 1. Kol. 1, 22.
49Neke umwene umwivaha neke atigilage: ve mutw’ave, ungaleka tusulunukage, kyali gusina gudumuka umwâna vangu.
50Neke baho Jesu atigilage: uhelelage, umuswamuvo mûmi. Neke baho umunu jujo neke alifuvwage ilidzwi, lye alongile u-Jesu neke ahelelage kukâja.
51Neke lino, pe ikwikilila, neke baho ataṅanikilage navavanda vakwe, avatigilaga: umuswamuvo mûmi.
52Neke umwene avapodzage atigilage: akahōkye isala pe jili pi? Neke avene vamulongelage vatigilage: neṅuli pasala ja mufúṅàti, pe pene pe gumulekile ukupyupa umuvili.
53Neke baho udadye apakagulage pasala, je akalongye u-Jesu ukwakwe lwe atigye: umuswamuvo mûmi. Neke baho vafuvwage na jujo nińumba jakwe jonda.
54Kangi kye kilŏle kya vuvili iki kye avonesaga Jesu, pe ihuma ku-Judaja ihelela ku-Galilaja. 2, 11. 23.
Currently Selected:
Johana 4: II
Highlight
Share
Copy
Want to have your highlights saved across all your devices? Sign up or sign in
New Testament in Bena © Bible Society of Tanzania, 1958.
