Johana 13

1Neke umwene Jesu, pe kyave ikyâka, avye aluvwene ukuta jifike isala ja kuhegela umwene mu-ńi muno, ija kupilukila kwa dadye, neke baho avańa-vakwe, avali mu-ńi muno, ve avendaga, neke apedzage pakuvenda.

2Neke lino, vavye vali mukulya ifilyo fya pamihe, neke nu-Setano avye amuhadihidze u-Juda umwa-Simono u-Isikalyoto, ukuta amusutulage, Luk. 22, 3.

3na ju Jesu avye ivwene ukuta udadye amupelye fyonda mumavoko gakwe, ivwene nukuta ndihumile kwa Nguluvi, kangi ndipilukila ku kwa Nguluvi, 3, 35; 16, 28.

4neke baho image bahe vadakulilaga ifilyo, neke afulage umwênda gwa pakyâńa neke ivopage ikitambala mukivuno,

5neke baho asopage ululenga mukikalavilo neke baho akole mukuva-kalafya indzajo avańigendwa vakwe neke avapolosage gu mwênda gugo, gwe ivopile mukivuno.

6Neke baho afikage na pa-Simono Petele, neke umwene atigilage: ve mutw’ave, utigye uṅalafyage uveve indzajo?

7Neke umwene Jesu apilusage atigilage: lwe ndilima unene lino, uveve usiludzelye tândi, neke ngana lusiku, apo ulalukagula.

8Neke umwene Petele atigilage: usikuṅalafya indzajo dzangu uveve nambi ponu. Neke baho Jesu apilusage atigilage: ngana sindikukukalafya, apo ve tulekine nâve.

9Neke baho u-Simono Petele atigilage: apo humbi, mutw’ave, utane ukuńalafya dzi ndzajo dzene, hamu uṅalafyage na ga mavoko na gu mutwe.

10Neke Jesu amulongelage atigilage: je ogile, ujo muńa-kukalafya dzi ndzajo dzene, pakuva iva muvalafu monda hela. Najuńe muli vêlu, neke si muli vêlu mwivonda nda. 15, 3.

11Avwene umwene amudzelye umuńa-kumu-sutula, kye alesile atigilage: si muli vêlu mwivonda nda. 6, 64. 70. 71.

12Neke lino baho, avye avakalifye indzajo, avye afwete nimyênda gyakwe, neke baho ikalage kangi neke atigilage: mudzifikile, dze nga mukuvalimila lino?

13Uńeńe mukunambula nuvwiganidzi nuvut wa unene, neke idzi mugolwise hela, ndivwene lulivo. Mat. 23, 8. 10.

14Neke lino ulwene, ngana unene nde mutwa veńo, nde mwiganidzi, ngana ndivakalifye indzajo dzeńo, apo pavahwanile najuńe mwikalafyage indzajo dzeńo. Luk. 22, 27.

15Ndivapelye uvwimilo, najuńe mulimanilage, lwe ndivalimye uńeńe. Fil. 2, 5; Kol. 3, 13.

16Ndakyene ndakyene unene ndikuvalongela nditigila: umuvanda asilutye uvukomi kwa mutwa vakwe nda, na ju mw-Apositili nave asilutye uvuvina kwa je amutumaga nda. Mat. 10, 24.

17Neke lino ngana mudzikagwe idzi, apo muli kitendileme ngana mukudzigendela. Mat. 7, 24.

18Neke lino sindikuvalumba mwivonda nda, ndivadzelye june, ve ndīhălye. Hamu idzi dza kudzapulidza idzolilwe pahâte idzitigila: je ilya ifilyo fyangu, akundzinulila umuvala gwa kuṅavulila.

19Ndikwamula li lino ukuvavulila ṅani, kyali kwave, ukuta mwali mufuvwage ukuta ndakyene je nene lulava lwivoneka.

20Ndakyene ndakyene ndikuvalongela unene nditigila: je ikumwanukila je ndimutumile unene, ujo andzanukye june, neke lino je akundzanukila unene, ujo amwanukye je anumile unene. Mat. 10, 40.

21-30: Mat. 26, 21-25; Mal. 14, 18-21; Luk. 22, 21-23.

21Neke avye alulongile ulu Jesu, neke ahēńēnĕ-kĕlage mumubepo neke olelage atigilage: ndakyene ndakyene unene ndikuvalongela nditigila: uńeńe, ndevye mugenda vuli, ujungi muńa-kusutula. 12, 7.

22Neke baho avańigendwa vakwe neke vilavage kumîho neke vakengēdzalage vatigilage: akumulonga je nani?

23Neke lino ali pwal jumwi umuńigendwa va Jesu, je vafudiṅine pakulya, egamye kumambaga, je ali mwênde kwa Jesu. 19, 26; 20, 2; 21, 20.

24Neke je amusinidzage u-Simono Petele neke atigilage: ungambūla, je nani, je ikumulonga?

25Neke umwene egamikage umutwe gwakwe pamambaga ja Jesu neke amuvudzage atigilage: ve mutw’ave, je nani?

26Neke baho u-Jesu neke apilusage neke atigilage: je uju je ndiku-mwinila mumboga imbulungwa neke ndimupelage. Neke baho inage imbulungwa ja vugali mumboga neke amupelage u-Juda umwa-Simono u-Isikalyoto.

27Neke lino baho, avye alye imbulungwa ja vugali iji, neke baho u-Setano amwingilage. Neke baho umwene Jesu neke amulongelage atigilage: lwe ukelye ukulima, ululimage kisatu. v. 2.

28Neke lino vonda, avalyaga ifilyo, vasaludzelaga nambi jumwi kwe lwalungamilaga, lwe amulongelaga

29Ndivwene vahambulaga itigila: ugulage ifya pakyâka. Pakuva u-Juda akolelaga ibogolo ja lupija. Avangi vatigilaga itigila: vona uvapelage fimwi avahangala. 12, 6.

30Neke lino umwene, avye alye imbulungwa, neke baho ahumilage pivala nda mulomo gula. Neke kyali kilo.

31Neke lino avye ahumye pivala, neke baho Jesu atigilage: lino adzukile muńa-ndolo umwâna va munu, na ju Nguluvi nave adzukye muńa-ndolo umwakwe.

32Ngana adzukile muńa-ndolo umwakwe, apo na ju Nguluvi alamudzusihidza umwakwe muńa-ndolo. Pasìlavedza luhāvi pakumudzusa muńa-ndolo. 12, 23; 17, 1-5.

33Ńe vân’ańe, pasigye padebe, pe tuli pamwinga nani. Mulasakula, neke lino lwe ndivalongye ava-Juda, najuńe lino ndikuvalongela lulo nditigila: kwe ndihelela unene, uńeńe mwilemwa ukuhelela. 8, 21.

34Ndikuvalekela ululagi ulwadzalino ulwa kuta: mwendanage, ndevyendavendaga unene, ukuta najuńe mwendanage. 15, 12. 13. 17.

35Apo mwe valavaka-gulila avanu vonda, ukuva muli vańigendwa vangu uńeńe, ngana vavwene mwijendile.

36-38: Mat. 26, 33-35; Mal. 14, 29-31; Luk. 22, 31-34.

36Neke baho Simono Petele atigilage: ve mutw’ave, vwihelela kwi? Neke apilusage Jesu atigilage: kwe ndihelela lino, uveve vwilemwa ukūninila li lino, ulāninila nde lusiku. 7, 34; 21, 18. 19.

37Neke umwene Petele atigilage: ve mutw’ave, kikundema kiki, ukukuninila li lino? Na vu vûmi nditagila pa pako juveve!

38Neke umwene Jesu neke apilusage atigilage: Uveve vwitigila kufwilaga uvûmi vwako pa pangu? Ndakyene ndakyene unene ndikukulongela nditigila: jisilavĭka nambi nindzogolo, uveve ve vwikanile kadatu ukwangu ukuta sindimudzelye unene.

Currently Selected:

Johana 13: II

Highlight

Copy