Махьтвеест 11
11
Эхтэмплогант алкхэш.
1И куэсь Исус іэскій иджес кухтемп‐логе уэпсувъеттед матьхеммен; вульгій томпе нумпь сайя уэпсед и сарнед синэ лэннійн.
2А Эвван, куэсь сон сіевнис саест кулый Христоз туійт, вулгехт куэхтас иджес уэпсувъіин,
3Ціельхкед сонне: Тон лях, али ык, ку быт пуэттед, вай мійе быт нумпь вурьтед?
4Цилькій сійе Исус вуэста: мэннед, ціельхкед Эвне, мэйт кулбеттед и уйнбеттед.
5Чальмхеммес шэнтеб уйньен и лэхкэж ваньцеб, проказ‐кэбла путтесмеб и кулнахтем кулэшкуэттеб, ям‐олмо еалсэллэб и вайваш сарнеб шиг сагыйт.
6И тэт ли оазлэс, ку ій линче мунэ баяс віерханч.
7Ну куэсь сій вулькин, Исус альгій сарнед олмыйт Эвван баяс: мэйт тій вардійт пусьт саест кихчмен? Вай олксуйн, пиӈгын лыкхэллэм.
8Вай мэйт вардійт кихчмен? Вай олмо, тэвнах?-?танч суппис асгій‐гуэйм? Кок аннеб суппис асгійт, ливтьеб царэ шур пэртійн.
9Вай мэйт вардійт кихчмен? Вай пророк? Да, сарнам тійе, и шурямп пророккед.
10Тэн мильт што сон ли тэт, кон варас ли кирьханч: кич, Мун вулкхэлам иччан іеӈкал Тонэ касв эвте, ку валмашт тонэ варэ тонэ эвте.
11Вуйкест сарнам тійе: нызан‐олмыйн шэнтъійн ій чуэнчланч ни кіе шурямп Эвван рыстъеттед; а уць?-?мус альм царствест ли шурямп соннед.
12А Эвван рыстее пійвійн тан райя альм царства валтай самай‐гуэйм, и кок аннеб самайдис, ротьеб сонэ.
13Тэн гуэйк што пук пророк и закон сарнун эвтель Эвван райя.
14И готь тій татниппед вальтед, сон ли Илле, коз бидій пуэттед.
15Кіест ліеб піелле куллэд, ань кул!
16А кіейн мун пиям тан пулвдэг эвт налла? Сон ли эвт налла парнай гуэйм, кок орреб іэтксест и ковсеб иджес товружій горра,
17И сарнеб: мій тійе нюргайм нюркем‐мурыйн, и тій іеппед сирманч: мій лавлэм тійе пяцлушшем лавлайт, и тій іеппед рякманч.
18Тэн мильт што пудій Эвван, ій порэ да ни югэ ій; и сарнет: сонэ сисн ли цуэрьхт.
19Пудій олмо парьн, пор и юк; и сарнет: кич тат олмунч, ку пор и юк вине, мыттарій и ряклай томдас олмунч. И миллэввут ли вуйкьянч иджес пар?-?най‐гуэйм.
20Танна сон альгій сіевтед лэннійт, койн ляй сонэ саммед іенамп вузеханч, тэн гуэйк, што сій іеб кайдэтманч.
21Нюэсь тонне лянч, Хоразин! нюэсь тонне Вифсайда! Тэн гуэйк што готь Тирест и Сидонест вусеханс лихчин самэ, кок ліеб тинест вузеханч, то тула сій ликкус кайдэтманч віерційн и куныйн.
22А тійе сарнам: Тирре и Сидона кіехпсамп лянч суттем піейвест, готь тійе.
23И тон Капернаум, ку лях пайнанч альм райя, тон іорах вэлас ад райя; тэн мильт што, го ликкус Содонест вузьханч самэ, кок ліеб вузьханч тонэ сисн то сон кутьянч лихч тармъенч піейве райя.
24А сарнам тійе, Содом іемня лянч кіехпсамп, го тонне.
25Тэн пале Исус вялэ сарнай и цилькій: Тонэ киттам, Аччан, альмест и іемнест шуремус! готь Тон тан пихтих милъвійн и юрьтьійн, и вузьхих тэн уць парнайт.
26Нит, Аджням! тэн гуэйк што нит ляй тонэ шиг тахтмуш.
27Пук ли антанч Мынне Мунэ Аджест, и ни кіе ій тид альг, іерес го ачь; и аджь ій тид ни кіе іерес го альк, и кіез тахт альк вузьхед.
28Пуэттед мынне пук туйла и лоссис куньдее, и мун вуэӈдам тиныйт.
29Вальтед мунэ кяссас иджант чапхе, и уэпсуввед мунст: тэн гуэйк што мун лям лаввед и суэн куть?-?кійнан; и ковнбеттед шиг еалмуж иджант иӈкыйт.
30Тон гуэйк што мунэ кяссас ли шиг и нуэть мунэ ли кіеппис.
Currently Selected:
Махьтвеест 11: Kildin
Highlight
Share
Copy
Want to have your highlights saved across all your devices? Sign up or sign in
Евангеліе отъ Матеен, изданное Обществомъ Распространеиія Библін въ Велико‐Британін и въ другихъ странахъ (British and Foreign Bible Society) 1878.
