Genesis 21

Manxi ja Isaaki

1-2Jach'ni jastal yaloj ja Dyosi, ja Sara tukb'i satk'inal, ja k'ak'u alub'al yab'i, ajyi jun yal skerem ja' ni yunin ja Abrahami, ayxa lek sk'ujol. 3Ja Abrahami, ya sb'i'iluk Isaac, 4Yajni ts'ikwi waxake k'ak'u, skupuyi xet'an ja sk'unili, jach' ya k'ot smeranil ja yab'al ja Dyosi. 5Ja k'ak'u manxi ja Isaaki ay yi'oj jo' tajb'e (100) jab'il ja Abrahami, ja b'i'ilal Isaaki, wa sk'ana yale —tse'iji— 6Jaxa Sara ti yala:

—Ye'n ja Dyos ya tse'nukoni, ja'yuj spetsanil ja ma oj yab'i, jel oj stse'ukone— 7Ja Abrahami, mi t'un ek' sk'ujol ta yuj jach' ayxa lek sk'ujol ojto ya ajyuk jun yal kalats, xchi ja Sara—.

8Och k'i'uk ja Isaaki yajni k'ot ja k'ak'u a'ji el smix yuj ja Sara, jaxa Abrahami, sk'u'lan jun niwan k'in.

Ja Abrahami, ya eluk ja Agar sok ja yali

9Jun k'ak'u yila ja Sara jex k'e'naji ja Isaac yal ye'n yuj ja yal ja Agari. 10Ja'yuj, ti waj yal yab' ja Abrahami: A' eluk ja il ja men ka'tijum ixuk jaw sok ja yali; ja ye'n mey sb'ej lajan oj sk'ep sb'aje ja sdote wa yal kerem we'n sok ja sb'aj ye'n. 11Ja jastal iti, mi tsamaluk yab' ja Abraham yuj ja schawanil yunin ye'ni. 12Ti' alji yab' yuj ja Dyosi:

—Mok cham ka k'ujol yuj ja yal kerem sok wa a'tijum ixuki, k'u'lan spetsanil ja jas oj yala wab' ja Sara, yuj ja wa wintil jumasa, ye'n oj ya pojxuk ja Isaaki. 13Cho jach'ni ja yintil jumasa ja yal wa wa'tijum ixuki jel oj ka pojxuke yuj ja yal kerem jawi, yuj ja a wunin we'ni.

14Sajto lek k'e ja Abraham ja pilan k'ak'u, ya'yi yo'ot spichi ja Agari. Cho ya'yi ya'al b'a jun bolsa ts'u'um, ti ya k'e'yi b'a stejleb' ti'xa sjeka el sok ja yali.

Jaxa Agari, ti waj b'a stojol ja takin lu'um k'inal b'a Beerseba, ti ch'ay tiwi. 15Yajni ch'ak ja ya'al ak'ub'al yi'i, ti ya' b'a'an ja yal kerem b'a yib'el jun niwan te'. 16Yuj ja mi sk'ana oj yil jastal oj chamuk ja yali, ti spila sb'aja, mi jel najatuk ti waj kulana. Yajni ti kulan ek'i, ti och ok'uka.

17Ja Dyosi, yab' ja jastal wa'n awanel ok'el ja yal keremi, man b'a satk'inal sk'uman ja agari, ti yal yab'a:

—¿Jastal aya Agar? Mi lom la xiwi kab'ta jastal wa'n awanel ja yal keremi. 18Kax tulu tela. Mi oj chamuk, ja yintil jumasa jel jitsan oj pojxuk, xchi ja Dyosi.

19Ti'xta'a Ja Dyosi, je'jiyi jun poso b'a ay ya'lel ja agari. Jaxa ye'n ajnel waj sb'ut' ja sbolsa yi'oji, ya' yu' ja' ja yal skeremi.

20-21Yajni k'i' ja yal keremi, ti'xa kanye b'a takin lu'um k'inal b'a Paran. Ti sneb'a lek tiw syamjel ja pulte'i, cho koltaji lek yuj ja Dyosi. Tsa'an a'ji nupanuk sok jun ak'ix sb'a Egipto yuj ja snani.

Ja Abraham sok ja Abimeleki

22Ja k'ak'u jumasa jaw ja Abimeleki waj yulata ja Abrahami. Mojtaji yuj ja Ficol yuj ja ye'n kapitan b'a soldado. Yajni k'ot ja Abimeleki, ti yal yab' ja Abrahami:

—Kilata jastal jel wa skoltaya ja Dyos sok spetsanil ja jas waxa k'u'lani. 23Man ya'n k'ak'u ala kab' b'a sti' sat ja ye'n, b'a mi jas mi sb'ejuk oj ja k'u'luki cho jach'ni ja kuntikil sok ja kintil jumasa. Cho ala kab'i, jel t'ilan lek oj ja wil'on jach'ni jastal lek wax kilawa ja ke'n, cho jach' sk'u'lanyi ja swinkil ja niwan chonab' it b'a ti'xa aya ja we'n.

24Ja Abrahami, yala jach'ni oj k'u'luka, 25kechan, stajb'a yuj k'ak'u jumasa b'a ek'ta jan yuj ja lom jap'jiyi jun poso b'a ay ya'leli. 26Jaxa Abimeleki sk'ana perdon, toj lek yala:

—Mix na'a machunk'a jach' sk'u'lani. Cho jach'ni ja we'n mi jas waxa wala kab'i, jaxa ke'n mix na'a man ya'n wax na'a.

27Jaxa Abrahami, yi'aj ja chej jumasa, wakax jumasa, ya'yi ja Abimelek b'a jach' oj b'ob' sk'u'luk ja slo'ile'i. 28Jaxa Abrahami, yuj ja lom spila kan juke yal cheji, 29Ja'yuj ti sjob'o ja Abimeleki:

—¿Jaxa iti, jasun wa sk'ana yal b'a? ¿Jasyuj a pila ja juke yal chej it b'a?

30Ti yala ja Abrahami:

—Wax k'ana oj ja wi' ja juke yal chej it b'a jk'ab' ke'na. B'a ti oj na'xuk lek yuj ja poso iti, ke'nani jamuneja.

31Ja'yuj ja tiwi, sb'i'ilan Beerseba,#21:31 Ja Beerseba b'a hebreo wa sk'ana yale ja poso b'a ya' slo'ile. yuj ja ti ya' slo'ile tiw ja Abraham sok ja Abimeleki.

32Tsa'an yajni ch'ak ja slo'ile ja Abraham b'a Beerseba, jaxa Abimelek sok ja Ficoli, ti'xa kumxiye b'a schonab'il ja filisteo jumasa. 33-34Jaxa ye'n ja Abrahami. Ti kan jitsan k'ak'u b'a schonab'il ja filisteo jumasa. Ja b'a Beerseba sts'unu jun ib'e te', jaxa b'a yib'eli, ti oj stoyo ja sb'i'il ja Dyos it mix ch'aki.

Currently Selected:

Genesis 21: YABD

Highlight

Copy