Genesis 10

Kujlaji, ja niwak chonab' jumasa

1Tsa'an yajni, ek' ja b'ut' ja' it sch'aka ja swinkil ja lu'umi, och untikanuke ja Semi, ja Cam sok ja Jafeti. Ja yuntikile ja it jumasa:

Ja yuntikil jumasa ja Jafeti

2Ja Jafeti, ajyi juke yuntikil ja' sb'i'ile ja iti:

Gomer,

Magog,

Madai,

Javan,

Tubal,

Mesec,

Tiras.

3Ja Gomeri, ajyi oxe yuntikil ja' sb'i'ile ja iti:

Asquenaz,

Rifat,

Togarma.

4Ja Javani, ajyi chane yuntikil, ja' sb'i'ile ja iti:

Elisa,

Tarsis,

Quitim,

Rodanim.

5Ja yuntikil ja Jafet it ti ya'we kulan ja schonab'ile b'a mojan sti niwan paman ja'i, sok ja smoj alijele jumasa, junxta slujmale sok junxta sk'umale.

Ja yuntikil ja Cami

6Ja Cami ajyi chane yuntikil, ja' sb'i'ile ja iti:

Cus,

Misraim,

Fut,

Canaan.

7-12Ja Cusi, ajyi wake yuntikil, ja' sb'i'ile ja iti:

Seba,

Havila,

Sabta,

Raama,

Sabteca.

Nimrod.

Ja Nimrod jel niwan wax ilji b'a lu'umi, mi kechanuka, ja Dyos schapa ja winik jawi, jun lekil b'ejyum b'a k'ul. Man tiwi, ti jak ja lo'ili: —Ja we'n jun lekil b'ejyuma b'a k'u'l jastal Nimrod it ye'n schapa ja Dyos yuj ja jun niwan b'ejyum b'a k'uli—. Ja niwak chonab' jumasa b'a ajyi, sb'i'il Babel, Erec sok Acad. Spetsanil ja chonab' jumasa jawi, tey b'a Babilonia. Ti el b'a lu'um jumasa jaw ja Asur ma' ya' kulan ja chonab' jumasa b'a Ninive, tey ja Rehobot-ir, ja Quela sok ja Resen it tey snalan ja chonab' jumasa b'a Ninive sok b'a Quelahi.

Ja Raama, ajyi chab' yuntikil, ja' sb'i'ile ja iti:

Seba,

Dedan.

13-14Ja kristyano jumasa it ti jakye b'a Misraimi:

ja ludeo jumasa,

anameo jumasa,

lehabita jumasa,

naftuhita jumasa,

patruseo jumasa,

casluhita jumasa,

caftorita jumasa.

Ja filisteo jumasa, ja intilajiye jan yuj ja caftorita jumasa.

15Ja Canaani, ajyi chab' yuntikil, ja' sb'i'ile ja iti:

Sidon,

sok Het.

16-18Ja kristyano jumasa it ja ti jakye b'a Canaani:

Ja jebuseo jumasa,

amorreo jumasa,

gergeseo jumasa,

heveo jumasa,

araceo jumasa,

sineo jumasa,

arvadeo jumasa,

semareo jumasa,

sok ja hamateo jumasa.

Tsa'an ja cananeo jumasa, ch'ak spil sb'aje tuktukil b'a ch'a wajuke'a. 19Ja'yuj ja mojon b'a Canaani, ti stuluyi b'a Sidon, k'ot man Gaza, b'a stojol ja chonab' Guerar, cho stuluyi ja tiwi, k'ot man b'a Lesa, b'a stojol ja chonab' jumasa Sodoma, Gomorra, Adma sok b'a Seboim.

20Spetsanil ja it jumasa naka ja yintil ja Cami, ja ye'nle'i ti'ni ajyiye b'a schonab'ile sok ja smoj alijele jumasa, naka junxta ja sk'umale'i.

Ja yuntikil ja Semi

21-25Ja b'i'ilal jumasa iti, ja' yuntikil ja Sem sb'ankil ja Jafeti:

Elam,

Asur,

Arfaxad,

Lud,

sok Aram.

Ja Arami, ajyi chane yuntikil ja' sb'i'ile ja iti:

Us,

Hul,

Gueter,

Mas.

Ja Arfaxadi, ajyi jun yunin sb'i'il Selah.

Ja Selahi ajyi jun yunin sb'i'il Eber.

Ja Eberi ajyi chab' yuntikil sb'i'ile:

Peleg,

Joctani.

Ja k'ak'u jumasa ajyi sak'anil ja Pelegi, ja kristyano jumasa spila sb'aje sok sk'ulan sb'aje jitsan k'ole.

26-29Ja Joctani, ajyi ox lajune yuntikil ja' sb'i'ile ja iti:

Almodad,

Selef,

Hasar-mavet,

Jerah,

Hadoram,

Uzal,

Dicla,

Obal,

Abimael,

Seba,

Ofir,

Havila,

Jobab.

30Ja lu'um b'a ajyiye'i, ti stuluyi b'a Mesa, man b'a Sefar, b'a yaxk'ul jumasa b'a stojol wax jak ja k'ak'u.

31Spetsanil ja it jumasa ja yintil ja Semi, b'a jujun k'ole ay schonab'ile slu'ume smoj alijele jumasa cho junxta sk'umale'i.

32Tsa'an, yuj ja b'ut' ya'lel ja lu'um it sch'aka ja swinkil ja lu'umi, ja yintil jumasa ja Noeji, sb'ut'uwe jun majke smoj spetsanil ja lu'umi, ya'we pojxuk ja tuktukil kristyano jumasa. Ja b'i'ilal jumasa kalatik b'ajtani, ti wax chiknaji tiw ja ma'tik smoj alijel sb'aji, sok ja chonab' jumasa stojb'ese'i.

Currently Selected:

Genesis 10: YABD

Highlight

Copy