Lúqá Dí Injíl 22

1TE Patírí Roṭí dí íd, jih núṉ Fasah ákhde ne, neṛe áí. 2Te sardár káhin te faqíh dá labbhde sán, paí uh núṉ kise tarah már suṭṭan; kyúṉ jo lokáṉ thoṉ uh ḍarde sán. 3Tad Yahúdá vichch, jihṛá Iskariútí ákhwáṉdá, te jihṛá báráṉ dí gentrí vichch sí, Shaitán samáyá. 4Te us jáke sardár káhináṉ te súbedáráṉ nál gall giní, paí uh núṉ kíkar uhnáṉ de hawále kare. 5Te uh ḳhush hoe, te uh de nál rupaye den dá qarár kítá. 6Te us man liyá, te mauqaʼ labbhdá sí, paí jad bhír na howe, udoṉ uh núṉ uhnáṉ de hawále kar de. 7Tad Patírí Roṭíáṉ dá din áyá, jih de vichch fasah zabh karná sí. 8Te us Patras te Yuhanná núṉ ih ákhke ghalliá, paí Jáke sáḍe laí fasah tiár karo, paí asíṉ kháíe. 9Uhnáṉ uh núṉ ákhiá, Túṉ kitthe cháhná haiṉ, paí asíṉ tiár karíe? 10Us uhnáṉ núṉ ákhiá, Jád shahr vichch tusíṉ waṛoge, vekho, ikk banda pání dá ghaṛá chukiá hoiá tuhánúṉ ṭakregá; uh jis ghar vichch jáe, uh de magar jáo. 11Te ghar de málik núṉ ákho, Ustád tainúṉ ákhdá hai, paí Uttaran dá tháṉ kitthe hai, jitthe maiṉ ápne shágirdáṉ nál fasah kháwáṉ? 12Te uh áp ikk khullá chaubára farsh vichcbiá hoiá tuhánúṉ vikhálegá; utthe tiár karo. 13Uhnáṉ jáke jihá us uhnáṉ núṉ dassiá sí, vekhiá, te fasah tiár kíto ne. 14Te jád velá á gayá, uh bah gayá, te rasúl uh de nál. 15To uhnáṉ núṉ ákhiá, Mainúṉ baṛí cháh sí, paí dukh pán thoṉ pahláṉ ih fasah tuháḍe nál kháṉwaṉ; 16Kyúṉ jo maiṉ tuhánúṉ ákhná háṉ, paí Maiṉ ih kadí na kháṉwáṉgá, jad tíkar Ḳhudá dí bádsháhí vichch uh púrá na howe. 17Te piyálá laike shukr kítá, te ákhiá, Ih núṉ lao, te ápo vichch wanḍ lo; 18Kyúṉ jo maiṉ tuhánúṉ ákhná háṉ, paí Aidoṉ agge maiṉ angúr dí ras kadí na píwáṉgá, jad tíkur Ḳhudá dí bádsháhí na áwe. 19Te roṭí laí, te shukr karke toṛí, te ih ákhke uhnáṉ núṉ dittí, paí Ih merá badan hai, jihṛá tuháḍe wáste dittá jáṉdá hai; ih merí yádgírí laí kariá karo. 20Te ise tarah khán de magaroṉ us piyále núṉ ih ákhke dittá, paí Ih piyálá mere lahú vichch, jihṛá tuháḍe laí wagáyá jáṉdá hai, nawáṉ ʼahd hai. 21Par vekho, mere phaṛánwále dá hatth mere nál mez utte hai, 22Kyúṉ jo Ibn i Ádam jándá hai, jis tarah us de laí ṭhairáyá gayá hai; par afsos us bande utte, jih dí ráhíṉ uh phaṛwáyá jáṉdá hai. 23Te uh ápo vichch puchchhan lagge, paí Sáḍe vichchoṉ uh kihṛá hai, jihṛá ih kamm karegá? 24Te uhnáṉ vichch jhagṛá bhí piá, paí Sáḍe vichchoṉ kaun waḍḍá mannídá hai? 25Us uhnáṉ núṉ ákhiá, paí G̣airqaumáṉ de bádsháh uhnáṉ utte hukúmat chaláṉde ne; te jihṛe lok uhnáṉ utte iḳhtiyár rakhde ne, so g̣aríbparwar ákhwáṉde ne. 26Par tuháḍá uh hál nahíṉ; sagoṉ tuháḍe vichch jihṛá waḍḍá hai, uh nikke wáṉgar; te jihṛá sardár hai, uh ṭahlie wáṉgar hai. 27Kyúṉ jo waḍḍá kihṛá hai? uh jihṛá khán baiṭhá, yá uh jihṛá ṭahl kardá hai? Uh nahíṉ, jihṛá khán baiṭhá hai? Par maiṉ tuháḍe vichch ṭahlie wáṉgar háṉ. 28Tusíṉ uho hí ho, jihṛe meríáṉ azmáisháṉ vichch barábar mere nál rahe ho. 29Te jikkur mere Báp mere laí ikk bádsháhí ṭhairáyí, maiṉ tuháḍe laí ṭhahiráṉdá háṉ. 30Táṉ jo merí bádsháhí vichch merí mez utte kháo pío; te tusíṉ taḳhtáṉ utte bahke Isráel de báraháṉ gharáneáṉ dá níáṉ karoge. 31Ai Shamaʼún, ai Shamaʼún, vekh, Shaitán ne tusáṉ lokáṉ núṉ mangiá, paí kanak dí tarah tuhánúṉ phaṭake. 32Par main tere láí duʼá kítí, paí terá ímán jáṉdá na rahe, te jáṉ túṉ muṛ pain, táṉ apne bharáwáṉ núṉ tagṛeáṉ kar. 33Us uh núṉ ákhíá, Ai Ḳhudáwand, tere nál maiṉ tiár háṉ, bháṉweṉ qaid núṉ te maut núṉ jáná pawe. 34Us ákhíá, Patras, maiṉ tainúṉ ákhná háṉ, paí Ajj kukkaṛ de báṉg den thoṉ pahláṉ túṉ trai wári merá inkár kareṉgá, paí Maiṉ uh dá wáqif nahíṉ. 35Te us uhnáṉ núṉ ákhiá, Jis vele maiṉ tuhánúṉ baṭúe te thailí te juttíáṉ biná ghall dittá, tad tuhánúṉ kise chíz dí thuṛ táṉ nahíṉ si? Uh ákhan lagge, Kise dí nahíṉ. 36Tad us uhnáṉ núṉ ákhiá, Par hun jih de kol baṭúá howe, so lai le, te ise tarah thailí bhí; te jis de kol na howe, uh apná kapṛá vechke talwár mull lawe. 37Kyúṉ jo maiṉ tuhánúṉ ákhná háṉ, paí Ih jo likhiá hoiá hai, paí Uh buriááṉ vichch giniá gayá, mere haqq andar púrá honá zarúr hai; kyúṉ jo jihṛá kamm mere nál taʼalluq rakkhdá hai, so mukk jánáṉ hai. 38Uhnáṉ ákhiá, Ai Ḳhudáwand, vekh, itthe do talwáráṉ te hain. Us uhnáṉ núṉ ákhiá, Ih bahuteriáṉ hain. 39Te uh báhar nikalke apne dastúr mújib Zaitún de paháṛ núṉ gayá; te shágird bhí uh de magar ṭur pae. 40Te us tháṉ appaṛke us uhnúṉ núṉ ákhíá, Duá karo, paí azimáish vichch na pao. 41Te ápí uhnáṉ thoṉ alag ho gayá, te koí ḍhím dí már dí witth utte goḍe niwáke duʼá maṉgí. 42Pai Ai Báp, je tuṉ cháheṉ, táṉ is piyále núṉ mere koloṉ haṭá de; táṉ bhí merí marzí nahíṉ, par terí marzí howe. 43Te ásmánoṉ ikk firishte uhnúṉ vikhálí dittí; uh uhnúṉ táqat deṉdá sí. 44Phir uh bahut pareshán hoke baṛí sargarmí nál duʼá mangan laggá; te uh dá muṛhká lahú de ṭupkeáṉ wáṉgúṉ zamín utte ḍiggdá sí. 45Te duʼá thoṉ uṭṭhke uh shágirdáṉ de kol áyá, te uhnáṉ núṉ gam díáṉ máriáṉ suttíáṉ hoiáṉ vekhiá; 46Te uhnáṉ núṉ ákhiá, Tusíṉ káhnúṉ soṉde ho? Uṭṭhke duʼá maṉgo, paí azmáish vichch na pawo. 47Uh aje boldá hí sí, paí vekho, ikk bhíṛ áí; te báraháṉ vichchoṉ ikk jihṛá Yahúdáh ákhwáṉdá sí, uhnáṉ de agge agge áuṉdá sí; te uh Yisúʼ de kol áyá, paí uh núṉ chumme. 48Par Yisúʼ uh núṉ ákhiá, Yahúdáh, tú chummke Ibn i Ádam núṉ phaṛáná haiṉ? 49Jád us de ále duálewáleáṉ vekhiá, paí ki hon laggá, táṉ ákhiá, Ai Ḳhudáwand, asíṉ talwár chaláíe? 50Te uhnáṉ vichchoṉ ikk ne sardár káhin de gulám utte chaláke uh dá sajjá kann uḍá dittá. 51Tad Yisúʼ jawáb dittá, Hun sabr karo; te uh dá kann chhúke uh núṉ wall kítá. 52Tad Yisúʼ sardár káhináṉ, te haikal de súbedáráṉ, te buzurgáṉ núṉ, jihṛe uh de utte chaṛh áe sán, ákhiá, Tusíṉ mainúṉ chor samajke talwáráṉ te ḍáṉgáṉ laike nikle hoe ho? 53Jad maiṉ roz haikal vichch tuháḍe nál sáṉ, tusáṉ mere utte hatth na páe: par ih tuháḍí ghaṛí, te anhere dá iḳhtiyár hai. 54Tad uh uhnúṉ phaṛke le áe, te sardár káhin de ghar vichch le gaye; te Patras ḍardá ḍardá magar ṭuriá jáṉdá sí. 55Te jad uh wihṛe de andar agg bálke ikkaṭṭhe baiṭhe hoe sán, tad Patras uhnáṉ vichch bah gayá. 56Te ikk golí uh núṉ lo vichch baiṭhiáṉ vekhiá, te uh de wall changí tarah dhián karke ákhiá, Ih bhí uh de nál sí. 57Par uh mukkar gayá, te ákhiá, ai ʼaurat maiṉ uh núṉ nahíṉ jándá. 58Thoṛe chir magaroṉ hor kise uh núṉ vekhke ákhiá, Túṉ bhí uhnáṉ vichchoṉ haiṉ. Patras ákhiá, Shaḳhsá, maiṉ uhnáṉ vichchoṉ nahíṉ háṉ. 59Te ghaṛíku magaroṉ hor kise ne tákíd nál ákhiá, paí Beshakk ih bhí uh de nál sí; kyúṉ jo uh Galílí ádmí hai. 60Patras ákhiá, Shaḳhsá, maiṉ nahíṉ samajhdá, paí túṉ kí ákhná haiṉ. Te uṉweṉ aje uh boldá hí sí, jo jhaṭṭ kukkuṛ ne báṉg dittí. 61Tad Khudáwand murke Patras wall vekhiá; te Patras núṉ Ḳhudáwand dí uh gall yád áí, jihṛí us uh núṉ ákhí sí, paí Ajj kukkaṛ de báṉg den thoṉ pahláṉ túṉ merá trai wárí inkár kareṉgá. 62Uh báhar ṭur gayá, te baṛá roiá. 63Te uh ádmí jihnáṉ Yisúʼ núṉ phaṛiá hoiá sí, uh núṉ maḳhaul karde te márde sán. 64Te uh uhdíáṉ akkhíáṉ bannhke uhnúṉ ih puchchde sán, paí nubuwat karke das; kis tainúṉ máriá? 65Te kufr márke hor bahut sáríáṉ galláṉ uh de barḳhiláf ákhíáṉ. 66Te jáṉ din chaṛhiá, táṉ lokáṉ de buzurgáṉ dí jamáʼat ikaṭṭhí hoí; sardár káhin bhí, te faqíh bhí; te uh núṉ apní sardár majlis vichch liáke ákhiá, 67Je túṉ Masíh haiṉ, táṉ sánúṉ dass. Us uhnáṉ núṉ ákhiá, Je maiṉ tuhánúṉ dassáṉ tusíṉ kadi na mannoge; 68Te je maiṉ puchchhan, kadí jawáb na deoge, 69Hun thoṉ agge Ibn i Ádam Ḳhudá dí qudrat de sajje hatth baiṭhá rahegá. 70Tad sáreáṉ ákhiá, Túṉ Ḳhudá dá Beṭá haiṉ? Us uhnáṉ núṉ ákhiá, Tusíṉ ákhde ho, kyúṉ jo maiṉ háṉ. 71Tad uhnáṉ ákhiá, Sánúṉ hor gawáhí dí hun kí loṛ? Asáṉ áp jo uh de muṉhoṉ suniá.

Currently Selected:

Lúqá Dí Injíl 22: PNT1927R

Highlight

Copy