Yúhanná Dí Injíl 7

1TE aidoṉ pichchoṉ Yesúʼ Galíl vichch phirdá rihá, kyúṉ jo Yahúdíá des vichch us phirná pasand na kítá, is karke paí Yahúdí uh de máran laí dá labbhde sán. 2Te Yahúdíáṉ dí ʼÍd-i-Ḳhaima neṛe áí sí. 3So uh de bharáwáṉ uh núṉ ákhíá, Itthoṉ nikkalke Yahúdíá núṉ já, paí tere shágird bhí uhnáṉ kammáṉ núṉ vekhan, jihṛe túṉ karná haiṉ. 4Kyúṉ jo koí uhle vichch kujh nahíṉ kardá hai, ate cháhuṉdá hai, paí maiṉ áp mashhúr howáṉ. Je túṉ ih kamm karná haiṉ táṉ apne áp núṉ dunyá utte záhir kar. 5Kyúṉ jo uh deáṉ bharáwáṉ uh de utte ímán nahíṉ sí li-áṉdá. 6So Yesúʼ uhnáṉ núṉ ákhíá. Merá velá aje nahíṉ áyá; par tuháḍá velá hamesha tiár rahṉdá hai. 7Dunyá tuháḍe nál wair nahíṉ rakkh sakdí, par mere nál is lai rakkhdí hai, kyúṉ jo maiṉ uh de haqq vichch gawáhí deṉdá háṉ, paí uh de kamm bure ne. 8ʼÍd núṉ tusíṉ jáo; maiṉ is ʼÍd núṉ aje nahíṉ jáṉdá; kyúṉ jo merá velá aje púrá nahíṉ hoiá hai. 9Uhnáṉ núṉ ih galláṉ ákhke uh Galíl vichch hí rihá. 10Par jadoṉ uh de bhará ʼÍd núṉ tur gaye, uh bhí gayá, khullám khullí nahíṉ, par chhupke. 11So Yahúdí ʼÍd vichch uh núṉ labbhan lagge te ákhíá. Uh kitthe hai? 12Te gujjhe gujhe uh dí bábat bahut charcha lokáṉ vichch hoí. Kaí ákhde sán. Uh chaṉgá ádmí hai; te kaí ákhde sán, Nahíṉ, sagoṉ uh lokáṉ núṉ bad ráh kardá hai. 13Tad bhí Yahúdíáṉ de dar de máriáṉ uh dí bábat khullam khullá koí kujh na boliá. 14Par jad addhík ʼÍd rahṉdí sí, Yesúʼ haikal vichch jáke sikhálan laggá. 15Is wáste Yahúdíáṉ taʼajjub karke ákhiá, paí Is ádmí núṉ biná sikkhiáṉ kitábáṉ dá ʼilm kitthoṉ áyá? 16Tad Yesúʼ uhnáṉ núṉ jawáb dittá, Merí taʼlím merí nahíṉ, par mere ghallan wále dí hai. 17Je koí uh dí marzí karní cháhe, uh is taʼlím núṉ jánegá, paí Ḳhudá walloṉ hai, yá maiṉ apne walloṉ bolná háṉ. 18Jihṛá apne walloṉ boldá hai, apní waḍiáí cháhuṉdá hai; par uh jihṛá apne ghallan wále dí wadiáí cháhundá hai, uhí sachchá hai, te jhúṭh uh de vichch nahíṉ hai. 19Músá tuhánúṉ Sharíʼat nahíṉ dittí? Tad bhí tuháde vichchon koí Sharíʼat utte nahíṉ turdá. Tusíṉ káhnúṉ mere már suṭṭan de magar páe hoe ho. 20Lokáṉ jawáb dittá, Tainúṉ badrúh chambarí hoí hai; kaun tere már suṭṭan de magar piá hoiá hai? 21Yesúʼ uhnáṉ núṉ jawáb dittá, Maiṉ ikk kamm kíta, te tusíṉ sabbho taʼajjub karde ho. 22Is laí Músá tuhánúṉ suntí bahán dá hukm dittá hai, bháṉweṉ uh Músá walloṉ nahíṉ par waḍḍeáṉ walloṉ hai sí, te tusíṉ Sabt de din ádmí núṉ suntí bahánde ho. 23Jad Sabt de din ádmí suntí baháṉdá hai, paí kite Músá dí sharrat ṭuṭṭ ná jáe, tusíṉ is laí mere utte gusse huṉde ho, paí maiṉ ádmí núṉ Sabt de din púrá wall kítá? 24Loká chár niáúṉ na karo, par sachchá niáúṉ karo. 25Tad báze Yarúshálímeáṉ ákhiá, Ih uho nahíṉ hai, jih de már suṭṭan de magar pae hoe ne? 26Par vekho, uh táṉ khullá khullí boldá hai, te uh uhnúṉ kujh nahíṉ ákhde. Ih ho sakkdá hai, paí sardár sach much samajh gaye ne paí ih Masíh hai. 27Ih núṉ te asíṉ jánne háṉ, paí kitthoṉ dá hai; par Masíh jad áwegá, kise núṉ mʼalúm nahíṉ, paí uh kitthoṉ dá hai. 28Is wáste Yesúʼ haikal vichch sikkhálan vele zor nál ákhiá, Tusíṉ nále mainuṉ jánde ho, te nále ih vi jánde ho, paí maiṉ kitthoṉ dá háṉ; te maiṉ apne walloṉ nahíṉ áyá háṉ; par merá ghallanwálá, jih núṉ tusíṉ jánde sachchá hai. 29Maiṉ uh núṉ jándá háṉ, kyúṉ jo maiṉ uh de walloṉ háṉ, te us mainúṉ ghalliá. 30Tad uh cháhuṉde sán, paí uh núṉ pahṛ lain, par is galle kise uh núṉ hatth na páyá, paí uh dá velá aje nahíṉ sí áyá. 31Par lokáṉ vichchoṉ bahut sáre ih ákhke uh núṉ mann gae, paí Masíh jad áegá, ihnáṉ náloṉ waddh muʼajize karegá, jihṛe is kíte ne? 32Farísíáṉ suniá, paí lok uh dí bábat is tarah gujjhe gujjhe charchá karde ne. Tad Farísíáṉ te sardár káhináṉ piádeáṉ núṉ ghalliá, paí uh núṉ phaṛ lain. 33Tad Yesúʼ ákhíá, Hor aje thoṛá chir maiṉ tuháḍe nál háṉ, te jis ne manúṉ ghalliá, maiṉ uh de kol jáṉdá háṉ. 34Tusíṉ mainúṉ ḍhúnḍhoge, par labbhoge nahíṉ; te jitthe maiṉ háṉ, tusíṉ nahíṉ á sakkde. 35Tad Yahudí ápo vichch ákhan lagge, paí Uh kitthe jáegá, paí asíṉ uh núṉ nahíṉ labbh sakáṉge. Uh uhnáṉ kol jáegá, jihṛe Yúnáníáṉ vichch khillare hoe ne, te Yúnáníáṉ núṉ sikhálegá? 36Ih kí gall hai, jihṛí us ákhí, paí Tusíṉ manúṉ ḍhúnḍhoge, par mainúṉ labbhoge nahiṉ; te jítthe maiṉ háṉ, tusín nahíṉ á sakdhe. 37Chhekaṛle din, jihrá ʼÍd dá waḍḍá din hai, Yesúʼ khalo gayá te uchchí uchchí ákhan laggá, je koí tiráyá howe, mere kol áe, te píe. 38Úh, jihṛá mere utte ímáṉ li-áuṉdá hai, jihá Kitáb ákhdí hai, uh de ḍhiḍḍh vichchoṉ jíuṉde pání díáṉ nadíáṉ wagangíáṉ. 39Par uhn ih Rúh dí bábat ákhíá sí, jihṛá uh de mannan wáleán nún milná sí, is laí paí aje toṛí Rúh nahíṉ sí miliá, kyúṉ jo Yesúʼ aje apne jalál núṉ ná sí pahuṉchiá. 40Te lokáṉ vichchoṉ bázeáṉ jad ih galláṉ suníáṉ, tad ákhiá, Sach much iho uh nabí hai. 41Dujjeáṉ ákhiá, paí Ih Masíh hai; par hornáṉ ákhiá, Masíh Galíloṉ áuṉdá hai? 42Pák Kitáb nahíṉ dassdí, paí Masíh Dáúd dí nasloṉ te Baitlaham de piṉd walloṉ áwegá, jitthoṉ dá Dáúd sí. 43So lokáṉ vichch uh dí bábat puṭṭ pai gayí. 44Te uhnáṉ vichchoṉ kaí cháhuṉde sán, paí uh núṉ phaṛíe; par kise uh núṉ hatth na páyá. 45Tad uh piáde sardár káhináṉ te Farísíáṉ kol áe, te uhnáṉ uhnáṉ núṉ ákhíá, Tusíṉ uh núṉ kyúṉ nahíṉ li-áe? 46Piádeáṉ jawáb dittá, paí koí banda kade is tarah nahíṉ boliá. 47Tad Farísíáṉ uhnáṉ núṉ ákhiá, Tusíṉ bhí badráh ho gaye ho? 48Sardáráṉ yá Farísíáṉ vichchoṉ kise uh núṉ manniá hai? 49Par ihʼámm lok, jihṛe Sharíʼat núṉ nahíṉ jánde, lánatí ne. 50Uhnáṉ vichchoṉ ik Níkudímas, jihṛá pahláṉ bhí uh de kol áyá sí, uhnáṉ núṉ ákhan laggá. 51Sáḍí Sharíʼat aidoṉ pahláṉ paí kise dá ʼuzr na sune, te malúm na kare, paí uh kí kardá hai, fatwa deṉdí hai? 52Uhnáṉ uh núṉ ákhíá. Túṉ bhí Galíloṉ haiṉ? Talásh kar te vekh, paí Galíloṉ koí nabí nahíṉ uṭṭhdá. 53Te har ikk ápo apne ghar núṉ tur gayá.

Currently Selected:

Yúhanná Dí Injíl 7: PNT1927R

Highlight

Copy