Yúhanná Dí Injíl 20

1Hafte de pahle din Mariam Magdalíní waḍḍe wele, aje hanerá hí sí, qabr utte áí, te vekhiá, paí qabroṉ patthar rihṛiá hoiá hai. 2Tad uh Shamaʼún Patras te us dujje shágird kol, jih núṉ Yesúʼ piár kardá sí, naṭṭhí áí, te uh núṉ ákhan laggí, Uhnáṉ Ḳhudáwand núṉ qabroṉ kaḍḍh liyá hai, te sánúṉ patá nahíṉ, paí uh núṉ kitthe rakkhiá. 3Tad Patras te uh dujjá shágird nikle, te qabr utte áe. 4Te doṉweṉ ikaṭṭhe bhajje, te dujjá shágird Patras nálon bhajjan vichch waddh gayá, te qabr utte pahláṉ appaṛiá. 5Te neuṉke sútí kapṛeáṉ núṉ piá hoiá ḍiṭṭhá, par uh andar na vaṛiá. 6Tad Shamaʼún Patras bhí uh de magaroṉ appaṛ gayá, te qabr andar waṛiá; te sútí kapṛeáṉ núṉ píá hoíá vekhíá, 7Te us rumál núṉ, jihṛá uh de sir duále sí, sútí kapṛeáṉ de nál nahíṉ, ságoṉ iák tháṉ wakkhrá waleṭiá piá hoiá sí. 8So us vele dujje shágird ne bhí jihṛá pahláṉ qabr utte appaṛiá, andar waṛke vekhiá te yaqín kítá. 9Is laí paí aje toṛí uh us nawíshte núṉ nahíṉ sán samjhde, paí us zarúr murdeáṉ vichchoṉ ji uṭṭhná hai. 10Tey shágird apne ghar núṉ muṛ gaye. 11Par Mariam báharwár qabr de kol khalotí hoí rondí sí te roṉdiáṉ hoiáṉ neuṉke qabr de andar diṭṭha. 12Pai do firishte chiṭṭe kapṛe páe hoe, ikk sarhándí, te dujjá pawándí, jitthe Yesúʼ dí loth paí sí, baiṭhe ne. 13Te uh uhnúṉ ákhan lagge, Ai ʼaurat, túṉ kyúṉ roní hai? Us uhnáṉ núṉ ákhíá, Is laí paí mere Ḳhudáwand núṉ chukk lai gaye ne, te maiṉ nahíṉ jándí paí uh núṉ kitthe rakkhiá hai. 14Ih ákhke uh pichchháṉ muṛí, te Yesú, núṉ khalotá vekhiá, te na jáná, paí ih Yesúʼ hai. 15Yesúʼ uh núṉ ákhíá, Ai ʼaurat, túṉ kyúṉ roní haiṉ? Túṉ kih núṉ labbhní haiṉ? Us ih samajhke, paí málí hai, uh núṉ ákhíá, Ai míáṉ, je túṉ uh núṉ lai gayá haiṉ, táṉ mainúṉ dass, paí kitthe rakkhiá hai, te maiṉ uh núṉ lai jáṉgí. 16Yesúʼ uh núṉ ákhíá, Ai Mariam! Us pichchháṉ muṛke ʼIbrání bolí vichch ákhíá, Ai Rabbí, yáne, Ai Ustád. 17Yesúʼ uh núṉ ákhíá, Mainúṉ na chúh; kyúṉ jo aje maiṉ Báp kol utáháṉ nahíṉ gayá háṉ; par mere bharáwáṉ de kol já, te uhnáṉ núṉ ákh, paí Maiṉ apne Báp te tuháḍe Báp kol, te apne Ḳhudá te tuháḍe Ḳhudá kol utáháṉ jáná háṉ. 18Mariam Magdalíní áke shágirdáṉ núṉ dassiá, paí Maiṉ Ḳhudáwand núṉ ḍiṭthá hai, te us mainúṉ ih galláṉ ákhíáṉ ne. 19Pher use din, jihṛá hafte dá pahlá din sí, tarkáláṉ wele, jihṛe tháṉ Yahúdíáṉ de dar de máriáṉ shágirdáṉ búhe máre hoe sán, Yesúʼ vichkár á khalotá, te uhnáṉ núṉ ákhíá. Tuhádí salámatí howe. 20Te ih ákhke uhnáṉ núṉ apne hatth te wakkhí vikháí. Tad shágird Ḳhudáwand núṉ vekh-ke khush hoe. 21Tad Yesúʼ uhnáṉ núṉ ákhíá. Tuháḍí salámatí howe; Báp ne jis tarah mainúṉ ghalliá hai, use tarah maiṉ bhí tuhánúṉ ghallná háṉ. 22Te ih ákhke uhnáṉ utte phúk márí, te uhnáṉ núṉ ákhíá, Pák Rúh lao. 23Jihnáṉ de gunáháṉ núṉ tusíṉ baḳhsho, uhnáṉ de baḳhshe gae ne; te jihnáṉ de tusíṉ qáim rakkho, uhnáṉ de qáim rakhhe gaye ne. 24Par jadoṉ Yesúʼ áyá, tad uhnáṉ báraháṉ vichchoṉ ikk janá, Tomá jih núṉ Jauṛá ákhde ne, uhnáṉ de nál nahíṉ sí. 25Dujje shágirdáṉ ákhíá, Asáṉ Ḳhudáwand núṉ vekhiá hai. Par us uhnáṉ núṉ ákhíá, Jinná chir maiṉ uh de hattháṉ vichch killáṉ de chhek na vekháṉ, te killáṉ de chhekáṉ vichch apní unglí na páṉ, te un dí wakkhí vichch apná hatth na páṉ, onáṉ chir maiṉ kade na mannáṉgá. 26Te aṭṭháṉ dináṉ pichchoṉ pher uh de shágird andar sán, te Tomá uhnáṉ de nál sí. Búhe wajje hoe sán; Yesúʼ áyá, te vichkar khaloke ákhíá, Tuháḍí salámatí howe. 27Tad us Tomá núṉ ákhíá, Apní ungal uráṉ kar, te mere hattháṉ núṉ vekh, te apná hath uráṉ kar, te merí wakkhí vichch pá, te be-ʼitibár na ho, par ʼitibár kar. 28Tomá uh núṉ ákhíá, Ai mere Ḳhudáwand, ai mere Ḳhudá. 29Yesúʼ uh núṉ ákhíá, Is karke paí túṉ mainúṉ vekhiá hai, túṉ ímán li-áuṉdá hai; mubárák uh ne, jihnáṉ ḍiṭṭhá nahíṉ, tad bhí ímán li-áuṉdá. 30Te bahut hor bhí karámátáṉ Yesuʼ shágirdáṉ de sámne kítíáṉ, jihṛíáṉ is kitáb vichch nahíṉ likhíáṉ gayíáṉ; 31Par ih táṉ likhíáṉ gayíáṉ ne, táṉ jo tusíṉ ímán li-áo, paí Yesúʼ jo hai, uho Masíh, Ḳhudá dá Beṭá, hai, te ímán li-áke uh de náṉ thoṉ tuhánúṉ zindagí mile.

Currently Selected:

Yúhanná Dí Injíl 20: PNT1927R

Highlight

Copy