Sabiduría Iyochibal juñ
Iyochibal juñ
Ili juñ mi' pejkañonla ti t'añtak kabälbä isujmlel, che' bajche' ka'bäl mu'bä iña'tañ ikuxtälel lak chumtäl. Mi' itaj ti t'añ lak melbal, yik'ot chukoch wa' añoñla ilayi yik'ot baki mi lak majlel che' mi lak chämel. Che' ja'el mi' iyäl bajche' mi lak ch'ämbeñ isujm ambä ti imal lak pusik'al, yik'ot chuki mi lak ñop yik'ot ti' tojlel Lak Ch'ujutat. Ti jump'ejl jachbä t'añ, mi iyäl pejtelel chuki mi lak ña'tañ joñonla wiñikob x-ixikob.
«Jiñi pañämil ti atojlel
lajal bajche' juñpijt alä ji' ya' ti p'isoñibäl,
che' bajche' juñchäjk' yeje'b ti yopol te'.
Ixku jatet mi' alaj p'uñtañob ti' pejtelel,
kome mi' ilaj mejlel amel chuki awom.
Che' ja'el mi' apäs awutslel majki mu'bä ti mulil,
yik'ot mi' apijtañ cha'añ mi' ik'extañ ipusik'al.
Jatet mi' alaj k'uxbiñ ti' pejtelel chuki añ
yik'ot ma'añik mi' ats'a' k'el tsa'bä amele,
mi añ chuki ts'a' mi' ak'el,
ti' itejchibal ma'añik tsa' amele.
Ma'añik chuki mejl ajñel ti pañämil
mi' jatet mach che'ik awom.
KCh'ujutat, jatet utset ti ktojlel lojoñ,
kome acha'añ pejtelel chukitak añ,
yik'ot mi' alaj k'uxbiñ ti' pejtelel».
(11.22-26)
Jiñ cha'añ, ili juñ cha'añ Ña'täbaläl yom mi' su'beñoñla cha'añ lak kuxtälel cha'añ tsa'ixbä ñumi ti itejklum judiojob. Jiñäch ja'biltak läk'älixbä cha'añ iyilañ pañämil Jesús, che' jiñi iña'täbalob griegojob, käñbilbä bajche' helenistajob, tsa' ochi ti ichumli'ob iña'täbal itejklum mediterraneojob.
Ili juñ t'oxbil ti uxlajm iña'täñtel: Jiñi ip'ätälel machbä añik ijilibal ña'täbaläl (1.1—6.21); itilelächbä melbil yik'ot ip'ätälel jiñi ña'täbaläl (6.22—10.21); yik'ot jiñi ña'täbaläl yik'ot tojbä ti melol ya'bä añ mi' ipästäl ti éxodo (11—19). Che'to ja'e ti' iliyi iyuxchajplel, jiñi juñ añto yambä cha'p'ejl isujmlel: Iyutslel Lak Ch'ujutat (11.15—12.22) yik'ot jiñi ñopbal joñtolbä (13—15).
Mi' ik'äjñibäyel cha'añ mi lak käñ ili juñ cha'añ Ña'täbaläl tsa' ts'ijbuñti ya' ti tejklum Alejandría, ya' ti norte ti Egipto. Jiñ cha'añ jiñi tsa'bä ts'ijbu ili juñ mi' su'beñonla che' jiñi judiojob tsa' chumleyob ya' ti Egipto, yik'ot cha'añ ikoltäñtelob ti tsätsbä e'tel kämbilbä bajche' Éxodo.
Currently Selected:
Sabiduría Iyochibal juñ: CholDc
Highlight
Share
Copy
Want to have your highlights saved across all your devices? Sign up or sign in
© Biblia Chol de estudio con DC- Derechos reservados por SBM