Hosea 14
14
1Dychwel, Israel, at Iafe dy Dduw,
Canys syrthiaist trwy dy anwiredd.
2Cymerwch eiriau gyda chwi,
A dychwelwch at Iafe;
Dywedwch wrtho, “Maddeu’r holl anwiredd,
A chymer ddaioni,
Fel yr ad-dalom iti ein gwefusau yn lle bustych.#14:2 ein gwefusau yn lle bustych. LXX a Syr. ffrwyth ein gwefusau.
3Ni weryd Asyria ni,
Ni farchogwn ar farch,
Ac ni ddywedwn mwyach ‘Ein Duw’ am waith ein dwylo,
Oblegid ynot ti y caiff yr amddifad dosturi.”
4Iachâf eu gwrthgiliad,
Caraf hwynt o’m bodd,
Canys trodd fy nigllonedd oddiwrtho.
5Byddaf fel gwlith i Israel,
Blagura yntau fel lili,
A bwrw ei wraidd fel Lebanon;
6Estyn ei frigau,
A bydd ei wychter fel olewydden,
Ac aroglau arno fel Lebanon.
7Dychwel y rhai a drig yn ei gysgod,
Adfywiant fel yd,
A blagurant fel gwinwydden;
Bydd ei goffa fel gwin Lebanon.
8Medd Effraim,
“Beth sydd a wnelwyf mwy ag eilunod?”
Myfi a atebodd ac a’i gwyliodd.
Myfi sydd fel cypreswydden werdd,
Ohonof y cafwyd dy ffrwyth.
9Pwy sydd ddoeth i ddeall hyn?
Yn ddeallgar i’w wybod?
Canys uniawn yw ffyrdd Iafe,
A rhodia’r cyfiawnion ynddynt,
Ond tramgwydda troseddwyr ynddynt.
Currently Selected:
Hosea 14: CUG
Highlight
Share
Copy
Want to have your highlights saved across all your devices? Sign up or sign in
© Urdd y Graddedigion, Prifysgol Cymru 1945
© Guild of Graduates, University of Wales 1945
