Matthew 17

Jesus Ye Llahdoh Le Ir Mo Moses Mo Elijah

(Mark 9:2–13; Luke 9:28–36)

1Yela wolral mo wol miril ngo Jesus sa fesangu Pedrus mo bisbis we rumal, James mo Johannes yesa palirdah wol sew tayit le ye tagiyet sala rol ir loh chog mo iyang.#17:1–5; 2 P 1:17–18 2Yodwe re chil kekal ngali ngo sa yusuwel loh molwe wol Jesus. Wol molwe metal sa wochog ddolol yaal, ngo molwe mengagol yesa kkel yal bbech ngo ye ttarfisfis. 3Iwe ngo rosolmol mokwe wocholuwal ngo resa wiri Elijah mo Moses le re kapatpat mo Jesus. 4Iwe ngo Pedrus sa maliliy ngo sa kangalu Jesus bo, “Samol, ye momay mele siya mel iga. Hare ho dipli ngo isa foru suluw tento, le be sew imwom ngo sew imwel Moses ngo sew imwel Elijah.”

5Yodwe ye chil kapatpat ngo sedep darmiy le ye bbechrag sa budoh uwor ngo sa bidiy yalol Deus mo iyang le ye sor bo, “Iye mele Layi le ihachangi, ha talenga yalol!”#Gn 22:2; Ps 2:7; Is 42:1; Mt 3:17; 12:18; Mk 1:11; Lk 3:22; Dt 18:15

6Yodwe mokwe re dabeyal rela rongrong molwe ngo sa kkel yar motog resa ngerchapdiy wototol. 7Jesus yesa budoh yesa yetedah paol uwor ngo sa sor bo, “Ha sudah. Ha towe motog!” 8Iwe rela tterdah ngo tayor le ye mel loboswe bo sa halachog Jesus.

9Rela bibidiy mo wol tayit we ngo Jesus sa kangalur bo, “Tor semal le habe kangalu molwe hasa wiri yee, la hola yodla mala Layur Retalop be molow tefael mo irel maes.”

10Iwe ngo mokwe re dabeyal resa kasiya Jesus bo, “Meda fal le mokwe sensel Hatobtob we re sor le Elijah mele be hamodoh?”#Ml 4:5

11Jesus sa sor bo, “Tos bo Elijah mele be hamodoh bo yebe hafle pangal formel. 12Ibe kangalugmi le Elijah ila sa faesul mel ngo ye tagel ngalir yarmat, iwe resa faor ngali mele ir re dipli rebe faor ngali. Be wol ila sengal chog mala rebe faor ngal mala Layur Retalop.”#Mt 11:14

13Iwe mokwe re dabyal re medaf le iy ye kapta kofal Johannes Baptista.

Jesus Ye Hachuya Moniyan Mo Uwol Semal Yalwich Tarmal

(Mark 9:14–29; Luke 9:37–43)

14Yodwe rela tefaeldoh irel buwa we ngo semal mal sa budoh irel Jesus yesa hasubgudiy imol, 15yesa kangalu bo, “Samol, fahoy tarmal la layi! Yema budoh yal tomay le yema piyom le ye kkel. Yebe kkel ngali ngo ma chepragdah wulyef ngo ye ddorlong locchol. 16Isa mol hasidoh irer meka choluwam ngo ye temmal le rebe hachuya yal tomay.”

17Jesus sa kangalur bo, “Hami rechoka, ifa lepal yami ted chepar mo yami tabung! Be ifa lepal ssulayel yai mel ngalugmi? Ngo be ifa lepal ssulayel yai halelayiloh repiyey ngalugmi? Ha hasidoh yalwich tarmal la irey!” 18Jesus sa kangalu moniyan we bo yebe chuy mo uwol yalwich tarmal we, ngo yodwe chog ngo sa chuyloh mo uwol.

19Iwe ngo mokwe re dabyal resa budoh irel sala rol ir loh chog, ngo resa kasiya bo, “Meda mele ye teyoh le hamem ha hachchuya moniyan we iyang?”

20Jesus sa hatefali ngo yesa sor bo, “Be ila sengal bo ye telap yami tugul. Ibe hatugulu ngalugmi le hare yor yami tugul le be lepal sefaes faesol mustard, ngo be yoh le habe kangalu tagitat le bo, ‘Hobe chuy mo iga hosa loh mo iglay, ngo be yoh!’ Te tugul mele iy ngo be yoh ngalugmi le habe foru!”#Mt 21:21; Mk 11:23; 1 Co 13:2 21[Iwe ngo sa mepel chog mo yach supiy halach mele be yoh le be chuy tappel mele iyang; tayor sew formel mo solbos le be chuy iyang.]

Jesus Sa Wol Kapta Kofal Yal Be Mes

(Mark 9:30–32; Luke 9:43–45)

22Yodwe pangal mokwe re dabeyel Jesus resa ttey fengal wol Galilee, ngo yesa kangalur bo, “Mala Layur Retalop ila be yohlong lal payur yarmat bo rebe llimeseloh, 23ngo bela solral mo wol miril, ngo sa molow tefael mo irel maes.”

Yesa kkel yal tayikof lal deper mokwe re dabeyal.

Fangal Paliyel Raeg We Hammalel Templum We

24Yodwe Jesus mo mokwe re dabyal rela budoh wol Capernaum, ngo re sala budoh rechokwe rema hattey paliyel raeg le mil hammalel Templum we, resa budoh irel Pedrus ngo resa kasiya bo, “Sensey la yami ma fang paliyel raeg le mil hammalel Templum?”#Ex 30:13; 38:26

25Pedrus sa sor bo, “Yema fang.”

Yodwe Pedrus ye bulong yilim ngo Jesus sa moal maliliy le ye sor bo, “Simon, meda mele yam luluwal? Itey le ma fang semat mo semat tax mo paliyel raeg ngal king ka lal faileng le? Yarmetal fuluwe, hare rechoka re wasoladoh wol fuluwe?”

26Pedrus sa hatefali ngo sa kangalu bo, “Wasola.”

Iwe ngo Jesus sa sor bo, “Hare be ila sengal ngo chol fuluwe ila re towe fang paliyel raeg. 27Ngo ligdi bo site dipli le sibe hatayikofa lal deper rechoka. Ila ho loh irel laom we ho sala halgadiy sew yaw iyang. Ngo metamol yig la be hoteg, ngo hosa yafsi ngo hobe wiri sefaes faesol salpiy mo lal mala yewal le be lap yach paliyel raeg le mil Templum. Hosa hasi ho sala fang ngalir bo yach paliyel raeg.

Currently Selected:

Matthew 17: ULI

Highlight

Copy