Lubaakico N̰amaakeetee Iisa Masi Siwintí kitamniti
Siwintí kitamniti
Kitamne teete pa, ay Lik giiti Pol ma ketepeyyica. Gata pa ketepeyye kutubgee seera. Ta omma ɗe, ay Kabarre ta Daana ma beneyya ma gaari ku nuntiti Iisa Masi iŋee kiɗaati, ma ka muutti o ma ka naɗawti. Kitamniti ma daa ta seera pa, ay teete gita paaɗe ma ay ta Lubaakico N̰amaakeetee Iisa Masi. Gita pa beneyya ƴa omma ma ka kalpiti Iisa samaani. Gaa meeni minnaw omma, gi Ruuhanti Mellayi beeriyoo oko jobookeetee. Ay gita appe ma gawwadday o ma beraayo gudirane maa gu tasawɗica kabarre ta daana ta gaartee Iisa Masi bala ɓayaw. Gita pa asawko giimi gu dowɗiy galbigeeco oko Iisa Masi, guu dewɗo maani.
Kitamniti teete pa, garaa baŋ gi taaso ta kabarre ta daana tee ta Iisa diile gee me o baŋ gi tacile gee me aacco Yawudigeyyo o aacco giimi ku balle daare, o gi garaa kulla baŋ gu giimi ma temekka saananti Iisa Masi diilica goo me timmico wereeriyee pay pay. Gita beneyya ma gaarco n̰amaakeetee Iisa paracco. Maa gi beneyya soo ƴiila pa, ay gaartee Piyer maa ga leelo o ma ka turguwawiŋgeetee Pol.
Currently Selected:
Lubaakico N̰amaakeetee Iisa Masi Siwintí kitamniti: mmy
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators, Inc. All rights reserved.