Kut 36
36
1Oru nirwo ruzaaro rwa Esau (niwe Edomu). 2Esau akashwera abakazi aba omu Banyakanaani: Aada muhara wa Eloni Omuhiiti, Oholibama muhara wa Ana mwene Zibeoni Omuhiivi: 3Basemaati muhara wa Ishimaeli munyaanya wa Nebayooti. 4Reero Aada yaazaarira Esau Elifaazi; Basemaati yaazaara Reueli; 5na Oholibama yaazaara Yeusi, Yalamu na Koora. Abo nibo beene Esau abu yaazaariire omuri Kanaani.
6Bwanyima Esau akatwara abakazi be, abatabani n'abahara n'ab'omu ka ye boona, ente ze n'amatungo ge goona, n'ebintu bye byona ebi yaatungiire omu nsi ya Kanaani, yaaza omu nsi ya hare etahikaine n'omurumuna Yakobo; 7ahabw'okuba amatungo gaabo gakaba gari maingi munonga gatarikubaasa kutuura hamwe; ensi ei baabaire bashuuhuukiiremu etarikubahika ahabw'amatungo gaabo. 8Atyo Esau yaatuura omu nsi y'ebibungo bya Seiri; Esau ogwo niwe Edomu.
9Mbwenu oru nirwo ruzaaro rwa Esau, ishenkuru w'Abaedomu ab'omu nsi y'ebibungo bya Seiri.
10Aga n'amaziina ga beene Esau; Elifaazi mutabani wa Aada muka Esau; Reueli mutabani wa Basemaati, nawe muka Esau. 11Reero beene Elifaazi ni Temani, Omari, Zefo, Gatamu na Kenazi. 12Timuna we akaba ari ekinyanshunju kya Elifaazi mwene Esau; Elifaazi yaamuzaaraho Amaleki. 13Batabani ba Reueli nibo aba: Nahati, Serahi, Shamaha na Miiza.
14Kandi aba ni batabani ba Oholibama muhara wa Ana, mwene Zibeeni, muka Esau. Esau akamuzaaraho Yeusi, Yalamu na Koora.
15Aba nibo bakuru omuri beene Esau. Batabani ba Elifaazi omujigaijo gwa Esau: abakuru ni Temani, Omari, Zeefo, Kanezi, 16Koora, Gatamu na Amaleki. Abo nibo bakuru omu Baelifaazi, baijukuru ba Aada. 17Aba nibo batabani ba Reueli mwene Esau, abatware: Nahati, Zeera, Shamahi na Miiza. Abo nibo batware beene Reueli, ab'omu nsi ya Edomu, batabani ba Basemaati muka Esau. 18Kandi aba ni batabani ba Oholibama muka Esau: abatware Yeusi, Yalamu na Koora. Abo nibo batware baazairwe Oholibama, muhara wa Ana muka Esau. 19Abo nibo beene Esau (niwe Edomu), kandi abo nibo batware omuribo.
Oruzaaro rwa Seiri
20Mbwenu beene Seiri Omuhoori, abatuuzi b'omuri egyo nsi, nibo aba: Lotani, Shobali, Zibeoni, Ana, 21Dishoni, Ezeri, na Dishani. Nibo batware b'Abahoori beene Seiri, ab'omu nsi ya Edomu. 22Beene Lotani ni Hoifi na Hemani; kandi munyaanya Lotani akaba ari Timuna. 23Aba ni beene Shobali: Alivaani, Manahati, Ebali, Sheefo, na Onamu. 24Beene Zibeoni nibo aba: Aya na Ana. Niwe Ana owaazoire ebitagata omu ihamba ariisize endogoya za Zibeoni, ishe. 25Aba nibo baana ba Ana: Dishoni na Oholibama muhara wa Ana ogwo. 26Reero beene Dishoni nibo aba: Hemudani, Eshubani, Iturani, na Kerani. 27Kandi aba ni beene Ezeri: Bilihaani, Zaavani na Akani. 28Beene Dishani nibo aba: Uuzi na Arani. 29Aba nibo batware b'Abahoori; Abatware Lotani, Shobali, Zibeoni na Ana; 30taho Dishoni, Ezeri na Dishani. Abo nibo batware b'Abahoori, nk'emiryango yaabo oku yaabaire eri omu nsi ya Seiri.
Abagabe ba Edomu
31Aba nibo bagabe abaategyekire ensi ya Edomu, hatakabaireho mugabe weena owaategyekire Abaisiraeli. 32Beela mwene Beori akategyeka Edomu, orurembo rwe ruri Dinahaha. 33Beela ku yaafiire, Yababu mwene Zeera owa Bozira yaaza aha ngoma omu mwanya gwe. 34Yobabu ku afa, Hushamu ow'omu nsi y'Abatemani atwara engoma omu mwanya gwe. 35Hushamu ku yaafiire, Hadadi mwene Bedadi owaabingire Abamidiyani omu nsi ya Moabu, yaayema omu mwanya gwe, eiziina ry'orurembo rwe ryaba Aviti. 36Hadadi ku yaafiire, reero Samulahi owa Masireeka yaayema omu mwanya gwe. 37Samulahi ku yaafiire, Shauli owa Rehoboti aha mugyera Eufuraati yaayema omu mwanya gwe, 38Shauli ku afa, Baalihanani mwene Akiboora ahungura engoma ye. 39Baalihanani mwene Akiboora ku yaafiire, Hadari yaahungura engoma ye; obwo orurembo rwe nirwetwa Pau; kandi omukazi we akaba naayetwa Mehetabeli, muhara wa Matireedi, mwijukuru wa Mezahabu.
40Aga nigo maziina g'abatware beene Esau, nk'oku emiryango yaabo n'emyanya y'obutuuro bwabo byabaire biri, n'oku baabaire nibeetwa; abatware Timuna, Alivahi, Yeteti, 41Oholibama, Elahi, Pinono, 42Keenazi, Temani, Mibuzaari, 43Magadieli na Iramu. Abo nibo batware beene Edomu (niwe Esau ishenkuru w'Abanyaedomu), nk'emyanya y'obutuuro bwabo oku yaabaire eri, omu nsi ei baakubwire.
Yosefu okwangwa beene ishe
Currently Selected:
Kut 36: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
