Kut 10
10
1Oku nikwo enzaaro za beene Noa: Sheemu, Haamu na Yafeeti, zaakurataine, obu baazaara batabani baabo, omwegyemure guherize kuhwaho.
2Aba nibo batabani ba Yafeeti: Gomeri, Magoogi, Madai, Yavani, Tubali, Mesheki, na Tirasi. 3Batabani ba Gomeri ni Ashekenaazi, Rifati, na Togarima. 4Batabani ba Yavani ni: Elisha, Tarushiishi, Kitimu, na Dodanimu. 5Abo nibo baakomookirweho abantu abaabugire ensi z'aha rubaju rw'enyanja. Kandi abo nibo beene Yafeeti omu nsi zaabo buri omwe nk'oku orurimi rwe ruri omu miryango yaabo n'omu mahanga gaabo.
6Aba nibo batabani ba Haamu: Kuushi, Misiraimu, Puuti, na Kanaani. 7Batabani ba Kuushi ni: Sheeba, Havila, Sabitahi, Raamahi na Sabiteka. Batabani ba Raamahi ni: Sheeba na Dedani. 8Reero Kuushi akazaara Nimuroodi. Nimuroodi ogwo niwe yaabandize kuba emanzi omu nsi. 9Akaba ari omuhiigi emanzi orikuhwerwa Nyakubaho. Nikyo kigambirwa kiti: Ninka Nimuroodi omuhiigi emanzi ohwerwa Nyakubaho. 10Endembo ezaabandize kubarirwa omu bugabe bwe ni Babeeli na Ereki na Akadi; zoona zikaba ziri ez'omu nsi ya Shinaari. 11Ku yaarugire omuri egyo nsi, yaaza Asiriya, yaayombekayo Nineeve, Rehoboti-Iri, Kalahi na 12Reseni, ahagati ya Nineeve na Kalahi, orurembo oruhango. 13Misiraimu akazaara abantu b'omu nsi ezi: Luudi, Anamimu, Lehaabi, Nafutuhimu, 14Paturuusi, Kasulahimu, (eyaakomookirwemu Abafilisiti), na Kafutoori.
15Kanaani we akazaara Sidoni omujigaijo, na Heeti, 16n'Abayebusi, Abaamori, Abagirigaashi, 17Abahiivi, Abaaruki, Abasiini, 18Abarivaadi, Abazemari n'Abahaamati. Bwanyima emiryango y'Abanyakanaani yaabuga hoona. 19Kandi ensi y'Abanyakanaani ekaba eiha Sidoni egarura Gerari, ehika Gaaza; Kandi egyema ogurikutoora Sodoma, Gomora, Adama na Zeboimu, ehika Lasha. 20Abo nibo beene Haamu nk'emiryango yaabo n'endimi zaabo n'ensi zaabo n'amahanga gaabo oku byabaire biri.
21Sheemu mukuru wa Yafeeti, kandi ishenkuru wa beene Eberi, nawe akazaara abaana. 22Aba nibo batabani ba Sheemu: Elamu, Ashuri, Arifakisaadi, Luudi na Aramu. 23Batabani ba Aramu ni: Uuzi, Huulu, Geteri na Maashi. 24Arifakisaadi akazaara Sheela, na Sheela yaazaara Eberi. 25Eberi ogwo akazaara abatabani babiri: omwe akaba naayetwa Pelegi, ahabw'okuba omu biro bye nibwo ab'omu nsi baabaganisibwamu; kandi omurumuna akaba naayetwa Yokitaani. 26Yokitaani ogwo akazaara Alumodadi, Shelefu, Hazarimaave, Yeera, 27Hadoraamu, Uzali, Dikila, 28Obali, Abimaeli, Sheeba, 29Ofiri, Havila na Yobabu. Abo boona bakaba bari batabani ba Yokitaani. 30Ensi ei baabaire batwiremu ekaba neiha Meesha, egarura Sefari, ehika omu nsi y'ebibungo eya burugwa-izooba. 31Abo nibo beene Sheemu nk'oku emiryango yaabo n'endimi zaabo n'ensi zaabo n'amahanga gaabo byabaire biri.
32Egyo niyo yaabaire eri emiryango ya beene Noa nk'enzaaro zaabo oku zaakurataine omu mahanga gaabo. Kandi nibo baakomookirweho amahanga agaabugire hoona omu nsi, omwegyemure guherize kubaho.
Omunaara gwa Babeeli
Currently Selected:
Kut 10: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.
