Bar 5
5
1Iwe Yerusalemu, juura ekijwaro ky'enaku zaawe
n'okubonabonesibwa kwawe,
ogume ojwaire oburungi bw'ekitiinwa ekirugire ahari Ruhanga.
2Jwara bushuuti y'okuhikiirira okurugire ahari Ruhanga,
ojware omu mutwe ekirunga ky'ekitiinwa ky'Otahwaho.
3Manya Ruhanga naija kworeka okwizihirwa
kwawe ahansi y'eiguru hoona.
4Eiziina ryawe, Ruhanga aryaguma akwete:
“Busingye bw'okuhikiirira” na “Kitiinwa ky'okutiina Ruhanga.”.
5Iwe Yerusalemu, imuka oyemerere ahatunguukire,
onagye amaisho oburugwa-izooba, haza oreebe abaana baawe bateeraine
nibaruga oburengyerwa-izooba n'oburugwa-izooba
ahabw'okuragiirwa Nyakwera, nibeesiima ahabw'okuba Ruhanga abaijukire.
6Manya bakakurugaho nibagyendesa ebigyere, batwairwe abazigu baabo;
kwonka Ruhanga naija kubakugarurira baheekirwe n'ekitiinwa nk'abanyiginya
7Ahabw'okuba Ruhanga akaragiira,
ngu orushozi rwona oruraingwa n'ebibungo ebituuraho bibandikwe,
empanga ziijuzibwe, ahansi haringaanizibwe,
Isiraeli ebone kugyenda buhooro erinzirwe Ruhanga ow'ekitiinwa.
8Ebibira n'ebiti by'omugaju byona
bisangiire Isiraeli ahabw'okuragiira kwa Ruhanga.
9Ahabw'okuba Ruhanga aryayebembera Isiraeli eshemereirwe,
neemurikirwa ekitiinwa kye,
agishendekyerezese embabazi ze n'okuhikiirira kwe.
Ebaruha ya Yeremiya
Currently Selected:
Bar 5: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.