Bar 2
2
1N'ahabw'ekyo Mukama akahamya ekigambo kye, eki yaagambire naatuteisa, itwe n'abaramuzi baitu abaabaire nibaramura Isiraeli, n'abagabe baitu n'abanyiginya n'abantu ba Isiraeli n'Abayuda. 2Eki yaakozire omuri Yerusalemu tikikakorwaga ahansi y'eiguru, nk'oku kihandiikirwe omu iteeka rya Musa, 3ngu itwe turi ab'okurya enyama y'omubiri gw'abaana baitu, omwe kurya omutabani n'ondi kurya omuhara we. 4Kandi yaabahayo kutegyekwa abagabe boona abatwehinguririize, kuba ab'okujumwa n'okwetantarwa amahanga agu bahereraine nago, agu Mukama yaabataataanisiizemu; 5bakagarurwa ahansi tibaatunguurwa, ahabw'okuba tukacumura ahari Mukama Ruhanga waitu, tutarikweta ha bi yaatugambiire.
6Kuhikiirira n'okwa Mukama Ruhanga waitu, kwonka itwe okwiha ahari baatatenkuriitwe n'okuhitsya eri izooba, tutuura nitwitwa enshoni. 7Akagwe koona aku Mukama yaatuhayiire katugwereire 8Haza obwo titukeeshengyereize Mukama kutugirira esaasi, buri omwe omuriitwe akareka ebiteekateeko by'omu mutima gwe omubi. 9Nikyo Mukama agumiizeho ako kagwe keeteekateekire, akakatugwisiza, ahabw'okuba aba ohikiriire kandi atuzimuurira nk'oku tutwaza ebi yaaturagiire. 10Kwonka titukozire bi yaatugambiire, kukuratira ebiragiro bye.
Okushaba kw'Abayudaaya ba Babulooni
11Mbwenu, ai Mukama Ruhanga wa Isiraeli, owaihire abantu baawe Misiri n'omukono gw'amaani n'obumanyiso n'eby'okutangaaza n'obushoboorozi bwingi n'omukono gubangire, okeetungira eiziina eririkurangaanwa n'eri izooba. 12Kwonka itwe tusiisire, twaba abatarikukutiina, ai Mukama Ruhanga waitu, twahenda ebiragiro byawe byona. 13Nitukweshengyereza, orereere kutugirira ekiniga, ahabw'okuba tutsigaire mbarwa abataine ku bari omu mahanga agu waatutaataanisiizemu. 14Ai Mukama, hurira okushaba kwaitu n'okweshengyereza kwaitu, ahabwawe otukize, otugirire embabazi, abaatuzaahize bakireebe; 15ensi yoona ebone kumanya ku ori Mukama Ruhanga waitu, ahabw'okuba Isiraeli n'abaijukuru beetererwa eiziina ryawe. 16Ai Mukama, ranzya ahansi nooyema omu Mwanya gwawe Ogurikwera ogu otuuramu, otuteekateekyeho. Ai Mukama, tega okutu ohurire. 17Ai Mukama, buuruura amaisho gaawe oreebe! Manya abaafiire abari okuzimu, abu omwitsyo gwarugire omu mibiri yaabo, tibahaisa Mukama kitiinwa, nobu kwakuba okumuhimbisa. 18Kwonka omuntu oine enaku nyingi, ogyenda akondogoize, ataine maani, amaisho ge garembire, aine enjara, niwe arikuhaisa ekitiinwa akakuhimbisa. 19Manya, ai Mukama Ruhanga waitu, titurikukushaba kutugirira embabazi ahabw'ebirungi ebi baatatenkuriitwe baakozire, nari ebyakozirwe abagabe baitu. 20Manya otwoherereize ekiniga kyawe na kashanga yaawe, nk'oku waakigambiise abaheereza baawe abarangi, obu baagira bati: 21Oku nikwo Mukama arikugamba ati: Mwinikye ebitsya, mwikirize kutegyekwa omugabe wa Babulooni; nibwo muriguma omu nsi ei naahaire baashwenkuriimwe. 22Kwonka ku muriba mutoorobeire ebi Mukama arikubagambira, mutaaheereza mugabe wa Babulooni, 23ndyahunamya amaraka g'abarikwesiima n'abarikushemererwa, mpunamye amaraka ga baakishwera n'aga baakishwerwa, ngamare omu ndembo za Yuda n'omu byanga ebyehinguririize Yerusalemu, ensi yoona ebe amatongo etaine bagitwiremu. 24Kwonka titurakozire bi waatugambiire, kuheereza omugabe wa Babulooni; ahabw'okuba okahamya ebi waagambire, ebi waagambiise abaheereza baawe abarangi, ku amagufa g'abagabe baitu n'aga baatatenkuriitwe gariziikuurwa omu bituuro byabo. 25Mbwenu reeba, ganagirwe aheeru, nyomushana nigaitwa empiita, nyekiro gaitwa omurombe. Bakafa baine obusaasi bwingi, baitwa enjara na rurara n'orufu; 26enju erikwetererwa eiziina ryawe waagigira nk'oku eri hati, ahabw'ebibi by'enju ya Isiraeli n'eby'eya Yuda.
27Kwonka, ai Mukama Ruhanga waitu, ahabw'embabazi zaawe nyingi n'ahabw'esaasi yaawe empango, 28okatutwaza nk'oku waagambiise omuheereza waawe Musa, aha izooba eri waamuragiriireho kuhandiika eiteeka ryawe, Abaisiraeli bateeraniireho, oti: 29Ku muriba mutakozire ebi ndikubagambira, egi nyanja mpango y'abantu eryahindurwa, ebe ey'abakye mbarwa omu mahanga agu ndibataataanisizamu; 30haza nimmanya ku batariinyorobera, ahabw'okuba n'eihanga ry'abantu b'emitima egangaire. Kwonka omu nsi ei barizaahiramu, baryayegarukamu 31bamanye ku ndi Mukama Ruhanga waabo. Ndyabaha omutima gworobi, n'amatu garikuhurira; 32bampimbisize omu nsi ei bazaahiiremu, baijukye eiziina ryangye; 33kandi baryayeteisa obugangaazi bwabo n'emicwe yaabo emibi, 34ahabw'okuba baryaijuka oku baishenkurubo baasiisiire Mukama, barugye omubibi byabo. Ndyabagarura omu nsi ei naarahiriire Aburahamu, Isaaka na Yakobo, bagitegyekye; kandi ndyabakanyisa, barekye kutuubibwa. 35Ndyakora nabo endagaano etarihwaho, mbe Ruhanga waabo, nabo babe abantu bangye. Haza tindiiha bundi bantu bangye Abaisiraeli omu nsi i naabahaire.
Currently Selected:
Bar 2: RKK2008
Highlight
Share
Copy
Want to have your highlights saved across all your devices? Sign up or sign in
The Bible with Apocrypha in Runyankore-Rukiga, new revised joint translation © The Bible Society of Uganda, 2008.