S. Matiu 25
25
1Ba arianna mangeyana maligamane alo sungutu mukhu fu, nakhe lampune tongo, anun e siga nyakhalla kanna ralande.
2Anun sulu e yei ne dakhukhi, anun bode sulu kotakhi.
3Katugu a dakhukhine e e lampune tongo dema, e mu ture o khali e yi:
4Kono a kotakhine ture inde khali e sasene kwi anun e lampune.
5Ba nyakhalla kanna to madigankhi, e dama kinsan folo anun e khi.
6Kono kwe tagi ni ko rabira, na nyakhalla kanna mato! e mini a ralande.
7Ba ne sungutune birin kelikhi, anun e e lampune iton.
8Anun a dakhukhine a fala a kotakhine kha e ture inde fi unkhu ma; katugu unkhua lampune tuma na ra.
9Kono a kotakhine yabikhi, e nakha, yanyina inde a mu fa en dama ilie kode, e siga nakhi a sara mukhune khon, anun inde sara e nyete kha.
10Anun e to sigakhi a sarade, nyakhalla kanna fa; anun nakhe itonkhi so a fokhora na nyakhallan ti sumu ni: anun dena ragallikhi.
11Na khambi sungutu bone fan fa ne, e nakha, Marigi, Marigi, na rabi unkhu kha.
12Kono a yabikhi a nakha, nyondi in a fala e kha, intan mu sa e kolon ne.
13Nanara e nyokhon lu, katugu e mu na lokhona hama na wakatina kolon.
14Katugu a lukhi ne alo khemena inde na siga bokho gbete, a a gbe konyine khilli, anun a a nafule so e yi;
15Anun a talanta sulu so keden yi, bona fidin, bona keden; a birin bere so a yi; anun a siga a sigati ni.
16Anun nanunnai nakhan talanta sulu rasukhu siga a sa safari ke a ra, anun a talanta sulu gbete soto.
17Anun nakhan fan fidin nasukhu a liga na ki ni anun a fidin gbete soto a khuntonona.
18Kono atan nakhan keden soto a siga a sa bokhona ge, anun a a marigi wurena lukhun na.
19Anun yanyi rakwie khambi na konyine e Marigi fa, anun e fa yireke.
20Anun nakhan talanta sulu nasukhu fa a nyokhon talanta sulu na, a nakha, Marigi i talanta sulu nan sokhi intan yi: a mato, in bata talanta sulu gbete soto khuntonona.
21A marigi a falakhi a kha, a lankhi, konyi fanyi nun a tinkhinna: i bata i tinkhin se wori di khun ma, in i dokho ma se wodime khun ma: so ia marigi a nyakhan ni.
22Anun atan fan nakhan talanta fidin nasukhu fakhi anun a nakha, Marigi i talanta fidin sokhi in yi: a mato in bata talanta fidin khuntonona soto.
23A marigi a fala a kha, a lankhi, konyi fanyi nun a tinkhinna; i bata i tinkhin se wori di khun ma, in i dokhoma se wodime khun ma: so ia marigi a nyakhan ni.
24Anun atan fan nakhan talanta keden nasukhu fakhi anun a nakha, Marigi intan i kolon ia fe rakhollo ne, i a khabama i mu se bi de nakhai, anun i a malanma i ma rayensen de nakhai:
25Anun in yi ghakhukhi, anun in siga in sa ia talanta lukhun bokho ni: a mato, atan nan ito ra a rasukhu.
26Kono a marigi a yabikhi a fala a kha, itan konyi ki nyakhi nun khun khikhina, i a kolon intan se khabama in mu a bi de nakhai, anun in a khunlanma in ma a rayensen de nakhai;
27I yi ma wurena dokhoma nafula malan de ni, anun in famana in yi in gbena nun a khunmasana sote.
28Ba e atan talanta tongo a yi, anun e a so talanta fu kanna yi.
29Katugu nakhan‐o‐nakhan a soto a fie na nan ma, anun a a gbegbe sotomane: kono nakhan ma a soto, hali nakhan a yi na tongomane.
30Anun e atan fufafu konyina rawoli tande dimi ni: wuga nun nyinna khinna sa na ni.
31Kono na munadabaden di khemena fama dema a dalaya ni, anun malekane dama a fokhora, na yanyi a dokhomane a dalaya mange dokhose fari.
32Anun siya birin malanmane a yetagi: anun a e fatamane e bode ra, alo yekhemadonna yekhene fatama sine ra ki nakhai:
33Anun a yekhene sama a yi fanna ma, kono sine a komena ma.
34Na yanyi mange fa falama e kha nakhe a yifanna ma, in Fafe a duba dine, e fa, e kha e mangeya rasukhu nakhan itonkhi e yera khabi dunia folona.
35Katugu in yi khamekhi, anun e yi donse fi in ma: min kholli yi in ma, anun e yi yige fi in ma: khonye nan yi in na, anun e in yigiya;
36Maraberi yi in ma, anun e in ma maraberi ba; in yi furakhi, anun e sa in khonton: in yi gelli, anun e siga in khon.
37Na yanyi a tikhinne, a yabimane, e nakha, Marigi, unkhu, i kamekhina to nan yanyi anun unkhu donse fi i ma? hama i min khollito, anun unkhu yige fi i ma?
38Anun unkhu i khonyeto to nan yanyi, anun unkhu, i yigiya? hama i maraberikhi anun unkhu i maraberi ba?
39Anun unkhu i furakhina to, nan yanyi, hama i gelli, anun unkhu siga i khon?
40Anun na mangena a yabimane anun a a falama e kha, nyondi in a fala e kha, damantan e a ligakhi in barinne itoe keden kha, hali a khunkhuri itoe, e a ligakhi intan nan kha.
41Na yanyi a fa falama e kha nakhe a komena ma, e keli in fema, etan dangakhine, e siga na tetutare ni nakhan itonkhi setani nun a malekane kha:
42Katugu in yi khamekhi, anun e mi donse fi in ma: min kholli in ma, anun e mi yige fi in ma:
43Khonye nan yi in na, anun e mu in yigiya; in maraberikhi, anun e mi in maraberi ba: in furakhi, anun in yi gelli, anun e mi siga in khon.
44Na yanyi e fan a yabimane, e nakha, Marigi, unkhu i khamekhina to nan yanyi, hama i khonyeto, hama i maraberito, hama i fureto, hama i gelli, anun unkhu mi fe raba i kha.
45Na yanyi a e yabimane, a nakha, nyondi in a fala e kha, damantan i ma a ligakhi a khunkhuri itoe keden kha, e ma a ligakhi intan kha.
46Anun itoe sigamane nyenin nyantare ni: kono a tinkhinne si nyantare ni.
Currently Selected:
S. Matiu 25: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.
