S. Matiu 14
14
1Na yanyi Herodi tetraki Yisa a kibari me.
2Anun a a falakhi a tondine kha, Yohani Baptisi nan ito ra; a bata kulunyai; nanara sembe itoe a yi.
3Katugu Herodi bata yi Yohani sukhu, anun a a khidikhi, anun a a raso gelli hake Herodia a fera, a khunya Filipi a nyakhalla.
4Katugu Yohani a fala a kha, a mu ton ni a kha lu i kha.
5Anun a yi a fakhama yanyi nakhai, a ghakhu na setena yera, katugu e kolon onabi na ra.
6Kono Herodi a bari lokho li dema, Herodia a di temena farena bodon e tagi, anun na Herodi kenen.
7Na nan a toe a layiri a kha anun a kere tongo, a na a makhodin sese ra a a fie a ma.
8Anun atan temena, a nga to a radin, a nakha, Yohani Baptisi a khuna fi in ma be bola kwi.
9Anun atan mangena kininkininkhi; kono a kerena fera anun nakhe dokhi a fema se don de ni, a yamari ne e kha a fi a ma;
10Anun a fa nyungu, anun e Yohani khunna sege a dei gelli.
11Anun e a khunna rafa bola kwi, anun e a so na temena yi: anun a a khali a nga yera.
12Anun a kharandine fa, anun e a bimbina tongo, e sa a malukhun; anun e sa a fala Yisa kha.
13Yisa na me dema, a keli na a godo kunki ni, a siga khun madundu yire ni: anun na sete na me dema, e mini taine e bira a fokhora khareya ni.
14Anun a mini na ra, anun a sete gbe tokhi, anun a kininkininkhi e ma, anun a e furetone iyelan.
15Anun nyimbare so dema, na kharandine fakhi a khon, e nakha, yire madundun nan ito ra, anun kwe bata so; i kha sete ito yiba, e kha siga bankhidene ra donse sarade e nyete kha.
16Kono Yisa a fala e kha, e na ma siga; e donse fi e ma.
17Anun e a falakhi a kha, tami mondo sulu nun yekhe fidin pe nan unkhu yi be.
18Anun a nakha, e fa e ra in fema be.
19Anun a na setene yamari e kha digan sekhe ni; anun a na tami mondo sulu tongo, anun na yekhe fidin, anun a a yena te kwie, a duba, anun a e igira anun a na tamine so a kharandine yi, anun na kharandine e so na setene yi.
20Anun e birin a don, anun e lugo: anun e e dungine malan nakhe lukhi, debe fu nun fidin nafekhi.
21Anun nakhe a don kheme mukhu wul sulu nyokhon, nyakhalle nun didine bai.
22Anun nanunnai a na kharandine karahan e kha godo kunki ni, e kha gidi a yera a kidima, ha a kha na setene yiba.
23Anun a na setene yiba khambi, a te na geaina salide ni a keden: anun nyimbari so dema, atan keden nan na.
24Kono na kunki yi bha wula nan tagi iki, a nyakhankhatakhi morone khon; katugu foyena e rakhatema khambi na.
25Anun subakhana ma a fakhi e khon, a sigana tima bha wulana khun ma.
26Anun na kharandine e a to dema siganatima bha wulana khun ma, e ghakhukhi e nakha, tokhofona nan a ra; anun e gbelegbelekhi ne hake ghakhuna.
27Kono nanunnai Yisa falanati e kha, a nakha, e nyakhan ne; intan na a ra; e na ma ghakhu.
28Anun Petri a yabikhi anun a nakha, Marigi, kha itan na a ra, in khilli in kha siga i khon yigena khun ma.
29Anun a nakha, fa. Anun Petri keli kunkina kwi a godo, anun a sigana ti yigena khun ma, sigade Yisa khon.
30Kono a foyena to dema, a ghakhukhi; anun a to godo folo, a a khwi rate, a nakha, Marigi, in nakisi.
31Anun nanunnai Yisa a yina ibandun, anun a a radakhunyai, anun a fala a kha, itan denkeleya khuri kanna, i kwi ifukhi nan fera?
32Anun e khatekhi dema kunkina kwi, foyena dokho.
33Anun nakhe yi na kunkina kwi e e khimbisin, a yera, e nakha, nyondi yati ALLA a DI nan i ra.
34Anun e gidi dema a kidima, e fakhi Genesareti bokho ni.
35Anun nai kanne a kolon dema, e kherana rasiga na bokho dama ma, anun e fa e furetone dama khale a khon;
36Anun e a mafan alogo e kha e yi din a doma de khon gbansan: Anun nakhan‐o‐nakhan na a din e iyelan ne.
Currently Selected:
S. Matiu 14: YAL
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1907.
