Sélimɛ 36

Ezawu narigɛ wori dè

1 Ezawu ŋáà pe 'ye Edɔmi wè, wire nɛ́ wi pìile siɛnrɛ dī dàa dè. 2Ezawu yé Kanaa cɛlilɛ pálì líɛ. Pe 'wàa ye Ada, Elɔn póri wè, Elɔn ŋáà wi 'puu Etiyé wuu, níɛ wàa ye Wolibama, Ana póri wè, wire ŋáà wi tuu Sibeyɔn wi 'puu Eviyé wuu, 3nɛ wàa ye Basimati, Simayira póri wè nɛ́ ní Nɛbayɔti cɔni wè. 4A Ada 'Elifazi sii Ezawu mɛ́, a Basimati wire 'Erewuyɛli sii wi mɛ́. 5A Wolibama wire 'Yewusi sii, nɛ́ Yawelami ní, nɛ́ Kora sii Ezawu mɛ́ wè. Bàli peli bīɛlɛ Ezawu jaala bèle, bàli wi 'sii Kanaa kùlo mɛ́ lè.

6A Ezawu 'wi cɛlilɛ líɛ bèle, nɛ́ wi jaala ní bèle, nɛ́ wi pórilo ní bèle, nɛ́ wi saʔa siɛnnɛ pe mìɛni ní, nɛ́ wi yajuuro ti mìɛni ní, nɛ̀ fàri wi lɔri ti mìɛni nɛ̄ dàa wi yé taa Kanaa kùlo nī lè, a wi 'yɛ̀ nɛ̀ yiri nɛ̀ kɛ́ liilige kùlo láà niiyɛ mɛ́ nɛ̀ núgo wi cɔni Yakuba táanni wè. 7Nɛ́ ki cɛ́n pe lɔri ti yé niʔɛ nɛ̀ cáanri; piyè cî ní gbɛ̀ kò tiʔɛ nugo nīʔ. Tɛ́nimɛ báà nī pe 'puu bèle, ki tiʔɛ ki yé cɛ́ri pe nī, nɛ́ ki cɛ́n pe yajuuro ti yé niʔɛ nɛ̀ cáanri. 8Bà ki 'kpíʔile a Ezawu 'yɛ̀ nɛ̀ sɛ́nì tɛ́ni Seyiiri nyaguruyo nɛ̄ yè. Ezawu wire míɛni pe 'puu nɛ yeri Edɔmi wè.

Ezawu pìile tùlugo gè

9 Ezawu pìile tùlugo kire gī gàa gè, wire ŋáà wi 'puu Edɔmiyé tuuliʔɛ gè, peli bálì pe 'puu tɛ́ninɛ Seyiiri nyaguruyo nɛ̄ yè. 10Ezawu jaala pe míɛyɛ yire yī nyàa yè: Elifazi, Ezawu cuɔ Ada jaa wè; nɛ́ Erewuyɛli, Ezawu cuɔ Basimati jaa wè.

11Elifazi jaala peli pe 'puu bàli bèle: Temani, Womari, Sefo, Gayetami, nɛ́ Kenazi. 12Cɛliwɛ wáà míɛni 'puu Ezawu jaa Elifazi mɛ́ wè, pe 'wi ye Timina. A wire míɛni 'Amalɛki sii wi mɛ́. Bàli peli bīɛlɛ Ezawu jaala pìile bèle, wire nɛ́ wi cuɔ Ada ní wè.

13Erewuyɛli jaala peli pe 'puu bàli bèle: Naʔati, Zera, Sama, nɛ́ Miiza. Bàli peli bīɛlɛ Ezawu jaala pìile bèle, wire nɛ́ wi cuɔ Basimati ní wè.

14Wolibama wire míɛni yé puu Ezawu cuɔ. Wi 'puu Ana póri wè, Ana ŋáà wi 'puu Sibeyɔn póri wè. Wire jaala bīɛlɛ bàli bèle: Yewusi, Yawelami, nɛ́ Kora.

15Ezawu narigɛ ki kàfɔlilɔ peli bīɛlɛ bàli bèle. Elifazi, wire ŋáà wī Ezawu jaaliɛwɛ wè, wi narigɛ ki kàfɔlilɔ peli pe 'puu Temani, Womari, Sefo, Kenazi, 16Kora, Gayetami, nɛ́ Amalɛki. Peli bīɛlɛ pe 'puu Elifazi narigɛ ki kàfɔlilɔ bèle, Elifazi ŋáà wi 'puu Ada jaa wè, Edɔmi kùlo nī lè. 17Erewuyɛli, Ezawu jaa wè, wi narigɛ ki kàfɔlilɔ peli pe 'puu Naʔati, Zera, Sama, Miiza. Peli bīɛlɛ pe 'puu Erewuyɛli narigɛ ki kàfɔlilɔ bèle, Erewuyɛli ŋáà wi 'puu Basimati nɛ́ Ezawu jaa wè, Edɔmi kùlo nī lè. 18Wolibama, Ezawu cuɔ wè, wi jaala peli narigɛ ki kàfɔlilɔ peli pe 'puu Yewusi, Yawelami, nɛ́ Kora. Peli bīɛlɛ pe 'puu Ezawu nɛ́ Wolibama pe jaala narigɛ ki kàfɔlilɔ bèle. Wolibama wire wi 'puu Ana póri wè. 19Bàli pe mìɛni peli pe 'puu Ezawu jaala bèle, Ezawu ŋáà pe puu nɛ yeri Edɔmi wè. Peli pe 'puu wi narigɛ ki kàfɔlilɔ bèle.

Seyiiri pìile tùlugo gè

20Seyiiri pìile tùlugo kire gī gàa gè, peli bálì pe 'puu kùlo ni siɛnpelile bèle. Seyiiri wire yé puu Woriyé wuu. Seyiiri jaala pe míɛyɛ yire yī nyàa yè: Lotan, Sobali, Sibeyɔn, Ana, 21Disɔn, Ɛtisɛri, nɛ́ Disan. Bàli peli pe 'puu Wori siɛnnɛ narigɛ ki kàfɔlilɔ bèle. Wori siɛnnɛ peli pe 'puu Seyiiri siimɛ bè, Edɔmi kùlo nī lè. 22Lotan jaala peli pe 'puu bàli bèle: Wori nɛ́ Emami. Lotan wi juɔ wi 'puu Timina. 23Sobali jaala peli pe 'puu bàli bèle: Aliban, Manati, Ebali, Sefo, nɛ́ Wonami. 24Sibeyɔn pìile peli pe 'puu bàli bèle: Aya nɛ́ Ana. Kire Ana wire wī sɛ́nì lafugo pìndiʔɛlɛ nyaa gèle waama kùlo nī lè, bà wi 'puu nɛ wi tuu Sibeyɔn sèfɛngɛlɛ nári gèle. 25Ana pìile peli pe 'puu bàli bèle: Disɔn, nɛ́ Wolibama, wire ŋáà wi 'puu Ana póri wè. 26Disɔn jaala peli pe 'puu bàli bèle: Ɛmidan, Ɛsiban, Yitiran nɛ́ Kɛran. 27Ɛtisɛri jaala peli pe 'puu bàli bèle: Bilan, Zaavan, nɛ́ Akan. 28Disan jaala peli pe 'puu bàli bèle: Usi nɛ́ Aran. 29Wori siɛnnɛ pe kàfɔlilɔ peli pe 'puu Lotan, Sobali, Sibeyɔn, Ana, 30Disɔn, Ɛtisɛri, nɛ́ Disan. Bàli peli bīɛlɛ Wori siɛnnɛ kàfɔlilɔ bèle nɛ̀ yɛli nɛ́ pe saʔala ní gèle, Seyiiri kùlo nī lè.

Edɔmi kùlofɔlilɔ wori dè

31Kùlofɔlilɔ bálì peli pe 'tɛ́ni Edɔmi kùlo nī lè sɛ́ni Isirayɛli siɛnnɛ pe 'kùlofɔlilɔ taa wè.

32Bela wè, Beyɔri jaa wè, wire wi 'puu Edɔmi kùlo ni kùlofɔli wè. Wi kàʔa ki míʔɛ kire ki 'puu Dinaba wè. 33A Bela pɛ́nì kùu, a Yobabi, Zera jaa wè ŋàa wi 'kɔ́n Bɔsira kàʔa mɛ́ gè, a wire 'tɛ́ni fànʔa nɛ̄ gè wi sìndiʔɛ nī gè. 34A Yobabi pɛ́nì kùu, Usami ŋáà wi 'kɔ́n Temaniyé kùlo mɛ́ lè, a wire 'tɛ́ni fànʔa nɛ̄ gè wi sìndiʔɛ nī gè. 35A Usami pɛ́nì kùu, a Adadi, Bedadi jaa wè, wire 'tɛ́ni fànʔa nɛ̄ gè wi sìndiʔɛ nī gè. A wire 'kapiɛnnɛ kpúɔn lè nɛ̀ Madiyan siɛnnɛ jáa bèle Mowabi kùlo nī lè. Wi kàʔa ki míʔɛ kire ki 'puu Aviti wè. 36A Adadi pɛ́nì kùu, a Samila ŋáà wi 'puu Masireka kùlo wuu wè, a wire 'tɛ́ni fànʔa nɛ̄ gè wi sìndiʔɛ nī gè. 37A Samila pɛ́nì kùu, Sawuli ŋáà wi 'kɔ́n Erewɔbɔti Cáʔa Táanni gè, a wire 'tɛ́ni fànʔa nɛ̄ gè wi sìndiʔɛ nī gè. 38A Sawuli pɛ́nì kùu, Baali Ana, Akibɔri jaa wè, a wire 'tɛ́ni fànʔa nɛ̄ gè wi sìndiʔɛ nī gè. 39A Baali Ana, Akibɔri jaa wè, a wire pɛ́nì kùu, a Adari 'tɛ́ni fànʔa nɛ̄ gè wi sìndiʔɛ nī gè. Wi kàʔa míʔɛ ki 'puu Pawu. Wi cuɔ míʔɛ ki yé puu Mɛyɛtabeyɛli; wi yé puu Matirɛdi póri, wire ŋáà wi 'puu Mɛzaʔabi póri wè.

40 Ezawu siɛnnɛ pe kàfɔlilɔ pe míɛyɛ yire yī nyàa yè, nɛ̀ yɛli nɛ́ pe nariyɛ ní yè nɛ́ pe tɛ́nidiɛyɛ ní yè, pe míɛyɛ yire yī: Timina, Aliva, Yetɛti, 41Wolibama, Ela, Pinɔ, 42Kenazi, Temani, Mivizari, 43Magidiyɛli, nɛ́ Irami. Bàli peli bīɛlɛ Edɔmi siɛnnɛ kàfɔlilɔ bèle, nɛ̀ yɛli nɛ́ pe tɛ́nidiɛyɛ ní yè nɛ́ kùlo náà ni 'puu pe woli lè. Ezawu siɛnnɛ peli bīɛlɛ bàli bèle; wire wi yé puu Edɔmi siɛnnɛ pe tuuliʔɛ gè.

Currently Selected:

Sélimɛ 36: sev

Highlight

Copy