Za 7

Baanë bë nguli bë Yeesu bësye n'teelë maanë ko

1Kwamani ofo, Yeesu wusë ke yendaangë bwendi libweeti li Ngalilee, naandi wusye zolë kuve kweendë i kuvutukënë ku Zudee, cibilë sifumu si Sizwiifë bëlëtoombaangë kun'voondë. 2N'saangu Sizwiifë, wu binzwananë#7.2 N'saangu binzwananë: yabë n'saangu Sizwiifë, yilëzingaangë lumiingu lun'viipë. Bëlëvyosyaangë yaawu ntetë cisifu kutuukë yilëfwanëkënaangë yi n'saangu yi kuvelilë. Cyaawu cilë tebulë moonyi bilumbu bi likaandë li Islayeelë mu ntaandu ciyumi. Bilumbu byakë byooso bin'saangu baawu bëlëzingilaangë mu binzwananë. Yelusaleemë yicitukë livulë li misaangu. Lev 23.34-36; Det 16.13. wabë wabelëmë 3i banë yaandi bë nguli bisë tubë : « Botukë afa i yeendë ku Zudee, bwiinji bilaanzi byaaku yivaandi bëmonë bisalu binë wulë mu kuvaangë. 4Muutu ve wun'vaangë lin'viipë liswaamë ningë ti naandi wun'toombë kuzabëkënë. Cibilë njeeyi wumunë kuvaangë bisalu bi mpilë oyo, siilë boobo bwiinji bakë booso bëkuzaabë. » 5Licyelikë, banë yaandi bë nguli yivaandi bësye n'teelë maanë ko. 6Yeesu wusë bëkaambë : « Ntaangwaami yibuunu kufwaanë. Mu beeno, yosuku ntaangu yi mboti. 7Buloongo kupodi ve kululeendë, kasi miinu bëlë mu kun'deendë, cibilë miinu yilë mu kusisiminë ti mëvaangë maawu mëbi. » 8Yendaanu beeno ku n'saangu. Miinu yisë n'kwendë ku n'saangu be woowo ko, cibilë ntaangwaami yibuunu kufwaanë. 9Bunë kwamani kutubë mamoomo, Yeesu wusë syaalë ku Ngalilee.

Yeesu ku n'saangu binzwananë

10Bunë banë yaandi bë nguli bëyeendë ku n'saangu, Yeesu yivaandi wuyendë kwaawu ku mëswamunu, kasi naandi wusye yileesi ko. 11Kwaawu, sifumu si Sizwiifë bëlën'toombaangë ku n'saangu#7.11 7.2. i bisë kufulë : « Naandi kuni kukeelye? » 12Munë nkoongë, mpaapë baatu bëlë ke findënaangë mpakë mu cibilë cyaandi. Bëmesë baati : « Naandi muutu wumboti », bën'ka : « Naandyoowo wun'vukumunë baatu. » 13Kasi muutu ve wulëtubilaangë mu lizinë lyaandi fë ciyalëlë, cibilë bakë booso babë yi boomë bë Sizwiifë.

14N'saangu wabë fë meeyi, bunë Yeesu kuyendë ku n'zo-Nzaambi i wusë ba mu kuloongë. 15Sizwiifë bëtulumukë i bisë tubë : « Kwisilë buni muutu awu, mu kuzaabë makë mooso omo naandi ti sye sinu kuve#7.15 Mat 13.54; Lik 2.47.? »

16Yeesu wusë bëvutulilë : « Nsinunwaami yisye fuminë ke miveekë ko, kasi kuke Nzaambi wunë wukun'filë. 17Ningë muutu wuzolisi kuvaangë n'vwiilu Nzaambi, naandi wun'zaabë ningë nsinunwaami yifuminë kuke Nzaambi kaambofo ke miinu. 18Muutu wunë wun'tubilaangë mu naveekë, wutoombaangë bumpumu bwaandi. Kasi muutu wunë wun'salilaangë mu bumpumu bu wunë wukun'filë, naandyoowo wun'tubaangë cyelikë i libi vo mu naandi. 19Moyiizë wusye luvaanë n'kaakë kwe? Akasi wun'viipë ve mu beeno wun'cinzikë waawu. Cibilë-mbici beeno lun'toombë kum'poondee? » 20Nkoongë baatu yisë n'vutulilë : « Njeeyi wuvwaatu ke ciluunzi cibi! Nani wun'toombë kukuvoondë? »

21Yeesu wusë bëvutulilë : « Miinu yavaangë cisalu cyo cimweekë kwaandi i beeno booso lwabwa libobo! 22Moyiizë wuluvaanë n'swa mu kubukë bubakëlë – cyelikë, n'swa be woowo sye fuminë ko ke Moyiizë, kasi ke sinkaakë siinu#7.22 Lev 12.3; Ntn 17.10-13. – beeno luvitikë mu kubukë bubakëlë mu cilumbu ci saba. 23Ningë beeno lum'podi kubukë bubakëlë mu cilumbu ci saba mu kucinzikë n'kaakë Moyiizë, beeno mbi lwakun'dasukilë, cibilë yavuuci muutu cilumbu ci saba#7.23 5.8-9.? 24Leembwaanu kufundisyaangë baatu mu ntekwaawu. Kasi fundisyaangë mu bucyelikë#7.24 Lev 19.15; Ezy 11.4.. »

Yeesu, naandi Kliistu?

25Mwa mpooko baatu bë livulë li Yelusaleemë bëlëtubaangë : « Muutu awu kwe bën'toombë kuvoondë? 26Talaanu : naandi wulë mu kutubilë fë ciyalëlë i muutu ve wukun'fuungë kutubë. Mu lyalyooli sifumu siitu bacikunë ti, naandi cibeeni Kliistu? 27Fanë Kliistu kun'kwisilë, muutu ve wun'zaabë kuni naandi kufuminë. Akasi beeso tuzabisi kuni kufuminë muutu owo. »

28Yeesu wulëloongaangë mu n'zo-Nzaambi, naandi wusë losukë : « Beeno luzabisi cyelikë nani yikeeli i kuni yifuminë? Miinu yisye kwisilë mu mëngolo maami ko, kasi wunë wukun'filë, mu naandi lufwenikini kutuulë civuufu. Beeno lusye n'zaabë kuve. 29Miinu yin'zabisi, cibilë yifuminë ke naandi i naandi wukun'filë. » 30Baawu, bëlëtoombaangë kukaangë Yeesu, kasi muutu ve wabë yi mëkanë mu kun'siimbë, cibilë ntaangwaandi yabë yibuunu kufwaanë. 31Mu nkoongë, mpaapë baatu bëta maanë mu naandi. Baawu bëlëtubaangë : « Ntaangu Kliistu wun'kwisilë, naandi wun'vaangë bimaaku bin'vyokilë yi byo muutu awu wumunë kuvaangë? »

Bëtumë mësodaadi mu kukaangë Yeesu

32Sifalisyaanu, bëyuwu manë bëlëmimëtaangë mu nkoongë mu cibilë ci Yeesu. Bëkuluutu be singangë-Nzaambi i Sifalisyaanu bëfilë mësodaadi mu kun'kaangë. 33Yeesu wusë tubë : « Miinu yike yiinu mu mwa ntaangu. Miinu yin'vutukënë ke wo wukun'filë. 34Beeno lukun'toombë, kasi lusë kum'monë ko, cibilë beeno kupodi ve kweendë ko yim'ba. » 35Mu lya lyoolyo Sizwiifë bisë kufusënë : « Naandi kuni kum'podi kweendë ko beeso tun'kaambu kum'monë? Naandi wun'kwendë kuke Sizwiifë bëtyamukë bwendi singeleekë i wun'natë liloonji ke basë Ngeleesë? 36Buni bun'kwendilë mëbuungu mo kwatubë : Beeno lukun'toombë, kasi beeno lusë kum'monë ko, cibilë beeno kupodi ve kweendë ko miinu yim'ba? »

Miilë yi masi më luziingu

37Cilumbu ci siitu n'saangu, cyaawu cyabë cinjiinji#7.37 Lev 23.36., Yeesu wusë telëmë fë ntwaalë nkoongë, naandi wulosukë : « Ningë wun'viipë ke yi mpwiilë, naandi we yisi ke miinu, bwiinji kunwa. 38“Wunë wun'ta maanë mu miinu, miilë yin'vaanaangë masi më luziingu yin'kuumbë mu n'timaandi#7.38 Ezk 47.1; 14.8.” bunë butubilë Libuungu. » 39Yeesu wulëtubilaangë mu Ciluunzi ci Nzaambi cilëkulumukë ke banë bëlëta maanë ke naandi. Kasi mu ntaangu beenë, Ciluunzi ci Nzaambi cisye n'veewu ko, cibilë Yeesu wabë yibuunu kuzangëmë mu bumpumu.

Nkoongë baatu yikabukë mu cibilë ci Yeesu

40Abu bayuwu mëbuungu be moomo, bëmesë mu nkoongë, bëlëtubaangë : « Cibeeni, muutwaawu M'bici! » 41Bën'ka bëlëtubaangë : « Naandi Kliistu kukeeli! » Bëmesë yivaandi bëlëtubaangë : « Kliistu sye fuminë ku Ngalilee kwe#7.41 1.46; 7.52.? 42Mësonëmë ti Kliistu wum'ba muutu wum'butu mu likaandë li Daviidë i naandi wun'fuminë ku libweeti li Betëlëyeemë linë Daviidë kuzingilë#7.42 2 Sa 7.12; Mis 5.1; Mat 2.5.. » 43Nkoongë yikabukë mu cibilë ci Yeesu. 44Bën'ka mu nkoongë bëlëzolaangë kun'kaangë, kasi muutu ve wabë mëkanë mu kun'siimbë.

N'timë ngolo wu sifumu si Sizwiifë

45Mësodaadi bëvutukënë kuke singangë-Nzaambi i Sifalisyaanu banë bëbëyufulë: « Cibilë-mbici beeno lwakaambu kutwalilë Yeesu? » 46Mësodaadi misë vutulë : « Tee yi zwaalu muutu ve wutubë dedë mweekë naandi! » 47Sifalisyaanu bisë tubë : « Beeno yiviinu lwata maanë mu naandi? 48Beeno luzabisi fumu mweekë kaambofo Sifalisyaanu sinë syata maanë mu naandi? 49Kasi baatu be boobo bësye zaabë ko nkaakë Moyiizë, baawaaba bësifu! »

50Nikodeemë wabë wumweekë mu cinguuku ci Sifalisyaanu : naandi wuye monë Yeesu mwa ntaangu sivyookë#7.50 3.1-2.. Naandi wusë bëkaambë : 51« N'kaakiitu wun'tubë ti, beeso kupodi ve kuvaanë muutu mëseembu kukaambu ntetë kun'yuwu i kuzaabë linë kwavaangë#7.51 Det 1.16.. » 52Baawu bisë n'vutulilë : « Njeeyi yivaaku musë Ngalilee? Taangë buboti Mëbuuku më Nzaambi, bwiinji wuzaabë ti m'bici ve wun'fuminë ku Ngalilee#7.52 1.46; 7.41.. »

Yeesu i n'cyeetu nduumbë

[ 53Fë mbusë, kadë muutu wuye yendaangë ku n'zwaandi#7.53 7.53-8.11..

Currently Selected:

Za 7: NTVIL

Highlight

Copy