Za 17

Yeesu wasambilë mu bilaanzi byaandi

1Bo kwamani kutubë, Yeesu wuvum'bulë ntalu ku yilu i wusë tubë : « Ata, zoolë yafwaanë. Leesi bumpumu bu Mwanaaku, bwiinji Mwaanë yivaandi wuleesi bumpumu bwaaku. 2Njeeyi wun'vaanë lutumu mu baatu bakë booso, bwiinji naandi kuvaanë luziingu lu sakë yi sakë ke banë njeeyi wun'vaanë. 3Luziingu lu sakë yi sakë lukeeli mu kuzaabë, njeeyi vwiili Nzaambi cyelikë i kuzaabë Yeesu Kliistu, wunë njeeyi wufilë. 4Miinu yaleesi bumpumu bwaaku fë moongo butoto. Miinu yamanisi cisalu cyo wukum'paanë mu kusalë. 5Buyifanwabu ata, mpaani fë ntwaalaaku bumpumu bo bwabë yaami ke njeeyi ntetë buloongo kuvangënë. 6Miinu yakuzabikini ke banë njeeyi wubotulë mu buloongo mu kum'paandikë baawu. Baawu babë baaku, njeeyi wukum'paanë baawu i baawu bëvitikë libuungu lyaaku. 7Baawu bëzabisi buyifanwabu ti makë mooso wum'paanë mëfuminë ke njeeyi, 8cibilë miinu yibe vaanë mëbuungu mo wukum'paanë i baawu bë mëtambulë. Baawu bëcikunë ti cibeeni miinu yifuminë ke njeeyi i baawu bëta lyaanë ti njeeyi wukun'filë. »

9« Miinu yilë mu kusambilë mu baawu. Miinu yisë mu kusambilë ko mu cibilë ci buloongo, kasi mu banë njeeyi wukum'paanë, cibilë njeeyi wubëbakisi. 10Byakë byooso yibakisi byaku njeeyi i byaku byooso byaami i bumpumu bwaami bëm'monikë mu baawu. 11Miinu yisyeeli mu buloongo ko, kasi baawu bëcili mu buloongo. Miinu yakun'kwisë ke njeeyi. Taatë wu saantu, bësweeci mu lutumu lwaaku lu saantu, lunë njeeyi wukum'paanë, bwiinji baawu bëba dedë mweekë miinu i njeeyi tuke muutu mweekë. 12Ntaangu yabë yaawu, yilëbëlundaangë mu lutumu lwaaku lu saantu, lunë njeeyi wum'paanë. Miinu yilëbësweekaangë i wun'viipë ve mu baawu wuzimbilë, kanuku tokë wunë wufitë zimbilë, bwiinji ti manë mësonëmë mëvangënë#17.12 Twi 41.10; Za 13.18.. 13Buyifanwabu, miinu yilë mu kwiisë ke njeeyi. Miinu yilë mu kutubilë boobo cibilë ti yicili mu buloongo, bwiinji baawu bëba baveekë mu liyaanji, liyaanji like deku-dekoo. 14Miinu yibëvandikë libuungu lyaaku i baatu bëke mu buloongo bëbëleendë cibilë baawu bësyeelyooso ko baatu bë buloongo, dedë mweekë miinu yikeeli ko muutu wu buloongo. 15Miinu yisye kuloombë ko wubëbotulë mu buloongo, kasi wubësweekë mu mëvaangë më Civadë-mbi#17.15 Mat 6.13.. 16Baawu bëkeeli baatu bë buloongo ko, dedë mweekë miinu yikeeli musë buloongo ko. 17Bëvangisi kuyivaanë ke njeeyi mu bucyelikë, libuungu lyaaku cyelikë. 18Miinu yibëfilë mu buloongo dedë mweekë njeeyi wukun'filë mu buloongo. 19Miinu yayivandikë ke njeeyi mu baawu, bwiinji baawu yivaawu bëba cyelikë mu njeeyi. »

20« Miinu yisë mu kusambilë tokë mu baawu kuve, kasi yivaandi mu banë bën'ta maanë mu miinu mu cibilë ci mpolwaawu. 21Miinu yilë mu kusambilë bwiinji bakë booso bëba muutu mweekë. Ata, baawu bëba muutu mweekë yi beeso, dedë mweekë njeeyi wukeeli yi miinu i miinu mu njeeyi. Baawu bëba muutu mweekë bwiinji buloongo buta maanë ti njeeyi wukun'filë. 22Miinu yibëvaanë bumpumu bunë wukum'paanë, bwiinji baawu bëba muutu mweekë dedë mweekë miinu i njeeyi tuke muutu mweekë. 23Miinu yin'zingilë mu baawu, njeeyi wun'zingilë mu miinu, mati boobo bwaawu bëm'beelë cyelikë muutu mweekë, bwiinji baatu bë buloongo bëzaabë ti njeeyi wukun'filë i njeeyi wubëzolë dedë mweekë bo njeeyi bëkun'zolilë. 24Ata, njeeyi wukum'paanë baawu, i miinu yizolisi ti baawu bëba yaami fo yikeeli, bwiinji ti bëmonë bumpumu bwaami, bumpumu bo wukum'paanë cibilë njeeyi wukun'zolë ntetë buloongo kuvangënë. 25Taatë wusulëmë, buloongo busye kuzaabë kuve, kasi miinu yikuzabisi i baawu aba bëzabisi ti njeeyi wukun'filë. 26Miinu yabëzabikini lizinë lyaaku ke baawu i mba yibe zabëkënyooso lizinë lyaaku, bwiinji luzolo luke yaaku mu miinu luba yivaandi mu baawu i miinu yiba miveekë mu baawu. »

Currently Selected:

Za 17: NTVIL

Highlight

Copy