Ebrewita 8
8
Puranga piri pisasua kuximawara sui
1Yawesawa kua yambeuwaa penye arama, yarikute yepe saserduti ruixawa uwapikawaa ikatusawa upe itrunu sui kua yaneruixawa kirimbawawaa iwaka kiti.
2Upuraki ipupe kua templu supiwa, kua tiwa apigawa umunya, maa Deus umunya ae.
3Nyãse panye kuaita saserdutita ruixawaita aintaurikute aintauxari Deus supe arama mira uxariwaita ixupe, uferta, nimbawa uyukáwaa yuiri; ape kua saserdutita ruixawa urikute uxari yuiri maantu Deus supe.
4Kua uiku rame mundu upe timaa arama saserduti ae, nyãse aikuete kuaita saserdutita uxariwaita Deus supe arama uferta, kuaye Deus nyenga kuximawara umbeuwaa yawe,
5Aintaupuraki sangawa kuera ixupe kua Deus ruka iwaka kitiwara. Muize umunya rame kua Deus ruka kua mundu upewara Deus umbeu ixupe: "Remaa nesui yawaite timaa remunya ae kuaye hamukamewaa yawe remaa iwitera rese."
6Maa kuiri kua Kristu uriku imuraki puranga piriwaa isui kua kuximawara, kuaye purangawaa yawe kua nyenga upurakiwaa isui kua nyenga kuximawara, nyãse kua nyenga pisasua uiku sese kua nyenga Deus umbeuwaa puranga piriwaa.
7Puranga rame maa kua nyenga kuera umbeuwaa, timaa maa resewara umbeu yuiri mukuĩsawa kua umbeuwaa.
8Nyãse umbeu irumu ainta supe kirimbawa inyenga Yaneruixawa umbeu: "Uri kuri amu ara, hambeu kuri israelitaita ruka puraita supe, yepe nyenga pisasua Judá ruka puraita supe yuiri,
9Yepe nyenga tiwa iyawe kua hambeuwaa aintaramunyaita supe harasu rame ainta seipu irumu harasu arama ainta Egitu sui, nyãse timaa aintauiku santa sese kua hambeuwaa, ape timaa hasendu ainta supe, yawe unyee kua Yaneruixawa."
10Yawe unyee Yaneruixawa: "Kuaye kua hambeuwaa israelitaita ruka puraita supe; nyã ara upe kuri haxari kuri aintarese hamanduarisawa, hampinima kuri senyenga aintapia upe, ape kuri aintaDeus ixe, asui semiraita kuri ainta.
11Asui tikuri aintaumbue aintarumuara, tiyuiri kuri aintaumbue aintaimuita, tikuri aintaumbeu: Rerikute rekuawa Yaneruixawa; nyãse panye kuri aintaukuawa ixe, panye ipuiwaita, panye ipuwasuwaita.
12Nyãse pirasua kuri hamaa ainta aintapuxuwerasawa resewara, asui tikuri hamanduari mukuĩsawa aintapekadu."
13Umbeu rame sese kua nyenga pisasuwaa, anyunte umutuyuweana kua uyupiruwaa kuera umbeu. Asui kua kuximawara, umutuyuweanawaa kuera usasawana.
Currently Selected:
Ebrewita 8: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
