Popular Bible Verses from Ebrewita 8

Share

Nyãse pirasua kuri hamaa ainta aintapuxuwerasawa resewara, asui tikuri hamanduari mukuĩsawa aintapekadu."

Yawe unyee Yaneruixawa: "Kuaye kua hambeuwaa israelitaita ruka puraita supe; nyã ara upe kuri haxari kuri aintarese hamanduarisawa, hampinima kuri senyenga aintapia upe, ape kuri aintaDeus ixe, asui semiraita kuri ainta.

Asui tikuri aintaumbue aintarumuara, tiyuiri kuri aintaumbue aintaimuita, tikuri aintaumbeu: Rerikute rekuawa Yaneruixawa; nyãse panye kuri aintaukuawa ixe, panye ipuiwaita, panye ipuwasuwaita.

Nyãse umbeu irumu ainta supe kirimbawa inyenga Yaneruixawa umbeu: "Uri kuri amu ara, hambeu kuri israelitaita ruka puraita supe, yepe nyenga pisasua Judá ruka puraita supe yuiri

Yawesawa kua yambeuwaa penye arama, yarikute yepe saserduti ruixawa uwapikawaa ikatusawa upe itrunu sui kua yaneruixawa kirimbawawaa iwaka kiti.