Ebrewita 4
4
Yapitu rendawa
1Ape yarikute yasikie, yawaite yepe pesuiwara uyawi, umbeu ramere yande arama yawike arama Deus yapitu rendawa upe.
2Nyãse kua nyenga purangawaa usikana yanerese kuaye usikawaa yawe aintarese, maa timaa uajudari ainta nyãse tiaintauruyari ae kuaita usenduwaita ae.
3Nyãse yande uruyariwaita yawike upitu rendawa upe, kuaye umbeuwaa yawe: "Kirimbawa hambeu sepiaiwasawa irumu, tikuri aintauwike hapitu rendawa upe, umbawana umunya panye kuaita umunyawaita senundere umunya kua mundu.'
4Asui yawe kuera umbeu sese kua setisa ara: "Asui setisa ara rese Deus upitu panye imuraki sui."
5Asui arame yuiri umbeu mukuĩsawa: "Tikuri aintauwike hapitu rendawa upe."
6Ape watarire yepeyepe aintasuiwara aintauwike, asui kuaita usenduwaita kua nyenga purangawaa tiaintauwike tiresewara aintauruyari.
7Asui uikupuku yaweana uxari yuiri sangawa inyenga irumu kua Davi, yawe umbeu kuera: "Uyi ara pesendu rame inyenga tepemusanta pepia."
8Ape Juzue uxari rame maa aintaupitu arama, timaa umbeu sakuera sese amu ara kuri.
9Asui aikue yepe aintaupitu rendawa aintarunde kuaita Deus miraita.
10Nyãse awa rame uwike Deus upitu rendawa upe, upitu yuiri imuraki sui, kuaye Deus upituwaa yawe imuraki sui.
11Ape kirimbawa yarikute yasikari yawike upitu rendawa upe, tiarama yepe uwari tiresewara uruyari, kuaye aintayawe kuera.
12Nyãse kua Deus nyenga upakawaa ae, kirimbawa ae, saimbepiri ae isui kua espada urikuwaa mukuĩ ruaxara saimbewaa, upuderi uwike yanepia upe, utiari arama yanepia sui kua yamanduarisawa. Utiari yuiri yanemuapirisawa isui kua kãwera puraita, upuderi ukuawa panye yamanduarisawa, panye yuiri yanepia upewaraitare.
13Tiaintaupuderi aintauyumimi isui kuaita umunyawaita, nyãse kua umbeuwaa kuri yanerese uyukuawa umaa ainta panye kua yambeuwaa, panye yamunyawaita.
14Nyãse kua Deus raira Jesus aete kua saserdutita ruixawa uwikewaa iwaka kiti; ape yarikute yaiku santa sese kua yaruyariwaa.
15Nyãse kua saserdutita ruixawa ukuawate mayetaa yanepituasawa rese; kuxima Yurupari uputari uganani yuiri ae, kuaye yaneyawe, maa ae timaa umunya puxi.
16Ape tiyasikie, yarikute yamusuaki itrunu purangawaa, pirasua arama umaa yande, yawasemu arama ipurangasawa uajudari arama yande mairamentu yasikari ae.
Currently Selected:
Ebrewita 4: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
