Popular Bible Verses from Ebrewita 4

Share

Nyãse kua Deus nyenga upakawaa ae, kirimbawa ae, saimbepiri ae isui kua espada urikuwaa mukuĩ ruaxara saimbewaa, upuderi uwike yanepia upe, utiari arama yanepia sui kua yamanduarisawa. Utiari yuiri yanemuapirisawa isui kua kãwera puraita, upuderi ukuawa panye yamanduarisawa, panye yuiri yanepia upewaraitare.

Ape tiyasikie, yarikute yamusuaki itrunu purangawaa, pirasua arama umaa yande, yawasemu arama ipurangasawa uajudari arama yande mairamentu yasikari ae.

Nyãse kua saserdutita ruixawa ukuawate mayetaa yanepituasawa rese; kuxima Yurupari uputari uganani yuiri ae, kuaye yaneyawe, maa ae timaa umunya puxi.

Tiaintaupuderi aintauyumimi isui kuaita umunyawaita, nyãse kua umbeuwaa kuri yanerese uyukuawa umaa ainta panye kua yambeuwaa, panye yamunyawaita.

Nyãse kua Deus raira Jesus aete kua saserdutita ruixawa uwikewaa iwaka kiti; ape yarikute yaiku santa sese kua yaruyariwaa.

Ape kirimbawa yarikute yasikari yawike upitu rendawa upe, tiarama yepe uwari tiresewara uruyari, kuaye aintayawe kuera.