Ebrewita 2
2
Yamaa yanesui yaruyari arama puranga
1Ape yarikute yaruyari puranga kua nyenga supiwa yasenduwaa, yawaite yayusupari yande isui.
2Asui supiwa rame kua nyenga umbeuwaa anjuita yuru sui, uxari rame aintaupurara panye kuaita umunyawaita puxi, tiwaita uruyari yuiri,
3Ape, maitaa kuri yaeskapari yande tirame yaruyari kua turusuwaa salvasão? Yaneruixawa uyupiru umbeu ainta supe ae, asui kuaita usenduwaita ae, aintaumbeu yande arama ae.
4Asui Deus uxari yakuawa aintairumu umunya resewara kuaita tiwaitare yamaa, tiwaita yamunya yuiri, siya milagri yuiri, uxari resewara yuiri yande arama kua Espiritu Santu, kuaye uputariwaa yawe.
Upurandu yanerese purangawaa
5Asui timaa Deus uxari kuaita anjuita aintaumunduwaita ainta, ipupe kua mundu uriwaa kuri, kua mundu yambeuwaa sese.
6Nyãse yepe umbeu kuera: "Awataa kua apigawa remanduari arama ae? Awataa kua usemu umaa kua mundu remanduari arama sese?
7Kuiri rexariana uiku pitua xinga aintasui kuaita anjuita, asui rexariana sese ipurangasawa, yawaitesawa yuiri.
8Asui panye maantu rexariana panye ipi wira kiti. Asui uxari irumu umundu panye maantu tiyamaa maa kua tiwa umundu. Maa timaare umundu panye maa."
9Asui yamaa kua Jesus, uikuwaa kuaira pitua xinga anjuita sui, Deus uxari sese ipurangasawa, yawaitesawa yuiri upurara resewara manusawa; upuderi arama usaã kua Deus purangasawa irumu kua manusawa aintaresewara panye kuaita apigawaita.
10Puranga umunya uxari irumu purangawaa ae, upurara resewara kua uxariwaa ainta supe kua salvasão, urasu irumu siya tairaita ipurangasawa kiti, kua umunyawaa panye maa ixupe aramate.
11Nyãse kua umukaturuwaa ainta, kuaita yuiri umukaturuwaita yepenyu suiwarate ainta. Sesewara timaa utiĩ useruka imuita ainta;
12Umbeu: "Hambeu kuri semuita supe nerera rese, asui hanyengari kuri purangawaa nerese aintapiterupi kuaita uyumuatiriwaita."
13Umbeu yuiri: "Haxari kuri sepia sese." Umbeu yuiri: "Aete ixe kua, aintairumu kuaita tairaita Deus uxariwaita ixe arama."
14Nyãse kuaita tairaita yepewasu aintauriku aintapira rukuera, tuwi yuiri; asui yawete yuiri uxari sese ipira kuaye aintayawe, asui umanu resewara ae upuderi umburi kua Yurupari manusawa ruixawa.
15Asui uyurawa panye kuaita manusawa umprezuwaita ainta, aintausikie resewara isui.
16Nyãse yakuawate timaa uputari uajudari kuaita anjuita, maa uputari uajudari kuaita Abraão rimiariruita.
17Ape urikute uiku yepewasu aintairumu kuaita imuita panye rese, upuderi arama saserdutita ruixawa ae aintaresewara, Deus irumu umaa arama pirasua ainta supiwa, uperduari arama aintapekadu panye kuaita miraita.
18Nyãse kuxima ae yuiri upurara, Yurupari uputari yuiri uganani ae umunya arama puxi; ape kuiri upuderi uajudari kuaita Yurupari uputariwaita uganani aintaumunya arama puxi.
Currently Selected:
Ebrewita 2: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
