Popular Bible Verses from Ebrewita 2

Share

Nyãse kuxima ae yuiri upurara, Yurupari uputari yuiri uganani ae umunya arama puxi; ape kuiri upuderi uajudari kuaita Yurupari uputariwaita uganani aintaumunya arama puxi.

Nyãse kuaita tairaita yepewasu aintauriku aintapira rukuera, tuwi yuiri; asui yawete yuiri uxari sese ipira kuaye aintayawe, asui umanu resewara ae upuderi umburi kua Yurupari manusawa ruixawa.

Ape yarikute yaruyari puranga kua nyenga supiwa yasenduwaa, yawaite yayusupari yande isui.

Ape urikute uiku yepewasu aintairumu kuaita imuita panye rese, upuderi arama saserdutita ruixawa ae aintaresewara, Deus irumu umaa arama pirasua ainta supiwa, uperduari arama aintapekadu panye kuaita miraita.

Asui yamaa kua Jesus, uikuwaa kuaira pitua xinga anjuita sui, Deus uxari sese ipurangasawa, yawaitesawa yuiri upurara resewara manusawa; upuderi arama usaã kua Deus purangasawa irumu kua manusawa aintaresewara panye kuaita apigawaita.