2 Kurintuwaraita 6
6
Sangawa usika umukaturu arama yande
1Yapuraki Kristu irumu ape yambeu penye arama kirimbawasawa irumu tiarama retentu pesuanti kua Deus purangasawa.
2Yawe unyee Deus:
—Hasendu inde arama usika irumu nerangawa, hawajudari inde nyã ara upe, hamukaturu inde. Kuiri ike, kuiri usikana nerangawa, kuiri ike usikana nyã ara hamukaturu arama inde.
3Tiyasikindawa aintasui kua pee yasu arama iwaka kiti, yawaite aintaumbeu puxi yanerese sese kua yambuewaa.
Aintaumuruanyana Paulu Kristu resewara
4Maa upurakisaraita Deus supe yande, ape yawewarawate yamunya puranga pemaa arama, timaa ipiaiwa yande, yapurara, watari yande arama yanemaa arama, yapurara yanepia upe.
5Aintaunupa yande, aintaumprezu yande, aintauyakawa yande, yawewarawate yapuraki, yasaru pituna upe, yapurara yumãsi.
6Timairame yamunya puxuwerawa yanepira irumu, yakuawa yambue puranga, timaa yanepiaiwa yande, puranga yanepia, kua Espiritu Santu wajudari yande, yagustari supiwa.
7Yapurungita supiwa, yariku Deus kirimbawasawa yamunya puranga mukuĩ yaneipu irumu yamuruanyana arama Yurupari.
8Yamunya puranga ainta supe arama kuaita urespetari yande, ainta supe yuiri kuaita tiwaita urespetari yande. Yamunya puranga aintaumbeu rame puxi yanerese, aintaumbeu rame puranga yanerese yuiri. Aintaumaa yande arama kuaye aintaumaawaa yawe ugananiwaita, maa supiwa yanenyenga.
9Aintaumaa yande kuaye tiwa yawe aintaukuawa pukusawa yande; yamanu yande maa yapakare yande. Aintaumpurarakari yande maa timaa yakanyemu.
10Aintaumusasiyara yande maa suuri yanepia yawewarawate, pirasua yande maa yaneresewara aintauriku aintamaa purangawaa kuaita siyawaita, timaa nungara yariku yande maa yarikute panye maa.
Paulu ugustari ainta
11Yaputari yambue penye puranga yaneyuru irumu penye kurintuwaraita; yagustari penye yanepia sui.
12Tiyanekuere yagustari penye; penyete tipegustari yande puranga.
13Ape hambeu penye kuaye hambeuwaa yawe ainta supe kuaita tainaita, perikute pegustari yande turusu piri.
Tepeiku tiwaita uruyari irumu
14Tepeiku yepewasu tiwaita uruyari irumu. Maitaa yepewasute purangawaa irumu kua puxuwerawa? Maitaa yepewasu turi irumu kua pitunawasuwaa?
15Maitaa yepewasu Kristu Yurupari irumu? Maitaa yepewasu aintaumanduarisawa kuaita uruyariwaita aintairumu kuaita tiwaita uruyari?
16Maitaa yapuderi yaxari kuaita idulu Deus ruka upe? Yandete Deus ruka kua upakawaa. Yawe unyee Deus:
—Haiku kuri aintapia upe haiku kuri aintapiterupi, ixete aintaDeus, aintate semiraita.
17Ape peyuiri aintasui, yawe unyee Yaneruixawa:
—Teperuyari kua ikiawaa aintaumunyawaa, ape kuri hasuanti penye;
18Pepaya kuri ixe, serairaita kuri penye, serayeraita kuri penye, yawe unyee yaneruixawa kua kirimbawawaa panye sui.
Currently Selected:
2 Kurintuwaraita 6: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
