2 Kurintuwaraita 2
2
Tiuputari umaa ainta sasiyara
1Hamanduari ixe arama sepia upe, tikuri hamaa pepiri sasiyara rame hamanduari penye.
2Hamusasiyara rame penye awataa kuri upuderi umusuuri ixe? Anyunte kuaita hamusasiyarawaita.
3Hampinima penye arama papera tiarama aintaumusasiyara ixe kuaita urikuwaita umusuuri arama ixe hayuiri rame hamaa pepiri, nyãse kuiri kuri hamanduari puranga penye suuri arama kuri penye seirumu kuaye seyawe.
4Kuxima hampinima penye arama sepia sui sasiyara hapurara rame, hayaxiu irumu turusu hampinima penye arama, timaa hamusasiyara arama penye, maa pekuawa arama hagustari penye turusu.
Aintauperduari arama kua aintautiari
5Maa yepe umusasiyara rame ixe timaa umusasiyara ixenyu, maa penye yuiri yepeyepe, kuaye hanyee yawaite kirimbawa hambeu perese penye.
6Ape usikana, aintaupuderiana aintauxari upurara kuaita siyawaita.
7Ape kuiri peperduari peirumu ae pemusuuri ae tiarama sasiyarasawa uyuká ae.
8Ape kirimbawa hambeu penye, pexari ukuawa mukuĩsawa pegustari ae.
9Ape hampinima penye arama hamaa arama maitaa peruyari kua hambeuwaa panye penye arama.
10Awa peperduari peirumu, haperduari yuiri seirumu ae, haperduari rame awantu haperduari seirumu ae peresewara Kristu umaa.
11Tiarama kuri Yurupari umuserana yande nyãse yakuawa mayetaa uganani miraita.
Uputari umaa Titu
12Asui hayuiri irumu Truadi kiti hambeu penye arama kua inyenga purangawaa Kristu rese, hawasemu turusu kua semuraki.
13Maa timaarese haiku nyãse tihawasemu kua semu Titu akiti, ape hambeu seresewara hayuiri aintasui hasu arama Masedunia kiti.
Kristu irumu yamuserana Yurupari
14Kuiri hamee purangawaa Deus supe, nyãse Kristu irumu uxari yamuserana Yurupari yawewarawate, asui uxari aintaukuawa arama yaneyuru sui panye kua inyenga sakuenawaa Kristu rese panye aintarendawa upe.
15Nyãse yandete kua sakuenawaa Kristu rese Deus umaa aintapiterupi kuaita umukaturuwaita aintapiterupi yuiri kuaita ukanyemuwaita.
16Yaxari aintaukuawa umanu kuri ainta Deus sui Kuaita tiwaita uruyari. Yaxari aintaukuawa upaka kuri ainta kuaita uruyariwaita. Awataa upuderi umunya panye maa kuayewaa?
17Timaa aintayawe yande kuaita siyawaita uganyariwaita aintamaa arama Deus inyenga rese, maa yambue kua Deus inyenga supiwa kuaye umunduwaa yawe yande umaa arama kua Deus, yambeu inyenga kuaye Kristu uxariwaa yawe.
Currently Selected:
2 Kurintuwaraita 2: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
