2 Kurintuwaraita 10
10
Deus ukuawasawa irumu yamburi Yurupari
1Kuiri ixe Paulu, hambeu penye arama kirimbawa nyenga ipiaiwaimawaa irumu purangawa irumu iyawe kua Kristu. Timaa sepiaiwa ixe hamaa irumu penye apekatu rame pesui ixe.
2Hambeu penye arama kirimbawa hayuiri rame pepiri tiarama maa resewara pexari hapurungita penye arama kirimbawa kuaye haputariwaa yawe hapurungita kirimbawa ainta supe kuaita umanduariwaita yaxari yanepia sese kua mundu.
3Yaiku ramere kua mundu upe, maa timaa yamunya kera aintayawe kuaita mundu puraita.
4Tiyamunya kera yayukáwaa rupiara irumu aintayawe kuaita mundu puraita, maa Deus ukuawasawa irumu yamburi yanesui Yurupari yamutenyuntu aintanyenga kuaita yaneruanyanaita.
5Ape yaxari aintaumanduarisawa ukanyemu yawaite tipepuderi pekuawa Deus rese. Yamprezu panye yamanduarisawa yaruyari arama Kristu.
6Pruntu yande yaxari pepurara pepekadu resewara peruyari irumu kuri inyenga puranga penye.
7Maitaa tipekuawa mayetaa kua pemaawaa. Awataa ukuawa Kristu iyara ae pexari ukuawa Kristu yara yande yuiri yawe.
8Yambeu rame kirimbawa yaneresewara serakuenawaita yande tikuri yayumutiĩ nyãse yaneruixawa uxari yasaru penye, yambeu penye yasupiri arama penye, tiarama yamukanyemu arama penye.
9Tihaputari pemanduari hamutawa penye sepapera irumu.
10Nyãse yawe aintaumbeu serese:
—Kirimbawa umpinima yande arama ipapera upe kuaye ukuawa yawe, maa pituawaa ipira, timaa upurungita puranga yasendu.
11Pexari ukuawa kua mira yayuiri kuri yamunya kuaye yampinimawaa yanepapera upe.
12Tiyepewasu yande aintairumu kuaita amuita umbuewaita purangawaa aintaresewara. Aintaumbeu puranga ainta amuita sui, ape yakuawa tiwaita ukuawa ainta.
Maitaa Paulu umbeu
13Maa tiyambeu yaneresewara panye sui, anyunte yambeu kuaye Deus uxari yawe, ape penye yuiri yambue penye.
14Timaa yaganani yaneresewara. Tiyambeu tiyasika pepiri. Kuxima yasika pepiri aintarunde panye yambue arama kua nyenga puranga Kristu rese.
15Timaa yaganani sese kua aintaupurakiwaa kuaita apigawaita umbuewaita, anyunte yasaru peruyari kirimbawa yambue arama siyapiri miraita pepiterupi.
16Yaputari yambue kua nyenga purangawaa kuaita perendawaita runde kiti yawaite yambeu yaneresewara yambue resewara amuita umbuewaita.
17Awa uputari umbue purangawaa sesepawate anyunte pexari umbeu purangawaa yaneruixawa rese.
18Nyãse timaa suuri Deus umaa ixupe kua umbeuwaa purangawaa sesepawate, maa suuri Deus umaa ixupe kua yaneruixawa umbeuwaa sese puranga.
Currently Selected:
2 Kurintuwaraita 10: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
