1 Timuteu 6
6
Upurakiwaita aintapatrãoita yuiri
1Rexari aintaurespetari aintaruixawaita panye kuaita apigawa supe arama, tiarama aintaumutenyuntu Deus rera, yambuewaa yuiri.
2Asui kuaita urikuwaita aintaruixawa uruyariwaita, tiarama puxi aintaumaa ainta supe nyãse aintaimuita ainta, maa aintaurikute aintaupuraki ainta supe turusu xinga, nyãse uruyariwaita aintaugustariwaita kuaita uganyariwaita ipupe kua aintaupurakiwaa puranga. Rembue, asui rembeu aintaumunya yawe.
Umbuewaita puxuwerawaita
3Yepe umbue rame amu kiti, tirame yepewasu inyenga yaneruixawa Jesus Kristu nyenga purangawaa, tirame yepewasu yuiri kua umbuewaa uxariwaa yamanduari puranga Deus,
4Anyunte umanduari sesepawate, timaa nungara ukuawa, kirimbawa usikari umaramunya aintairumu inyenga irumu, uputari yuiri umuserana ainta inyenga resewara, anyunte uxari aintaumuasi, puxi aintaumaa yuiri, aintaumbeu tenyuntu aintaresepawa, aintaumanduari puxi amuita rese;
5Uxari aintauyuyakawa apigawa tiwaita umanduari irumu, kuaita tiwaita uriku nyenga supiwa, aintaumanduari aintaupuderi aintauganyari aintamaa arama aintaumanduari resewara Deus.
6Turusu kuri yaganyari Deus irumu, yamanduari rame ae suuri.
7Nyãse timaa nungara yaruri kua mundu kiti, tiyuiri maa yapuderi yarasu kua mundu sui.
8Maa yariku rame yambau arama, yanerupa arama yuiri yarikute yaiku suuri.
9Maa kuaita uputariwaita rikuwaa ainta, aintauwike kuri Yurupari irumu, umuyusana ainta aintairumu kuaita aintauputariwaa aintaumunya tenyuntu puxuwerawa kua uxari aintaukanyemu kuaita apigawaita aintaukanyemu arama.
10Nyãse kua ugustari turusu dinyeru, panye puxuwerawa rapu ae; asui yepeyepe aintauyusupariana ainta uruyarisawa sui, aintaumuasi resewara dinyeru, asui aintauyumusasiyara aintapawa, siya sasisawa irumu.
Uputari Timuteu umunya puranga
11Maa inde apigawa Deus yara, reyawawa isui kua yawewaa; rewata purangawaa rese, remanduari Deus, reruyari ae, regustari ae, reiku santa, tenepiaiwa inde.
12Remunya kirimbawa kua kera purangawaa, irumu kua reruyarisawa. Repisika santa kua mundu tiwa upawa, nyãse sesewara Deus usenui inde rembeu irumu netestemunyu purangawaa aintaumaawaa upe siya kuaita usenduwaita.
13Hambeu inde arama usenduwaa upe kua Deus uxari upakawaa panye maantu, usenduwaa upe yuiri kua Kristu Jesus umbeuwaa itestemunyu purangawaa Punsiu Pilatu usendu;
14Hambeu inde arama remukaturu arama ikiaimawaa kua nyenga, terexari aintaumbeu puxi sese, ate uri rame kuri yaneruixawa Jesus Kristu.
15Ape yasaru kuri ae sangawa upe, uxariwaa kua umundusara yepenyute purangawaa, kua aintaruixawaita kuaita tuixawaita, kua aintaguvernuita kuaita guvernuita.
16Aete kua yepenyu tiwa upawa, uikuwaa murutingawaa upe tiwa yapuderi yamaa, kua tiware apigawaita umaa, tiyuiri aintaupuderi umaa ae. Yaputari yarespetari ae, yaputari yuiri yaneruixawa ae yawewarawate. Amem.
Rikuwaita rese
17Maa kuaita rikuwaita kua mundu upe, rembeu ainta supe arama tiarama aintaumanduari puranga ainta, tiarama aintauyuka aintapia aintamaa upawawaa rese, maa aintauxari aintapia sese kua Deus uxariwaa yande arama turusu purangawaa suuri arama yande.
18Aintaumunya arama puranga, riku arama kuri ainta aintaumunyawaita puranga irumu, suuri aintauxari arama turusu aintamaa pirasuawaita supe.
19Aintaumuatiri arama ainta supe arama turusu purangawaa, aintauriku arama kuri yepe aintauiku arama santa, aintaupisika arama kuri kua mundu tiwa upawa supiwa.
Umaa arama isui
20Asui inde Timuteu, remukaturu puranga kua Deus uxariwaa inde arama. Teresendu ainta supe aintaumbeu rame tenyuntu, aintauyakawa rame yuiri sese kua nyenga aintaugananiwaa sese ukuawa ape,
21Nyãse yepeyepe uruyariana kua nyenga, ape aintauyusupariana ainta isui kua uruyarisawa. Kuiri Deus purangasawa uiku peirumu.
Currently Selected:
1 Timuteu 6: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
