1 Kurintuwaraita 8
8
Aintauxariwaa idulu supe
1Kuiri hambeu sese kua timbiu aintauxariwaa idulu supe. Yakuawate yariku yamanduarisawa panye yande. Yamanduarisawa uxari timaarese yande puranga amuita sui, maa kua gustarisawa uxari ukiriari yanepia puranga.
2Kua umanduariwaa ukuawapiri tire ukuawa puranga.
3Deus ukuawate kuaita ugustariwaa ae.
4Ape hambeu sese kua timbiu aintauxariwaa idulu supe. Yakuawate timaa arama kuaita iduluita kua mundu upe. Yakuawate tiyamaa deus isui kua yepenyute Deus.
5Aintaumanduari aintauriku siya deus iwaka kiti kua mundu upe yuiri, ape siya aintadeus aintaumunya aintaipu irumu, aintaruixawaita yuiri.
6Maa yariku yaneDeus yepenyute aete kua yanepaya; aete uxari panye maantu asui yapakawate ixupe arama. Yariku yaneruixawa yepenyute aete kua Jesus Kristu, kua umunyawaa panye maantu, aete uxari upakawate yande panye.
7Maa amuita tire aintaukuawa puranga, kuxima aintauruyari kuaita idulu, ape aintaumbaure kua aintauyukáwaa idulu supe kuaye aintaumbauwaa yawe kuxima, ape umuaiwa aintaumanduarisawa nyãse pituawaa ae.
8Timaa arama Deus supe kua yambauwaa; tirame yambau ae tiumuaiwa yande. Yambau rame tiumuaiwa yande.
9Maa pemaa pesui yawaite pembau ae uyurawa resewara penye asui pexari aintaumunya puxi kuaita pituawaita uruyari.
10Kua pituawaa uruyari umaa rame repuamu meza ruaki idulu ruka upe inde rekuawawaa, umbau kuri aintauyukáwaa idulu supe nyãse umanduari remunya yawe repuamu reiku meza ruaki.
11Ape neresewara ukanyemu kuri kua pituawaa uruyari kua nemu Kristu umanu sesewara.
12Ape remunya pekadu ixupe arama kua nemu nyãse remuaiwa umanduarisawa pituawaa, remunya pekadu Kristu supe.
13Ape sukuera uxari rame semu umunya ipekadu tikuri hambau sukuera yawaite haxari semu umunya ipekadu.
Currently Selected:
1 Kurintuwaraita 8: BBp
Highlight
Share
Copy
Want to have your highlights saved across all your devices? Sign up or sign in
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
